20:41 13 հունիսի 2021
Ուղիղ եթեր
  • USD518.61
  • GBP733.68
  • EUR630.16
  • RUB7.24
Հայաստան
Ստանալ կարճ հղումը
788 0 0

Հայ և ադրբեջանցի զինծառայողների մասնակցությամբ տեղի ունեցած միջադեպի ժամանակ հրազեն չի կիրառվել։

ԵՐԵՎԱՆ, 2 հունիսի - Sputnik. Այսօր առավոտյան Գեղարքունիքում կրկին միջադեպ է տեղի ունեցել հայ և ադրբեջանցի զինծառայողների մասնակցությամբ։ Դրա հետևանքով երկու հայ զինծառայող թեթև մարմնական վնասվածք են ստացել։ Տեղեկությունը Sputnik Արմենիային հայտնեցին ՀՀ պաշտպանության նախարարությունից:

ՊՆ-ից հավելեցին` միջադեպի ընթացքում հրազեն չի կիրառվել. այն արագ հարթվել է հրամանատարության ջանքերով:

Միջադեպի մասին այլ մանրամասներ ՊՆ–ից չհայտնեցին։

Հիշեցնենք, որ ՀՀ պաշտպանության նախարարությունը մայիսի 20-ին էլ հայտնել էր, որ միջադեպ է գրանցվել Գեղարքունիքի մարզի սահմանային հատվածում Հայաստանի տարածքը հատած ադրբեջանցի զինվորականների մասնակցությամբ։ Ըստ հայկական կողմի` մի քանի տասնյակ կրակոց էր արձակվել, ենթադրաբար՝ օդ, ինչից հետո հայկական ստորաբաժանումները նախազգուշացնող կրակ էին բացել։ Դրանից հետո ադրբեջանցի զինվորականների հրամանատարը կապ է հաստատել հայկական ստորաբաժանման հրամանատարի հետ, ներողություն խնդրել և հայտնել, որ կրակոցները պատահականության արդյունք են։

Հավելենք` ադրբեջանցի զինվորականները մայիսի 12-ից Հայաստանի Սյունիքի մարզում գտնվող Սև լճի տարածքում են և փորձում են ամրապնդվել այնտեղ։ Նմանատիպ իրավիճակ է նաև Գեղարքունիքի մարզի Կութ, Վերին Շորժա և Նորաբակ գյուղերի հատվածում։

Ռուսական կողմի միջնորդությամբ բանակցությունների մի քանի փուլ է կայացել։ Հակառակորդն առայժմ հեռանալու մտադրություն դեռ չունի։ Հայաստանը դիմել է ՀԱՊԿ-ին և ռազմական օգնություն խնդրել Ռուսաստանից։

ԽՍՀՄ տարիներին ադրբեջանցիները զավթում էին հայերի հողերը, ապա դարձնում քննարկման առարկա

Ռազմաքաղաքական ղեկավարությունը հայտարարում է, որ ցանկանում է խնդիրը լուծել խաղաղ ճանապարհով, բայց չի բացառում նաև ուժի կիրառման տարբերակը, եթե բանակցությունները արդյունք չտան։

Բացի այդ, մայիսի 25-ին Գեղարքունիքի մարզի Վերին Շորժա գյուղի հատվածում հակառակորդի կողմից արձակված կրակոցներից մահացու վիրավորում է ստացել զինծառայող, կրտսեր սերժանտ Գևորգ Խուրշուդյանը:

Մայիսի 26–ի լույս 27–ի գիշերը ադրբեջանական կողմը Գեղարքունիքի սահմանային հատվածում 6 հայ զինծառայողի է գերեվարել։

ՀՀ վարչապետի պաշտոնակատար Նիկոլ Փաշինյանը մայիսի 27-ին ԱԽ նիստում առաջարկեց Ադրբեջանի հետ սահմանին տեղակայել միջազգային դիտորդների, որոնք կներկայացնեն Ռուսաստանը կամ Մինսկի խմբի համանախագահ մեկ այլ երկիր։

Ըստ թեմայի

Սյունիքում նոր ճանապարհներ են կառուցվում. Նիկոլ Փաշինյան
«Համանախագահ երկրներից մեկն արձագանքել է Սյունիքի հարցով իմ առաջարկին». Նիկոլ Փաշինյան
ՀՀ-ն ամրացնում է Սյունիքի սահմանները. ռուս սահմանապահներին նոր տարածքներ են տրամադրվել
Ռուսաստանի սահմանապահ զորքերն ընդլայնում են իրենց ներկայությունը Սյունիքում. ՌԴ դեսպան
թեգերը:
ՀՀ Պաշտպանության նախարարություն (ՊՆ), միջադեպ, Զինվոր, ադրբեջանցի, Գեղարքունիքի մարզ

Գլխավոր թեմաներ