08:42 20 հունիսի 2021
Ուղիղ եթեր
  • USD513.73
  • GBP713.98
  • EUR612.16
  • RUB7.12
Հայաստան
Ստանալ կարճ հղումը
35111

ՀՀ վարչապետի պաշտոնակատարի խոսքով` հիմա ժողովուրդը կարող է իրեն մեղադրել, թե ինչու էր Օնիկ Գասպարյանին ԳՇ պետի պաշտոն տվել, բայց դրա բացատրությունն էլ կա։

ԵՐԵՎԱՆ, 5 հունիսի – Sputnik. ՀՀ վարչապետի պաշտոնակատար Նիկոլ Փաշինյանն այսօր Կոտայքի մարզի Աբովյան քաղաքում ընտրողների հետ զրույցում հայտարարեց, որ ՀՀ ԶՈւ գլխավոր շտաբի նախկին պետ Օնիկ Գասպարյանը պատասխան կտա դատարանում։

«Օնիկ Գասպարյանը դեռ Շուշիի համար պատասխան է տալու։ Ինքը ինձ դատարանում պետք է բացատրի, թե Շուշիին օգնության հասնող խումբը ինչի է 2 օր ուշացումով տեղ հասել»,–ասաց Փաշինյանը։

Նրա խոսքով` հիմա ժողովուրդը կարող իրեն մեղադրել, թե ինչու է նման մարդուն ԳՇ պետի պաշտոն տվել, բայց դրա բացատրությունն էլ կա։

«Հիմա դուք կարող եք ինձ հարց տալ` բա դրան խի՞ էիք բերել, ըտեղ դրել։ Պարզ պատճառով` ես հո չէի կարող գնալ, օտար երկրից գեներալ բերել։ Մեր գեներալների միջից պետք է նշանակվեր։ Ընդ որում` ես ԳՇ պետ նշանակելուց առաջ խորհրդակցել եմ ոլորտի մարդկանց հետ, ինձ 2018 թվականին էլ, 2020 թվականին էլ ասել են, որ երկու մարդ կա, որ այս պարագայում կարող է դառնալ ԳՇ պետ, ես հենց այդ երկու մարդկանց եմ նշանակել, օդից չեմ վերցրել։ Ու այսօր էդ մարդիկ հայտարարություններ են անում։ Էդքան սուտ, որ ասել են իմ հասցեին, խոսակցության մասին, որը տեղի է ունեցել տասը մարդու ներկայությամբ, ու ես նման մարդուն գեներալ–լեյտենանտի, գեներալ–գնդապետի կոչում եմ տվել»,–ասաց Փաշինյանը։

Հիշեցնենք` ՀՀ վարչապետ Նիկոլ Փաշինյանը ապրիլի 14-ին Ազգային ժողովի ամբիոնից ասել էր, որ Գասպարյանի հայտարարությունը, թե անհրաժեշտ է 2-3 օրվա ընթացքում պատերազմը կանգնեցնել, իրականության հետ որևէ աղերս չունի։
ՀՀ Անվտանգության խորհրդի գրասենյակն էլ, ի հավաստում վարչապետի ասածների, հաջորդ օրը հրապարակել էր Օնիկ Գասպարյանի՝ 2020 թվականի նոյեմբերի 17-ի հայտարարության, այսպես կոչված, գաղտնազերծված փաստաթղթերը: Նիստի քաղվածքի 3 հրապարակված էջերի շուրջ 90 տոկոսի գաղտնիությունը պահպանված էր։ Բացված էր միայն դրա չնչին հատվածը, որի սակավությունը, սակայն, ընթերցողին թույլ չէր տալիս հստակ դատողություններ անել` հօգուտ կողմերից որևէ մեկի։

Օնիկ Գասպարյանն էլ հայտարարել էր, որ ԱԽ քարտուղարության հրապարակած  արձանագրությունների ընտրովի հատվածները ամբողջական չեն արտահայտում զեկույցների բովանդակությունը` դրանով միտումնավոր խեղաթյուրվում է իրականությունը, որն էժանագույն վարքագծի դրսևորում է գործող իշխանության կողմից։ Նա շեշտել էր, որ պետք է պատերազմի հանգամանքների քննիչ հանձնաժողով ստեղծել։

Հիշեցնենք նաև, որ Փաշինյանը երեկ` հունիսի 4-ին, Արարատի մարզի Արտաշատ քաղաքում իր համակիրների հետ հանդիպման ժամանակ ասել էր, որ իրեն մեղադրում են Մեղրին, Մեղրիով միջանցք տալու մեջ բայց այդ գաղափարը բանակցային սեղանին հայտնվել է 1998 թվականին։ Նա հայտարարել էր, որ նոյեմբերին Ղազախի շրջանի գյուղերն Ադրբեջանին տալու թեման էլ է եղել։ ԶՈւ գլխավոր շտաբի պետն ասել է` ստորագրի այդ թուղթը, որից Փաշինյանը հրաժարվել է։

Օնիկ Գասպարյանն էլ իր հերթին այսօր հայտարարել է, որ Փաշինյանն անցնում է պարկեշտության բոլոր սահմանները։ Նա Փաշինյանին էժանագույն շոուների մեծագույն վարպետ էր անվանել։

Ըստ թեմայի

Պատերազմի բոլոր սցենարները հաշվարկված էին. Օնիկ Գասպարյանի խորհրդականը փակագծեր է բացում
Վերաքննիչ դատարանը բավարարել է Օնիկ Գասպարյանի բողոքը
Ունենք բազմաթիվ հարցեր ՀՀ ղեկավարությանը. Օնիկ Գասպարյանը սթափության կոչ է անում
թեգերը:
Օնիկ Գասպարյան, Նիկոլ Փաշինյան, Հայաստան

Գլխավոր թեմաներ