08:17 25 հունիսի 2021
Ուղիղ եթեր
  • USD507.90
  • GBP709.23
  • EUR606.64
  • RUB7.03
Հայաստան
Ստանալ կարճ հղումը
ԱԺ արտահերթ ընտրություններ 2021 (293)
109110

Արթիկում տեղի ունեցած միջադեպից հետո «Հայոց Հայրենիք» կուսակցությունը դիմել է ոստիկանություն։ Հարուցվել է քրեական գործ։

ԵՐԵՎԱՆ, 11 հունիսի – Sputnik. Արթիկ քաղաքում երեկ ծեծկռտուք է տեղի ունեցել։ «Հայոց հայրենիք» կուսակցության նախագահ Անահիտ Եղոյանը Sputnik Արմենիային տեղեկացրեց, որ նշված քաղաքում խաթարվել է իրենց քարոզարշավը։ Կուսակցության ներկայացուցիչները մեքենայով շրջել են քաղաքում` իրականացնելով իրենց քարոզարշավը և բարձրախոսով քաղաքի բնակիչներին իրազեկել իրենց ծրագրային դրույթների, իրենց նպատակների ու քայլերի մասին։

«Երեկ մենք այցելել էինք Շիրակի մարզ։ Շրջեցինք Մարալիկին և Արթիկին հարող բնակավայրերում։ Արդեն ավարտում էինք քարոզարշավը և պետք է մեկնեինք Գյումրի, որտեղ նախատեսված էր մեր հաջորդ հանդիպումը, սակայն Արթիկում տեղի ունեցավ միջադեպ, որի արդյունքում դիմեցինք ոստիկանություն։ Հարուցվել է քրեական գործ»,– նշեց «Հայոց հայրենիք» կուսակցության նախագահը։

Председатель партии Айоц Айреник Анаит Егоян
© Photo : Albina Vardanyan / provided by Anait Yegoyan
Անահիտ Եղոյան

Եղոյանի խոսքով` կուսակցության ներկայացուցիչները, որոնցից երկուսը նաև պատգամավորի թեկնածուներ են, իրենց մեքենայով քարոզարշավ էին իրականացնում և բարձրախոսով հաղորդակցվում մարդկանց հետ` նրանց կոչ անելով քվեարկել «Հայոց հայրենիքի» օգտին։ Երբ մեքենան մտել է Անկախության փողոց, որտեղ տեղակայված է եղել «Քաղաքացիական պայմանագիր» կուսակցության գրասենյակը, շտաբի դիմացից երեք տղամարդ մոտեցել են իրենց մեքենային։ Վարորդը մի կերպ կարողացել է արգելակել։ Այնուհետև նրանք սեռական բնույթի հայհոյանքներ են ուղղել քարոզարշավ իրականացնողների հասցեին։

«Ասում էին, որ մենք իրավունք չունենք իրենց քաղաքում որևէ բան անել։ Երբ մեքենան կանգնեցրինք հարմար տեղ, սկսվեց քաշքշուկ ու կռիվ։ Իրավապահները մոտեցան, փողոցը փակվեց, մեր համակիրները նույնպես հասան մեզ օգնության, և նրանք ավելի շատ էին։ Այդ երեքն իսկույն փախան։ Մենք դիմեցինք ոստիկանության Արթիկի բաժանմունք, տվեցինք համապատասխան հայտարարություն, որի հիման վրա գործ կազմվեց։ Հայտարարվեց հետախուզում, և ընդամենը երկու–երեք ժամվա մեջ հիշյալ երեք անձինք բերման ենթարկվեցին»,– նշեց «Հայոց հայրենք» կուսակցության նախագահը։

Անահիտ Եղոյանը տեղեկացրեց նաև, որ միջադեպին առնչվող իրենց նկարահանած տեսանյութը նույնպես փոխանցել են իրավապահներին, և հույս հայտնեց, որ ոստիկանները կպարզեն, թե ովքեր էին այդ անձանց դրդել նման սադրանքի։ Ի դեպ, կուսակցության նախագահը նշեց, որ հունիսի 9–ին անհայտ անձինք փորձել էին «Հայոց հայրենիք» կուսակցության քարոզարշավը խոչընդոտել նաև Վանաձոր քաղաքում, սակայն միջադեպը շատ արագ հարթվել էր, և գործը ծեծկռտուքի չէր հասել։

ԿԸՀ-ն համաձայն է․ պատգամավորի թեկնածուի դեմ քրեական գործ կհարուցվի

Հիշեցնենք` Հայաստանում ԱԺ արտահերթ ընտրությունները նախատեսված են հունիսի 20-ին։

թեմա:
ԱԺ արտահերթ ընտրություններ 2021 (293)

Ըստ թեմայի

Արմավիրի նախկին քաղաքապետը բռնվել է ընտրակաշառք տալու պահին. տեսանյութ
Փաշինյանի հետ համագործակցությունը բացառվում է, իսկ Քոչարյանի՞. Արման Աբովյանի պատասխանը
Տիգրան Արզաքանցյանը դատարանում կվիճարկի ԿԸՀ-ի որոշումը
թեգերը:
Արթիկ, կուսակցություն, Հայաստան

Գլխավոր թեմաներ