07:27 27 հուլիսի 2021
Ուղիղ եթեր
  • USD482.52
  • GBP665.64
  • EUR569.28
  • RUB6.52
Հայաստան
Ստանալ կարճ հղումը
ԱԺ արտահերթ ընտրություններ 2021 (314)
93 0 0

ՀՀ վարչապետի պաշտոնակատարը քաղաքացիներին հորդորեց համագործակցել իրավապահների հետ և օգնել բացահայտել ընտրակաշառքի դեպքերը։

ԵՐԵՎԱՆ, 14 հունիսի - Sputnik. ՀՀ վարչապետի պաշտոնակատար Նիկոլ Փաշինյանն այսօր Արարատի մարզի Մասիս քաղաքում համակիրների հետ հանդիպման ժամանակ կոչ արեց, որ բոլոր այն քաղաքացիները, որոնք ընտրակաշառքի առաջարկ են ստացել, դիմեն իրավապահ մարմիններին։

«Բոլոր այն քաղաքացիներին, ում ընտրակաշառքի առաջարկ է եղել, ուզում եմ կոչ անել դիմեն իրավապահներին, որ այս երկու օրը բոլոր ընտրակաշառք տվողներին լցնենք ծակերը , որպեսզի դրանք էնտեղ հանգստանան»,–ասաց նա։

Նա նշեց, որ Արմավիրի և Գեղարքունիքի մարզերում կան ձերբակալության դեպքեր։

«Երկու դեպքով էլ ընտրակաշառք բաժանողներին դատարանը կալանավորել է։ Ինչքան գիտեմ, ձերբակալվել են նաև ընտրակաշառք ստացողները, սակայն նրանք համագործակցել են իրավապահ մարմինների հետ և մանրամասն ցուցմունքներ տվել, ուստի ազատվում են քրեական պատասխանատվությունից»,–ասաց Փաշինյանը։

Հիշեցնենք`«Պատիվ ունեմ» դաշինքի պատգամավորության թեկնածու, Արմավիրի նախկին քաղաքապետ Ռուբեն Խլղաթյանը բռնվել էր 9 մլն դրամ ընտրակաշառքի գումարը փոխանցելու պահին։ Խլղաթյանը որոշել էր արտահերթ ընտրություններին իրենց դաշինքի օգտին կողմ քվեարկելու նպատակով Արմավիրի առնվազն 147 ընտրողի գումարի տեսքով ընտրակաշառք տալ։

Գեղարքունիքի մարզի Գավառի տարածաշրջանում ԱԺ արտահերթ ընտրություններին մասնակցող ԲՀԿ  ներկայացուցիչը ընտրողներին բնամթերք էր բաժանել նրանց ձայների դիմաց։

թեմա:
ԱԺ արտահերթ ընտրություններ 2021 (314)

Ըստ թեմայի

Հացթուխ, փականագործ, դիմահարդար ու լոգոպեդ. ովքեր են պայքարում պատգամավորի մանդատի համար
«Երկիրը ճգնաժամից կարող է հանել Ռոբերտ Քոչարյանը». Կարեն Կարապետյան
Տիգրան Արզաքանցյանը դատի է տվել ԿԸՀ–ին. դատարանն այսօր որոշում կկայացնի
թեգերը:
ընտրակաշառք, Նիկոլ Փաշինյան, Հայաստան

Գլխավոր թեմաներ