06:01 01 օգոստոսի 2021
Ուղիղ եթեր
  • USD486.24
  • GBP679.23
  • EUR578.33
  • RUB6.66
Հայաստան
Ստանալ կարճ հղումը
71120

Հատուկ քննչական ծառայությունից տեղեկացրին, որ քրեական գործ է հարուցվել ընտրողի ազատ կամքի իրականացումը խոչընդոտելու հատկանիշներով։

ԵՐԵՎԱՆ, 18 հունիսի – Sputnik. «Իզմիրլյան» բժշկական կենտրոնի տնօրեն Արմեն Չարչյանին վերագրվող ձայնագրության վերաբերյալ նախապատրաստված նյութերի հիման վրա քրեական գործ է հարուցվել։ Տեղեկությունը Sputnik Արմենիային հայտնեցին Հատուկ քննչական ծառայությունից:

«Բժշկական կենտրոնի տնօրենի կողմից աշխատակիցներին սպառնալու ձայնագրության վերաբերյալ ՀՀ հատուկ քննչական ծառայությունում նախապատրաստված նյութերի հիման վրա հարուցվել է քրեական գործ` ՀՀ քրեական օրենսգրքի 154.2-րդ հոդվածի 4-րդ մասի 2-դ կետով (ընտրողի ազատ կամքի իրականացումը խոչընդոտելը)։ Կատարվում է նախաքննություն»,–հայտնեցին ՀՔԾ–ից։

Sputnik Արմենիայի տեղեկություններով` Արմեն Չարչյանին բերման են ենթարկել։

Գլխավոր դատախազությունը «Հայաստան» դաշինքի պատգամավորի թեկնածու, «Իզմիրլյան» բժշկական կենտրոնի տնօրեն Արմեն Չարչյանին վերագրվող ձայնագրությունը ուղարկել է Հատուկ քննչական ծառայություն: Դատախազության կողմից ուղարկված նյութերը ևս կցվել են քրեական գործին։

Չարչյանին վերագրվող ձայնագրության մեջ մասնավորապես հնչում է, որ բոլորը քաղաքացիական պարտք ունեն հիմա։ «Ես ասեմ՝ ես ինքս «Հայաստան» դաշինքի 20 համարն եմ, դա շատ բարձր տեղ ա, այսպես ասած, «պոլնի պռախոդնի» տեղ ա: Բայց ես այստեղ եկել եմ ոչ որպես քաղաքական գործիչ, ես հիմա ներկայացնում եմ ոչ թե «Հայաստան» դաշինքը, այլ ներկայացնում եմ ինքս ինձ՝ Արմեն Չարչյան, ձեր կոլեգան, բժիշկ։ Եկել եմ, որ հորդորեմ ձեզ բոլորիդ և պահանջեմ բոլորից, որ գնաք ընտրությունների։ Ավելին ասեմ՝ ես, էսօր լինելով «Հայաստան» դաշինքում, տեխնիկապես հնարավորություն ունեմ ստուգելու ցուցակները, ստուգելու՝ ով ա գնացել ընտրությունների»,–լսվում է ձայնագրության մեջ։

Նշվում է, որ տնօրինությունը «շատ կոշտ, խիստ համարժեք վերաբերմունք է ցուցաբերելու» նրանց նկատմամբ, ովքեր ընտրություններին չեն մասնակցի։

Ըստ թեմայի

Քանաքեռ-Զեյթունում ընտրակաշառք է բաժանվել դաշինքի օգտին. թեկնածուներից մեկը ձերբակալված է
Երևանում ոստիկանների մասնակցությամբ ծեծկռտուք է տեղի ունեցել. տեսանյութ
Ընտրական հանցագործությունների քրոնիկոն. 231 հաղորդում, 14 քրեական գործ, 5 կալանավորված անձ
թեգերը:
«Իզմիրլյան» ԲԿ, Հայաստան

Գլխավոր թեմաներ