ԵՐԵՎԱՆ, 20 հունիսի - Sputnik. Սյունիքի մարզի Սիսիան համայնքի «Հայաստան» դաշինքի կենտրոնական շտաբում և դաշինքի շտաբի ղեկավարների տներում այս պահին խուզարկություններ են անցկացվում։ Տեղեկությունը հայտնում է News.am-ը՝ վկայակոչելով Սիսիան համայնքի ղեկավար Արթուր Սարգսյանին։
Խուզարկությունների պատճառների ու մանրամասների մասին առայժմ տեղեկություններ չեն հաղորդվում։
Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։
Ընտրակաշառքի 155 դեպք, 26 քրեական գործ, 6 կալանք. դատախազությունը տվյալներ է հայտնել
Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին առաքելություն կկատարեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։
Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։
Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել
