11:58 28 հուլիսի 2021
Ուղիղ եթեր
  • USD482.28
  • GBP664.39
  • EUR568.13
  • RUB6.53
Հայաստան
Ստանալ կարճ հղումը
59 0 0

ՀՀ վարչապետի պաշտոնակատար Նիկոլ Փաշինյանը նշեց, որ դատավորների թվի ավելացումը դատական համակարգի բարեփոխման միջոց է։

ԵՐԵՎԱՆ, 8 հուլիսի – Sputnik. Հայաստանյան դատարաններում աշխատող դատավորների թիվն առաջիկայում կավելանա 20–ով։ Այս մասին այսօր կառավարության նիստում հայտարարեց ՀՀ արդարադատության նախարարի պաշտոնակատար Ռուստամ Բադասյանը։ Նրա խոսքով` դատավորների թվակազմն ավելացնելու համար ԲԴԽ–ն կառավարությանը դիմել էր հունիսի 30-ին։

«Ըստ այդմ առաջարկում ենք հավանություն տալ ԲԴԽ–ի առաջարկությանը` Երևանի ընդհանուր իրավասության առաջին ատյանի դատարանի դատավորների կազմն ավելացնել 8 դատավորով, մարզերում յուրաքանչյուր դատարանում դատավորների թվակազմն ավելացնել 1-ական դատավորով և ՀՀ Վերաքննիչ քրեական դատարանում` 3-ով, և կատարել վերաբաշխում` ՀՀ պետական բյուջեում ապահովելով 20 դատավորների համար նախատեսված ծախսերը»,– ասաց Բադասյանը։

Նա նաև նշեց, որ նոր դատավորների ընտրության կարգն անցկացվելու է սահմանված կարգով, այդ թվում կոռուպցիայի հանձնաժողովի կողմից ստուգմամբ։

ՀՀ վարչապետի պաշտոնակատար Նիկոլ Փաշինյանը նշեց, որ դատավորների թվի ավելացումը դատական համակարգի բարեփոխման միջոց է։

Ուղղակի պետք է թողնել, որ դատական համակարգը շարունակի ինքնազարգանալ. փաստաբան

«Հույս ունենք, որ այս լրացումներով, համալրումներով մենք կուժեղացնենք դատական համակարգում առկա լավագույն փորձը և նոր, թարմ ուժեր, թարմ հայացք կներգրավենք դատական համակարգ` ստանալով, ի վերջո, պայմանական ասված` մեր երազանքների դատական համակարգը, որի որոշումները կհամարվեն արդարադատության մարմնավորում ու դրսևորում»,– ասաց Փաշինյանը։

Նշենք, որ դատական օրենսգրքի համաձայն` նոր դատավորների թեկնածուները նախ պետք է գրավոր քննություն հանձնեն, այնուհետև կոռուպցիայի կանխարգելման հանձնաժողովը պետք է բարեվարքության ստուգում իրականացնի ու ներկայացնի խորհրդատվական եզրակացություն, որից հետո դատավորներն իրավունք ստանան դիմել Բարձրագույն դատական խորհուրդ, որի դրական եզրակացությունը ստանալուց հետո սովորեն Արդարադատության ակադեմիայում, քննություն հանձնեն ու միայն դրա դրական արդյունքներով հայտնվեն դատավորի ցանկալի աթոռին:

Ականատես ենք լինում դատական համակարգի քաղաքականացման փորձերի, անթույլատրելի է. Փաշինյան

Ըստ թեմայի

Դեդ Հասանից մինչև օրինական դատական համակարգ. ինչպես խուսափել տարիներ ձգվող քաշքշուկներից
Դատավորները քիչ են, դատարանները` գերծանրաբեռնված. Թաթոյանը` ՀՀ դատական համակարգի մասին
«Դատական համակարգը մեծ թվով մասնագետների համար գրավիչ չէ»․ Բադասյան
թեգերը:
Դատավոր, Նիկոլ Փաշինյան, Դատարան

Գլխավոր թեմաներ