10:24 25 հուլիսի 2021
Ուղիղ եթեր
  • USD483.42
  • GBP664.12
  • EUR568.89
  • RUB6.57
Հայաստան
Ստանալ կարճ հղումը
50 0 0

Փաստաբան Էրիկ Ալեքսանյանը բացատրեց, թե ինչ սխալի մասին է խոսքը ու նաև ներկայացրեց նոր միջնորդության մանրամասները։

ԵՐԵՎԱՆ, 8 հուլիսի - Sputnik. «Հայաստան» դաշինքի անդամ, «Իզմիրլյան» բժշկական կենտրոնի արդեն նախկին ղեկավար Արմեն Չարչյանի փաստաբանները քրեական հետապնդումը դադարեցնելու միջնորդություն են ներկայացնելու Առաջին ատյանի դատարան։ Այս մասին հայտնեց նրա փաստաբաններից Էրիկ Ալեքսանյանը։

Արդեն հայտնել ենք, որ Վերաքննիչ քրեական դատարանն այսօր` հուլիսի 8–ին, «Հայաստան» դաշինքի անդամ, «Իզմիրլյան» բժշկական կենտրոնի արդեն նախկին ղեկավար, բժիշկ Արմեն Չարչյանին կալանավորելու որոշման դեմ բողոքը մերժեց։ Չարչյանը կմնա կալանքի տակ։

«Դա պայմանավորված է քրեական գործի հարուցման որոշման ոչ օրինական լինելու հանգամանքով։ Այսօր մուտք կանենք այս միջնորդությունը, որում համապատասխան հիմնավորումներ ենք ներկայացրել, որ դատարանը հենց այս փուլում` չանցնելով դատական քննության, կարճի գործը»,-նշեց փաստաբանը։

Ալեքսանյանը հավելեց` դատավորն իրավունք ունի 15–օրյա ժամկետում բացի նիստի օր նշանակելուց, նաև քրեական հետադնդումը դադարեցնել և կարճել վարույթը։ Ընտ նրա` խոսքը քրեական հետադնդումը բացառելու մասին է, և դատավորը կարող է նմանատիպ որոշում կայացնել, քանի որ կան նման նախադրյալներ։

Նա նկատեց, որ նմանատիպ բողոք ներկայացվել է դատախազությանը, սակայն վերջինս մերժել է այն։ Ըստ պաշտպանող կողմի` քրեական գործի հարուցման առիթ է հանդիսացել ՀՔԾ խոսնակի զեկուցագիրը, իսկ մեղադրող կողմը պնդում է, որ հիմք են հանդիսացել լրատվամիջոցի հրապարակումը կամ վարույթ իրականացնող մարմնի ուսումնասիրությամբ հայտնաբերված հանգամանքները։

«Իրենք էլ են հասկանում, որ շատ մեծ սխալ են թույլ տվել, ու այն վճռորոշ նշանակություն է ունենալու քրեական գործի ելքի վրա։ Այդ պատճառով էլ նման հակասական դիրքորոշումներ են հայտնում», – ընդգծեց Ալեքսանյանը։

Հիշեցնենք՝ հունիսի 18-ին համացանցում հրապարակվեց մի ձայնագրություն, որում Չարչյանն իր աշխատակիցներին ասում էր, որ տնօրինությունը շատ կոշտ վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։ Նույն օրը հայտնի դարձավ, որ Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՔԾ-ում քննվող քրեական գործի շրջանակում։

Արմեն Չարչյանի փաստաբանները դիմել են գլխավոր դատախազին և 50 մլն դրամ գրավ առաջարկել

Հունիսի 21-ին ԿԸՀ–ն թույլատրեց Արմեն Չարչյանին քրեական հետապնդման ենթարկել։ Քննիչը Չարչյանի նկատմամբ կալանավորումը որպես խափանման միջոց ընտրելու վերաբերյալ միջնորդություն ներկայացրեց։ Հունիսի 23-ին դատարանը նրան կալանավորելու որոշում կայացրեց։ Նույն օրը հայտնի դարձավ, որ Չարչյանին շտապօգնության մեքենայով տեղափոխել են հիվանդանոց։

Ի դեպ, Չարչյանը երկրորդ նախագահ Ռոբերտ Քոչարյանի գլխավորած «Հայաստան» դաշինքի անդամ ու պատգամավորության թեկնածու է։

Ըստ թեմայի

Իրական նպատակը զուտ հայտարարություն անելն է. Չարչյանի պաշտպանը պատասխանել է ՀՔԾ–ին
Արմեն Չարչյանի դեմ հարուցված քրեական գործն ուղարկվել է դատարան. դատախազություն
Արմեն Չարչյանը կմնա կալանքի տակ. դատավորը «դողացող ձայնով հրապարակեց դատավճիռը»
Չարչյանին ազատ արձակելու իրավասությունը ՀՔԾ–ին չի պատկանում. քննչական մարմնի արձագանքը
թեգերը:
Հայաստան, միջնորդություն, Դատարան, Արմեն Չարչյան, փաստաբան

Գլխավոր թեմաներ