11:12 28 հուլիսի 2021
Ուղիղ եթեր
  • USD482.28
  • GBP664.39
  • EUR568.13
  • RUB6.53
Հայաստան
Ստանալ կարճ հղումը
13110

Քաջարանի քաղաքապետը մեղադրվում է խարդախության, կաշառք տալու և ընտրողի ազատ կամարտահայտությանը խոչընդոտելու մեջ:

ԵՐԵՎԱՆ, 10 հուլիսի - Sputnik. Սյունիքի մարզի Քաջարան քաղաքի ղեկավար Մանվել Փարամազյանը կալանավորվել է երկու ամսով: Տեղեկությունը Sputnik Արմենիային հայտնեց քաղաքապետի փաստաբան Լուսինե Սահակյանը։

«Դատարանը նրա ձերբակալությունը իրավաչափ չի համարել, սակայն խափանման միջոց է ընտրել երկու ամսով կալանքը», - ասաց նա:

Նշենք, որ Փարամազյանին մեղադրանք է առաջադրվել ՀՀ Քրեական օրենսգրքի 38-178-րդ հոդվածի 3-րդ մասով (խարդախությունը), 311-րդ հոդվածի 4-րդ մասով (կաշառք ստանալը) և 154.2-րդ հոդվածի 2-րդ մասով (ընտրողի կամքի ազատ իրականացմանը խոչընդոտելը)։

Ավելի վաղ փաստաբանը հայտնել էր, որ առաջադրված մեղադրանքները Մանվել Փարամազյանը չի ընդունում, գտնում է, որ այս ամենն իր նկատմամբ ձեռնարկված քաղաքական հետապնդման շղթայի մի մասն է:

Հիշեցնենք` ԱԱԾ աշխատակիցները երեկ խուզարկություն էին իրականացրել Քաջարանի համայնքապետի բնակարանում, Զանգեզուրի պղնձամոլիբդենային կոմբինատում, ձերբակալել կոմբինատի աշխատակիցներից մեկին։

Քաջարանի համայնքապետին բերման էին ենթարկել, հուլիսի 7-ին բերման էր ենթարկվել, ապա ազատ արձակվել Գորիս համայնքի ղեկավար Առուշ Առուշանյանը, իսկ Քարահունջի վարչական ղեկավար Լուսինե Ավետյանը կաշառք տալու մեղադրանքով հուլիսի 9–ին կալանավորվեց։

Հուլիսի 9–ին hայտնի դարձավ նաև, որ Որոտան համայնքի վարչական ղեկավար Սուրեն Օհանջանյանին նույնպես ձերբակալել են։

Ըստ թեմայի

Առինջ համայնքի նախկին ղեկավարին մեղադրանք է առաջադրվել
Քաջարանի համայնքապետին բերման են ենթարկում ԱԱԾ. տեսանյութ
«Վերածնվող Հայաստանը» դատապարտում է Գորիսի և Քաջարանի համայնքապետների հետապնդման փորձերը
թեգերը:
Ընտրություններ, կալանավորել, քաղաքապետ, Քաջարան, Մանվել Փարամազյան

Գլխավոր թեմաներ