ԵՐԵՎԱՆ, 22 հուլիսի - Sputnik. Հայաստանի ազգային անվտանգության ծառայությունը (ԱԱԾ) այսօր վերաքննիչ քրեական դատարանում խուզարկություն է իրականացրել։ Տեղեկությունը հայտնում է «Հրապարակը»։
«Մինչ ԱԱԾ–ն իրականացրած գործողության մասին տեղեկություն չի հաղորդում, դատական համակարգի մեր աղբյուրները փոխանցում են` հարուցվել է քրեական գործ, որի շրջանակում էլ կատարվել է խուզարկություն. առգրավվել է համակարգիչ»,–գրում է կայքը։
Աղբյուրների փոխանցմամբ` հարուցված քրեական գործը կապված է գործերի մակագրման հետ։
