https://arm.sputniknews.ru/20210909/baxumner-vostikanneri-het-yerevan-erasx-janaparhy-pakats-andzancic-meky-berman-e-entarkvel-28949972.html

Բախումներ ոստիկանների հետ․ Երևան-Երասխ ճանապարհը փակած անձանցից մեկը բերման է ենթարկվել

Բախումներ ոստիկանների հետ․ Երևան-Երասխ ճանապարհը փակած անձանցից մեկը բերման է ենթարկվել

Sputnik Արմենիա

Տեսանյութի կադրերում երևում է՝ ինչպես են ոստիկանները բիրտ ուժ կիրառում գյուղացիների նկատմամբ։ 09.09.2021, Sputnik Արմենիա

2021-09-09T17:57+0400

2021-09-09T17:57+0400

2021-09-09T17:59+0400

հայաստան

ոստիկան

երասխ

գյուղացի

https://cdn.am.sputniknews.ru/img/07e5/09/09/28949320_0:0:1274:720_1920x0_80_0_0_fa595c7d67955fe36fdfffc075bd0253.jpg

ԵՐԵՎԱՆ, 9 սեպտեմբերի – Sputnik. Արարատի մարզի Երևան-Երասխ ճանապարհի Տափերական գյուղի հատվածը փակած գյուղացիների և ոստիկանների միջև բախումներ են տեղի ունեցել։Ավելի վաղ հայտնել էինք, որ գյուղացիները բողոքի ակցիա են իրականացնում և գինու-օղու ձեռնարկություններից պահանջում մթերել իրենց բերքը։ Ոստիկանության մամուլի ծառայությունից Sputnik Արմենիային հայտնեցին, որ Երևան-Երասխ ճանապարհից բերման է ենթարկվել մեկ քաղաքացի, վարչական իրավախախտումների օրենսգրքի 182-րդ հոդվածի՝ ոստիկանի պահանջը չկատարելու համար։Ավելի վաղ Sputnik Արմենիայի հետ զրույցում Տափերականի գյուղապետարանի աշխատակից Մուշեղ Ղազարյանն ասել էր, որ գյուղացիներն անցյալ տարի նախնական պայմանագրեր են կնքել «Vedi Alco» ընկերության հետ, բայց այժմ ձեռնարկության ղեկավարությունն ասում է, որ չի կարող մթերել ամբողջ խաղողը։Հիշեցնենք` կառավարության սեպտեմբերի 2-ի նիստում ՀՀ էկոնոմիկայի նախարար Վահան Քերոբյանը հայտարարել էր, որ այս տարի խաղողի մթերման հետ կապված խնդիրներ Հայաստանում չեն լինի։«Այն պլանները, որոնք ունեն մթերողները, թույլ են տալիս հուսալ, որ այս տարի մթերումների հետ կապված մեծ խնդիր չենք ունենա, և կանխատեսվում է մթերել 180 000 տոննայի չափ խաղող»,– ասել էր նախարարը։Նա նաև վստահություն էր հայտնել, որ ամբողջ բերքը կմթերվի, մեծ մասը կարտահանվի, գյուղացիներն էլ ճանապարհներ չեն փակի։

երասխ

2021

Լուրեր

am_HY

հայաստան, ոստիկան, երասխ, գյուղացի