08:09 24 մարտի 2017
Ուղիղ եթեր
Ավտոբուսի վթարի վայրը

Հյուսիսային Օսեթիայում ՃՏՊ-ից հետո տրանսպորտային վերահսկողության կետ են ստեղծում

© Регион 15/Константин Фарниев
Կովկաս
Ստանալ կարճ հղումը
16 0 0

Պետական սահմանին վերահսկողության գործառույթն այսօր դրված է մաքսատան աշխատակիցների վրա:

ԵՐԵՎԱՆ, 15 հոկտեմբերի — Sputnik. Մոսկվա-Երևան ավտոբուսի վթարից հետո Հյուսիսային Օսեթիայի իշխանություններն առաջարկել են ստեղծել տրանսպորտային վերահսկողության կետ ուղևորափոխադրումների անվտանգությունն ապահովելու համար, հաղորդում է ՌԻԱ Նովոստին՝ հղում անելով շրջանի կառավարությանը:

ՃՏՊ-ն տեղի է ունեցել Բեսլանի մոտ հոկտեմբերի 14-ին` ժամը 04:30-ին։ Մոսկվա-Երևան երթուղին իրականացնող ուղևորատար ավտոբուսը բախվել է ճամփեզրին կայանած բեռնատարին։ Ավտոբուսում 50-ից ավելի մարդ է եղել, գրեթե բոլորը` Հայաստանի քաղաքացիներ։ Վթարի հետևանքով 5 մարդ է մահացել. 2-ը ՀՀ քաղաքացիներ են, 3-ը` ռուսներ։ Ռուսաստանի ԱԻՆ ինքնաթիռը Երևան է տեղափոխել 29 տուժածներին:

«Հանրապետության տարածքով անցնում է բեռնատար և մարդատար տրանսպորտի մեծ հոսք, և անհրաժեշտություն կա ուժեղացնել հսկողությունը նշված ուղղությամբ: Այդ նպատակների համար պետք է կազմակերպել տրանսպորտային վերահսկողության կետ: Այսօր պետական սահմանին այդ գործառույթը դրված է մաքսատան աշխատակիցների վրա, և դա զուգահեռ հիմնական գործառույթին` հետևել միջազգային ուղևորափոխադրումների կանոնների պահպանմանը, և դա չի կարող չազդել հսկողության որակի վրա»,- ասվում է հաղորդագրությունում:

Կառավարության տեղեկատվության համաձայն` Հյուսիսային Օսեթիայի իշխանությունները կաջակցեն դաշնային իշխանություններին հանրապետությունում վերահսկողության կետ ստեղծելու որոշում ընդունելու դեպքում:

Գլխավոր թեմաներ