02:36 27 հունիսի 2017
Ուղիղ եթեր
Բաքու

Բաքվում գտել են թուրք դիվանագետի դստեր դին

© Sputnik/ Владимир Федоренко
Կովկաս
Ստանալ կարճ հղումը
12 0 0

Բաքվում մահացած են գտել թուրք դիվանագետի 15–ամյա դստերը։ Նախնական վարկածով` աղջնակը ինքնասպան է եղել։

ԵՐԵՎԱՆ, 21 դեկտեմբերի — Sputnik. Ադրբեջանի մայրաքաղաքում գտել են թուրք դիվանագետ Գյուլար Շավալի դստեր դին։ Գյուլար Շավալն աշխատում է Ադրբեջանում Թուրքիայի դեսպանատանը։ Նա մաքսային ռեժիմի բաժնի պատասխանատուն է, տեղեկացնում է Sputnik Ադրբեջանը։ Նախնական վարկածներից մեկով դիվանագետի դուստրն ինքնասպան է եղել` նետվելով 10-րդ հարկից։


Մյուս վարկածով, որին հակված են ադրբեջանական իրավապահները, մահը վրա է հասել դժբախտ պատահարի պատճառով։ «Մենք ուսումնասիրեցինք աղջկա սենյակը։ Այդ մանկական սենյակի պատուհանը շատ ցածր է տեղադրված և նայում է ուղիղ կենտրոնական փողոցին։

Ենթադրվում է, որ աղջիկը կախվել է պատուհանից` գիշերային Բաքվի լույսերով հիանալու և վայր է ընկել։ Բացի այդ, հատակը սահուն էր, իսկ աղջնակը գուլպաներով է եղել»,-ասում են իրավապահները։


Թուրք դիվանագետի ընտանիքում ծնողների և զավակների հարաբերություններն, ըստ վկաների, շատ ջերմ էին, դրա համար աղջնակը ինքնասպանություն գործելու պատճառ չուներ։ Ինքնասպանության վարկածը հաստատող ոչինչ դեպքի վայրում չի հայտնաբերվել։
Դեպքի առթիվ հարուցվել է քրեական գործ։

Գլխավոր թեմաներ