02:35 27 հունիսի 2017
Ուղիղ եթեր
Թբիլիսիի Սուրբ Գևորգ եկեղեցում մատուցված Սուրբծննդյան պատարագ

Վրացի նախարար. «Սուրբ Գևորգի» բակը Թբիլիսիի յուրահատուկ վայրերից է

© Sputnik/ Лаура Саркисян
Կովկաս
Ստանալ կարճ հղումը
5930

Վրաստանի հայ համայնքի հարյուրավոր ներկայացուցիչներ հավաքվել էին Թբիլիսիի Սուրբ Գևորգ հայկական եկեղեցում՝ սուրբծննդյան պատարագի: Հայ հայրենակիցներին եկել էին շնորհավորելու նաև Վրաստանի կառավարության ներկայացուցիչները:

Լաուրա Սարգսյան, Sputnik.

Հայ առաքելական եկեղեցու հավատացյալները, հայ և վրացի հասարակական գործիչները, Վրաստանի կառավարության ներկայացուցիչները Թբիլիսիի Սուրբ Գևորգ հայկական եկեղեցում հավաքվել էին տոնական սուրբծննդյան պատարագի:

«Մենք այսօր գտնվում ենք Թբիլիսիի բակերից մեկում, որը յուրահատուկ վայր է: Այսեղ համադրվում են տարբեր կրոններ և մշակույթներ: Դա մեր պատմության կենդանի ժառանգությունն է»,- Sputnik Արմենիայի թղթակցի հետ զրույցում ասաց Վրաստանի հաշտեցման և քաղաքացիական իրավահավասարության պետնախարար Կետեվան Ցիխելաշվիլին:

Նա շնորհավորեց հայերին՝ Սուրբ ծնունդի՝ քրիստոնեական գլխավոր տոներից մեկի կապակցությամբ: Ցիխելաշվիլին նշեց, որ իր կողմից հնարավոր ամեն ինչ կանի, որպեսզի ազգային փոքրամասնությունները, անկախ կրոնական պատկանելությունից, իրենց զգան Վրաստանի իրավահավասար քաղաքացիներ, պաշտպանված լինեն և կարողանան պահպանել իրենց ազգային ինքնությունը:

Рождественское богослужение в церкви Сурб Геворк в Тбилиси
Лаура Саркисян
Թբիլիսիի Սուրբ Գևորգ եկեղեցում մատուցվող Սուրբծննդյան պատարագ

Այս տարի Վրաստանի վարչապետ Գեորգի Մարգելաշվիլին չէր մասնակցում տոնական արարողությանը, սակայն նա նույնպես շնորհավորել է հայերին՝ Սուրբ ծնունդի կապակցությամբ:

Վարչապետը նշել է, որ հպարտ է, որ վրացիներն ու հայերը կարողացել են պահպանել բազմադարյա բարեկամությունը, բարիդրացիական, եղբայրական հարաբերությունները:

Մինչ եկեղեցում ընթանում էր պատարագը, «Շուշանիկ» կանանց միության ներկայացուցիչները եկեղեցու բակում, ազգային ավանդույթների համաձայն, հյուրերի համար սեղան էին գցել: Ներկաներին հյուրասիրում էին հայկական գաթայով, մուրաբայով և թեյով:

«Գաթան ավանդական հայկական թխվածք է, որը մեր սեղանի անբաժանելի մասն է: Շատ տոներ, այդ թվում Սուրբ ծնունդը, Թբիլիսիի հայ համայնքի մոտ ուղեկցվում են թեյախմության արարողությամբ»,- Sputnik Արմենիայի թղթակցի հետ զրույցում նշեց Հայ Առաքելական եկեղեցու վրացական թեմի ԶԼՄ-ների և տեղեկատվության բաժնի ղեկավար Սուսաննա Խաչատրյանը:

угощение во дворе церкви Сурб Геворк в Тбилиси
© Sputnik/ Лаура Саркисян
Թբիլիսիի Սուրբ Գևորգ եկեղեցու բակում մատուցված հայկական գաթա

Հայ առաքելական եկեղեցին, ինչպես Հայաստանում, այնպես էլ արտերկրում հավատարիմ է մնացել ավանդույթներին և հունվարի 6-ին է նշում Սուրբ ծննդյան տոնը: Մինչ 336 թվականը բոլոր եկեղեցիները հենց այդ օրն են նշել տոնը, սակայն հետագայում իրադրությունը փոխվեց: Տեղի ունեցավ պառակտում, և Կաթոլիկ եկեղեցին սկսեց Սուրբ ծնունդը նշել դեկտեմբերի 25-ին: Մինչքրիստոնեական շրջանում այդ օրը նշում էին Արևի աստծո տոնը:

Հունվարի 6-ին եկեղեցիներում անցկացվում է նաև ջրօրհնեքի արարողություն: Եկեղեցում օրհնված ջուրը մարդիկ տանում են իրենց տուն՝ հավատալով դրա հրաշագործ ուժին: Այդ ջրով թրջում են տան անկյունները, քանի որ ըստ հավատալիքի, սուրբ ջուրը վանում է չար ուժերին, ինչպես նաև բուժում է տարաբնույթ հիվանդություններ:

Բոլոր ծիսակարգերից հետո տանը տոնական սեղան են գցում: Այն պետք է համեստ լինի, քանի որ դրանով ավարտվում է պահքը:

Նյութի ռուսերեն տարբերակը

 

Գլխավոր թեմաներ