10:34 23 հունվարի 2017
Ուղիղ եթեր
Բանաստեղծ, հրապարակախոս, թարգմանիչ Անահիտ Բոստանջյան

Մահացել է բանաստեղծուհի Անահիտ Բոստանջյանը

Y.A.
Կովկաս
Ստանալ կարճ հղումը
66 0 0

Թբիլիսիում, 64 տարեկան հասակում մահացել է բանաստեղծուհի, լրագրող, հրապարակախոս և թարգմանիչ Անահիտ Բոստանջյանը:

ԵՐԵՎԱՆ, 8 հունվարի — Sputnik. Թբիլիսիում հանկարծամահ է եղել հրապարակախոս, բանաստեղծուհի, թարգմանիչուհի Անահիտ Բոստանջյանը: Այս մասին տեղեկություն է տարածել կրթա-մշակութային և երիտասարդության «Հայատուն» կենտրոնը՝ իր ֆեսբուքյան էջի միջոցով: Այնտեղ մասնավորապես գրված է.

«Ցավով տեղեկացնում ենք, որ հանկարծամահ է եղել հանրահայտ բանաստեղծ, թարգմանիչ, «Վրաստան» թերթի լրագրող,Վրաստանի և Հայաստանի գրողների միությունների անդամ, «Կամուրջ» գրական-հասարակական կազմակերպության ղեկավար, Վրաստանի հայ գրողների «Վերնատուն» միության անդամ, Վրաստանի գրողների միության հայկական մասնաճյուղի նախագահ, Վրաստանի «Պատվո նշան» և ՀՀ «Մովսես Խորենացի» շքանշանակիր, բազում արձակ, չափածո ժողովածուների և թարգմանությունների հեղինակ, հայ-վրացական գրական կապերի մեծ ջատագով Անահիտ Բոստանջյանը:

Անահիտ Բոստանջյանը ծնվել էր 1949 թվականին, Թբիլիսիում: 1966 թվականին ավարտել է Թբիլիսիի Հովհաննես Թումանյանի անվան թիվ 34 դպրոցը, 1972 թվականին՝ Գյումրու Միքայել Նալբանդյանի անվան մանկավարժական ինստիտուտի Հայոց լեզվի և գրականության ֆակուլտետը։

Старый Тбилиси зимой
© Sputnik/ Рухкян
Հին Թբիլիսին՝ ձմռանը

1988 թվականից ՎԳՄ «Կամուրջ» տարեգրքի գլխավոր խմբագիրն էր։ 1994 թվականից աշխատում էր նաև «Վրաստան» թերթում:Թբիլիսիի Հայարտան խորհրդի անդամ է, Վրաստանի և Հայաստանի գրողների միությունների անդամ, Կալիֆոռնիայի Հայ գրողների միության պատվավոր անդամ, Վրաստանի գրողների միության հայկական վերաբացված մասնաճյուղի նախագահ։ Հեղինակ է 30-ից ավելի գրքերի, թարգմանել է շուրջ 90 վրացի գրողների:

Նյութի ռուսերեն տարբերակը

 

Գլխավոր թեմաներ