00:57 12 դեկտեմբերի 2017
Ուղիղ եթեր
Էրբիլ, Իրաք

Փորձագետ․ Թուրքիան Քրդստանին սպառնում է պատերազմով

© AFP 2015/ SAFIN HAMED
Կովկաս
Ստանալ կարճ հղումը
Քրդստանի անկախության հանրաքվեն (24)
39 0 0

Քրդստանի անկախության հանրաքվեի պատրաստական աշխատանքները սրել է հարաբերությունները Էրբիլի ու Անկարայի միջև։

ԵՐԵՎԱՆ, 12 օգոստոսի — Sputnik. Թուրքիան հասկացնում է Էրբիլին, որ Իրաքյան Քրդստանի անկախության հռչակումը կարող է պատերազմի հանգեցնել։ Այսպիսի կարծիք է հայտնել թուրքագետ Կարեն Հովհաննիսյանը։

Նրա խոսքով՝ հանրաքվեի քարոզարշավը Քրդստանում բավականին ակտիվ է սկսվել։ Սակայն ոչ բոլոր քրդերն են ներկայիս պայմաններում անկախության կողմնակիցներ։ Դեմ են՝ Gorran շարժումը, Քոմելը (Քրդստանի իսլամական խմբավորում) ու Քրդստանի հայրենասիրական միավորումը։

«Այս շարժումները դեմ են, որ Մասուդ Բարզանին գլխավորի Քրդստանը։ Ինչ վերաբերում է հանրաքվեին, ապա այդ շարժումների ներկայացուցիչները կարծում են, որ այն ժամանակից շուտ է անցկացվում, իսկ քրդերը չպետք է իրենց հարվածի տակ դնեն», — ասաց Հովհաննիսյանը։

Իրանն այդ հարցում աջակցում է ընդդիմությանը, իսկ Բարզանին, ինչքան էլ տարօրինակ թվա, վերջերս Թուրքիայի աջակցությունն էր վայելում (թեև հանրաքվեի մասին հայտարաությունից հետո այդ աջակցությունն ընդհատվեց)։

Հովհաննիսյանի խոսքով՝ համաշխարհային հասարակությունը լուռ հետևում է Քրդստանում տեղի ունեցող իրադարձություններին։ ԱՄՆ-ն, Ռուսաստանն ու ԵՄ դեռ ոչ մի կերպ չեն արձագանքել։ Ընդ որում՝ Հովհաննիսյանն ընդգծեց, որ Քուրդիստանում 20 դիվանագիտական ներկայացուցչություն կա, այդ թվում թվարկված երկրներից:

«Իրաքյան Քրդստանի անկախանալու բոլոր նախադրյալները կան։ Միաժամանակ տարբեր քրդական ուժեր կարծում են, որ անկախության պետք է հասնել քաղաքական պայքարի ձևաչափով», — ասաց Հովհաննիսյանը։

Հանրաքվեի հակառակորդները պնդում են, որ Քրդստանին Բաղդադում կենտրոնական կառավարության կողմից ֆինանսավորում է անհրաժեշտ։ Բացի այդ, «փեշմերգա» քրդական ռազմական ձևավորումները ի զորու չեն միայնակ ապահովել տարածաշրջանի անվտանգությունը։

Ինչ վերաբերում է Հայաստանին, ապա այն արդեն տնտեսական կապեր է հաստատել Քրդստանի հետ, սակայն դրա անկախացումը մեր երկրի վրա ո՛չ դրական, ո՛չ բացսական ազդեցություն չի ունենա։

Իրաքյան Քրդստանի անկախանալու ցանկությունը կտրուկ վատացրել է թուրք-քրդական հարաբերութոյւնները։ Անկարան վախենում է, որ իր տարածքում տեղացի քրդերի շրջանում կարող է «ազատագրական» միտումների աճ նկատվել։

Միևնույն ժամանակ Թուրքիան ակնարկում է, որ Քրդտսանի այս քայլը կարող է արունալի հետևանքներ ունենա։

«Թուրքիան Քրդստանի իշխանություններին հասկացնում է, որ դա պատերազմի կհանգեցնի», — ասաց Հովհաննիսյանը։

Ամփոփելով՝ փորձագետը կարծիք հայտնեց, որ քրդերի դիրքերը թուլացնում է խարիզմատիկ ազգային առաջնորդի բացակայությունը։ Ինչ վերաբերում է սեպտեմբերի 25 —ին կայանալիք հանրաքվեին, հաշվի առնելով քրդերի տարաձայնություններն, այն, ամենայն հավանականությամբ, կձախողվի։

 

թեմա:
Քրդստանի անկախության հանրաքվեն (24)

Գլխավոր թեմաներ