07:49 17 օգոստոսի 2018
Ուղիղ եթեր
  • USD483.14
  • GBP613.64
  • EUR549.38
  • RUB7.23
Սևան

Սևանի ամառային հաճույքների լավագույն 7-յակը. էլ ինչո՞վ զբաղվել, եթե լողալն արգելված է

© Sputnik / Asatur Yesayants
Հեղինակներ
Ստանալ կարճ հղումը
16730

Սևանի կապտականաչավում հատվածներում լողալը դեռ վտանգավոր է`ջրիմուռների ծաղկման պատճառով։ Սակայն գնալ և վայելել «Հայաստանի մարգարտի» գեղեցկությունն ամառային արձակուրդների ընթացքում ամեն դեպքում արժե։ Առավել ևս, որ բացի լողալուց այնտեղ հետաքրքիր այլ զբաղմունքներ ևս կան։

Ժաննա Պողոսյան, Sputnik Արմենիա

Ոմանք հիասթափված հոգոց են հանում, քանի որ այս տարի սիրելի Սևանում այդպես էլ չկարողացան լողալ, իսկ մյուսները հաճույքով սոցցանցերում լճի լուսանկարներն են տեղադրում. ջուրը լճում փիրուզագույն երանգ է ստացել, այն համեմատում են օվկիանոսի հետ։ Ինչպե՞ս կարելի է Սևանում ժամանակ անցկացնել, եթե լողալն արգելված է։ Մենք մի քանի գաղափար ունենք։

Սկուտեր

Севан
© Sputnik / Asatur Yesayants
Սկուտեր

Երիտասարդներն այսօր նոր զվարճանքներ են փնտրում, ադրենալինի կարիք ունեն։ Լճի մերձակայքում գտնվող գյուղի տղաները որոշել են բավական հաջող բիզնեսով զբաղվել` սկուտեր են գնել և բոլոր ցանկացողներին 10 հազար դրամով պտտում են։ Սկուտերն արագընթաց նավակ է, որն հայտնվել է դեռ XX  դարի սկզբին։ Մեծ արագության սիրահարները պարզապես կսիրահարվեն այս ժամանցին. մի բան է արագություն զարգացնել ցամաքի վրա, այլ բան է` ջրի վրա։ Ի դեպ, անվտանգությունը երաշխավորված է. մոտորանավակով շրջել ցանկացողներին փրկարարական ժիլետներ են տրամադրում, բացի այդ, նրանց պարտադիր ուղեկցում է հրահանգիչը։

Պարապլան

Полет на параплане
© Photo : provided by Sky Club
Թռիչք պարապլանով

Եվս մեկ հաճույք ադրենալինի սիրահարների համար։ Սակայն այս անգամ խոսքը ոչ թե արագության, այլ բարձրության մասին է։ Եթե պաշտում եք ազատության զգացողությունն ու սիրում եք համայնապատկեր դիտել թռչնի թռիչքի բարձունքից, ապա ավելի լավ մարզաձև գտնել չեք կարող։

«Սքայ քլաբ Արմենիա»–ն պարապլանով թռիչքներ է կազմակերպում Հայաստանի և Արցախի տարբեր վայրերում, սակայն ամենահայտնի թռիչքը համարվում է Սևանի որորների բույների վրա իրականացրած թռիչքը։ Հրահանգիչը միշտ կլինի ձեր կողքին, այնպես որ մտահոգվելու կարիք չկա։ Դուք նույնիսկ կարող եք ձեր բոլոր հույզերը տեսաձայնագրել։ Այս հաճույքը 42000 դրամ արժե։

Հուշարձաններ

Հայաստանում հնագիտական մի շարք հուշարձաններ կան, Սևանն էլ բացառություն չէ։ Թվարկենք դրանցից միայն մի քանիսը` Սևանավանք, Հայրավանք, Կոթավանք, Մաքենյաց վանք։

Монастырский комплекс Севанаванк
© Sputnik / Nelli Danielyan
Սևանավանք

Եթե Նորատուս գյուղ այցելեք, մեծ քանակի հին հայկական խաչքարներ կտեսնեք։

Լուսանկարներ

Սևանը դեռ երբեք այսքան գեղեցիկ չի եղել, ինչպես այսօր։ Ջրի գույնն անկրկնելի երանգ է ստացել և լուսանկարներում պարզապես հիանալի տեսք ունի։

Озеро Севан
© Sputnik / Nelli Danielyan
Սևան

Այնպես որ, լուսանկարներ անելու սիրահարները անպայման պետք է այցելեն լիճ` ոչ ոք չգիտի, թե որքան ժամանակ դեռ այս հիանալի գույնը կպահպանվի։

Իշխան

Шашлык из рыбы
© Sputnik / Asatur Yesayants
Իշխանի խորոված

Այս կետը պարտադիր պետք է համալրեր մեր ցանկը։ Էլ որտեղ կարելի է վայելել Սևանի հայտնի իշխանի անկրկնելի համը, եթե ոչ Սևանում։ Ափին մի շարք ռեստորաններ կան, որոնք Սևանի ձկից պատրաստած ուտեստներ են առաջարկում։

Որորներ (ճայ)

Озеро Севан
© Sputnik / Lusine Adamyan
Որորը Սևանում

Իսկ դուք գիտեի՞ք, որ Սևանա լճի վրա սավառնող որորները, առանձնահատուկ են` նրանց այլևս ոչ մի տեղ չենք հանդիպի։ Որորների այս տեսակը կոչվում է Սևանի կամ հայկական։

Ժամանակին այս որորները ոչնչացման եզրին էին, սակայն այսօր Սևանի ազգային պարկում հատուկ գոտի կա, որտեղ որորները գտնվում են պետական պաշտպանության տակ, և դուք կարող եք տեսնել նրանց։

Մարդիկ

Եվ, իհարկե, մարդիկ։ Մենք արդեն գրել ենք ձկնորսական Ծովագյուղի ու ծովագյուղցիների մասին։ Եվ սա միայն մեկ գյուղ, և մեկ մարդ։

Досуг Цовагюхцев
© Sputnik / Janna Poghosyan
Ծովագյուղցիները

Գեղարքունիքի մարզում, Սևանա լճի մերձակայքում բնակվող մարդիկ շատ բարեհամբույր են, հյուրասեր և բաց։ Տանտերերը հյուրընկալ են և պատրաստ են օգնել սնունդի և գիշերակացի հարցում։

Ըստ թեմայի

Սևանա լճին պետք չէ ջրի տարայի տեղ դնել. վարչապետի մոտ քննարկվել են ոռոգման խնդիրները
Գաբրիելյան.« Սևանա լիճն այնքան իջած է, որ յուրաքանչյուր սանտիմետրը խնդրահարույց է»
Ինչո՞ւ է Սևանա լիճը կանաչել, և ո՞ւմ է վտանգ սպառնում. պարզաբանում է մասնագետը
Սևանա լճի որոշ հատվածներում լողալը վտանգավոր է. զգուշացնում է նախարարությունը
Հայաստանի ոսկին` Սևանա լիճը. ի՞նչ պետք է անեն իշխանություններն այն պահպանելու համար

Գլխավոր թեմաներ