11:38 19 հունվարի 2019
Ուղիղ եթեր
  • USD485.42
  • GBP628.13
  • EUR553.38
  • RUB7.31
Նիկոլ Փաշինյանը՝ կառավարության նիստում. 6 սեպտեմբերի 2018 թ., Երևան

Երեխաները՝ որպես օրգանների դոնոր և ավտոշանտաժ. Փաշինյանի պես շատերի ճնշումը կբարձրանա

© Sputnik / Asatur Yesayants
Հեղինակներ
Ստանալ կարճ հղումը
Ռուբեն Գյուլմիսարյան
283 0 0

Կառավարության այսօրվա նիստը ձանձրալի չէր, իսկ անսպասելի հավելյալ աշխուժություն մտցրեց որդեգրվող երեխաների հարցը։ Փոխվարչապետ Արարատ Միրզոյանի հայտարարության պատճառով Նիկոլ Փաշինյանի ճնշումը բարձրացավ։ Թեև ամեն ինչ լավ ավարտվեց։

Կարծես Սևանի սիգի ոչնչացման հետ կապված աղետալի իրավիճակը արագ լուծում չի ստանա։ Կառավարության նիստում Նիկոլ Փաշինյանը խորհուրդ տվեց ՀՀ բնապահպանության նախարարի  պաշտոնակատար Էրիկ Գրիգորյանին հանդիպել Գեղարքունիքի մարզպետի և ոստիկանապետի հետ, քննարկել այդ հարցն ու կոնկրետ լուծումներ առաջարկել, ընդ որում` ոչ միայն այսօրվա, այլև երկարաժամկետ հեռանկարում, քանի որ հիմա սիգի վերարտադրման նոր փուլն է, իսկ մենք շատ բան չենք անում։

Էրիկ Գրիգորյանն ասել է, որ կան ազդակներ, բազմաթիվ քրեական գործեր ու կոչ է արել քաղաքացիներին դիմել նախարարություն, եթե նրանք համապատասխան խախտումների ականատես դառնան։

Խնդիրը կա, բայց անկեղծ ասած, լուծումը դեռ չի երևում։ Օբյեկտիվորեն չի երևում. չես կարող Սևանի ավազանում ապրող ամեն ընտանիքի մեկական ոստիկան կցել։ Տեղացիներից շատերի  համար Երևանում 200-300 դրամով վաճառվող սիգը գոնե ինչ–որ եկամտի միակ աղբյուր է, ու դատելով ձկան մանրածախ վաճառքի գնից, խոսքը շատ համեստ եկամտի մասին է։

Ոստիկանության հսկողության ուժեղացումը չի կարող բավարար լինել՝ նույնիսկ, եթե ենթադրենք, որ լրիվ ոստիկաններն անկաշառ են ու չեն թաքցնի թեկուզ իրենց բարեկամներին ու ընկերներին։ Իրավապաշտպանների անձնակազմը չի բավարարի, ու նրանց պետք է աջակցել «Սևան» ազգային պարկի եւ բնապահպանության նախարարության ռեսուրսներով։

Այնուամենայնիվ, խնդիրը կա ու այն պետք է լուծել, որքան էլ անլուծելի թվա։ Հնարավոր է մի քանի անգամ ավելացնել նյութական ու քրեական պատասխանատվությունը ձկնագողության համար, թեև պատժի արդյունավետությունը ոչ թե դրա խստության մեջ է, այլ անխուսափելիության։ Ու ահա այն անխուսափելիությունն էլ դժվար է ապահովել։

Հայաստանում երեխաների որդեգրման թեմայով խոսեց Արարատ Միրզոյանը։ «Մենք այստեղ գործ ունենք ոչ թե զուտ կոռուպցիայի, այլ՝ մաֆիայի հետ: Հիմնավոր, թե անհիմն՝ կասկածներ կան, որ հատկապես արտասահման գնացող երեք ուղղություններով են երեխաներ որդեգրվում  և այդ երկրները հայտնի են վատ առումով: Երբեմն կեղծ կամ ոչ կեղծ մարդիկ որդեգրում են երեխաների տարբեր երկրներից ու հետագայում այդ երեխաները կարող են զրկվել, ասենք, մի երիկամից և այլն», – ասաց Արարատ Միրզոյանը։

Այդ խոսքերից Նիկոլ Փաշինյանի ճնշումը բարձրացավ։ «Այդպիսի դե՞պք է գրանցվել։ Ինչին Միրզոյանը պատասխանեց, որ նման լուրեր կան։

Այս ցնցող լուրը ստիպված էր հերքել ԱԱԾ տնօրեն Վանեցյանը, որը վստահեցրեց, որ այդ հարցը գերատեսչության հսկողության տակ է, ու գոնե հիմա նման նախադեպեր չկան։ Այստեղ մենք Փաշինյանի օրինակով կարող ենք հանգիստ շունչ քաշել ու խնդրել կառավարության անդամներին հիմնվել ոչ թե լուրերի, այլ փաստերի մասին։ Թե չէ տաբեր լուրեր կարող են լինել...

Աջակողմյան մեքենաների հայ սիրահարներին թույլ են տվել 800 մեքենա ներմուծել. վերջ։ Հենց այդքան մեքենա է կուտակվել սահմանի վրա Վրաստանի կողմից ներկրողների դեմարշի հետևանքով. նրանք այնտեղ էին թողել իրենց ապրանքը։ Լավ է իհարկե, որ մարդիկ գումարը չեն կորցնի, բայց հավատս չի գալիս, որ այս հարցող կառավարության վրա ճնշում էլ չի լինելու։

Մեզ մոտ այդպես է. մարդասիրական նկատառումներից ելնելով՝ հենց մի փոքր թուլացնում ես, փորձում են քեզ ուտել։ Աջ ղեկով մեքենաների շատ սկզբունքային ներկրողները կարող են ևս մեկ անգամ ստուգել կառավարության ամրությունը.  հանրահավաքներին, բողոքի ակցիաներին ու փակ փողոցներին արդեն սովոր ենք, բայց ավելի կրեատիվ ու թարմ գաղափարներ էլ կարող են ծնել։

Վերջում Փաշինյանն անդրադարձավ սփյուռքի աղմկահարույց նախարարությանը. նա նշեց, որ սխալմամբ տպավորություն է ստեղծվել, իբր այդ գերատեսչության վրա «խաչ է քաշվել»։

«Կարծում եմ, թյուր տպավորություն կա, թե մենք ուզում ենք խաչ քաշել Սփյուռքի նախարարության վրա: Հակառակը, տվյալ դեպքում էլ խնդիրը շատ հստակ է ձևակերպված՝ Սփյուռքի հետ կառավարության հարաբերությունները և գործակցությունը դարձնել առավել արդյունավետ և այս առումով մենք որոշակի մոդել ու առաջարկ ունենք, որը ենթադրում է, որ սփյուռքի հետ հարաբերությունների մակարդակն, ըստ էության, ոչ թե կնվազեցվի, այլ կբարձրացվի», – ասաց Փաշինյանը։

Չեմ ուզում վիրավորել սփյուռքի նախարարությունում երբևէ աշխատած մարդկանց, բայց գերատեսչությունն իսկապես շինծու էր։ Դրա խնդիրներն ու պարտականությունները կարող է կատարել ԱԳՆ–ին կից մի փոքր բաժին, այն պայմանով, իհարկե, որ այդ բաժինը լիարժեք աշխատի։

Ու ընհանրապես, եթե մեր երկրում երբևիցե կոմպետենտ ու պրոֆեսիոնալ կառավարություն լինի, ապա այն մարդիկ, ովքեր կտեսնեն, դա պարզապես կապշեն` ինչքան քիչ բան է պետք իսկապես լիարժեք աշխատանք կատարելու համար։

Ըստ թեմայի

Հայտնի է` ով կլինի Հայաստանի նոր կառավարության առաջին սուպերնախարարը
«Քաղաքական տարին հեշտ չի լինելու». Sputnik–ի հյուրը Կարեն Քոչարյանն է
Փաշինյանը գնաճի վերաբերյալ լավ լուր է հրապարակել
Բաքվի դիլեման. սպասե՞լ հարմար պահի, թե՞ անցնել ակտիվ գործողության
թեգերը:
Նիկոլ Փաշինյան, ՀՀ կառավարություն

Գլխավոր թեմաներ