11:01 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Փաշինյանն ու Հայկ Մարությանը, 2018 թվականի նոյեմբերի 23

Ինչպես կպատասխանեին պաշտոնյաները Փաշինյանին, եթե չափածո դիմեին նրան

© Sputnik / Aram Nersesyan ,
Հեղինակներ
Ստանալ կարճ հղումը
Արմեն Հակոբյան
42970

Նիկոլ Փաշինյանի գրած բանաստեղծությունն առայժմ «պաշտոնական պատասխան» չի ստացել։ Sputnik Արմենիայի սյունակագիր Արմեն Հակոբյանը «Վարչապետապոեզոզուռնա» խորագրով ներկայացնում է պաշտոնյաների երևակայական արձագանքը։

Բանաստեղծություն գրելու ունակությունը, իհարկե, լավ հատկանիշ է: Բայց երբեմն բանաստեղծելն էլ կարող է այլ տպավորություն թողնել:

Այ, օրինակ, վարչապետ Նիկոլ Փաշինյանը, Ռանչպար գյուղ կատարած այցի արդյունքներն ու տպավորությունները յուրովի ամփոփեց… «Ռանչպար» բանաստեղծությամբ: Դա դեռ ոչինչ: Բայց Նիկոլ Փաշինյանը նշեց, որ այդ ոտանավորը... «նաև հանձնարարական է պետական բոլոր մարմիններին՝ իրենց անելիքի էության ու բնույթի մասին»:

Այս հանձնարարականի պահը երևակայություն բորբոքեց ու մի պահ պատկերացրի, թե պետական մարմինները նույն ոգով ու ոճով արձագանքում են Նիկոլ Փաշինյանի չափածո հանձնարարականին։

Առողջապահության նախարար Արսեն Թորոսյանի երևակայական արձագանքը

Է՛լ ինչ անեմ, որ մարի
Ծխախոտի ծուխն անդարձ,
Որ շաքարը կոլայի
Դառնա հարկված լեղի, մաղձ...
Քո ակաթե աչքերում,
Վարչապետ իմ լուսամփոփ,
Միտքդ՝ դուխով, հոգիդ՝ բո՛րբ...
Որքան երազ կա ու որքան թրթիռ,
Դառնա թող երկնագույն... ուղղաթիռ:

Министр здравоохранения Арсен Торосян на заседании Правительства Армении (16 октября 2018). Еревaн
© Sputnik / Aram Nersesyan ,
Արսեն Թորոսյան

Ֆինանսների նախարար Ատոմ Ջանջուղազյանի ենթադրյալ արձագանքը

Բրոնզե տուրք է,
Բյուջեի քուրք է,
Հարկային բուք է,
Հարկահավա՛ք:
Դու դուխով փառք ես,
Ֆեյսբուքված լայք ես,
Դու լայվի փայլ ես,
Ու լրիվ ֆիսկալ,
Ի՛մ վարչակալ...
Բայց դու զուր ես,
Ա՜խ, իզուր ես,
Ներդրում սպասում
Օ՜, սրտիս քայլ...
***
Անողոք մորմոք կա, որ հոգիս կըտանջե,
Ախր մենք ոնց ենք լցնելու բյուջեն...

Министр финансов Армении Атом Джанджугазян в парламенте (29 мая 2018). Еревaн
© Sputnik / Aram Nersesyan
Ատոմ Ջանջուղազյան

ԱԱԾ-ի «գաղտնալսված» արձագանքը չափածո հանձնարարականին

Մուտիտ ենք անում ու գաղտնալսվում,
Դարի պոետիկ շնչին ենք քսվում,
Նախկինից գործեր վերհանում բոլ-բոլ,
Ազատ ժամանակ խաղում ենք ֆուտբոլ...

Երևանի քաղաքապետ Հայկ Մարությանի երևակայական արձագանքը

Եթե ուզենք, կապամոնտաժենք սրճարաններ,
Եթե ուզենք, վերելակներ կընդարձակենք,
Եթե ուզենք, կդարձնենք բոշի բազար,
Մի գործազո՞ւրկ էր, կդառնա... հազար:

Заседание совета старейшин Еревана (15 января 2019). Еревaн
© Sputnik / Aram Nersesyan ,
Հայկ Մարության

ՊԵԿ-ի ղեկավար Դավիթ Անանյանի ենթադրյալ արձագանքը

Կուզեմ հիմի փչե զուռնեն - հարկեր հավքիմ մինչև էգուց.
Տնտեսության բըկին չոքեմ, որ մառ մզվի մինչև էգուց:

ըՍտուգումով մտնեմ քուչեն, անՀԴՄ վրես նայես՝
Դու տուգանված գիրկս ընկնես, ես լաց չըլիմ մինչև էգուց:

Խելքս անդարդ ոտքիդ տված՝ երթամ ընկնեմ մոլ ու մարկետ
Քո բյուջեին գինի ու հա՛ց ըլիմ, դուխով իմ վարչապե՛տ:

Պարգևավճար ինձ դուրս գրեմ, ու հարկերը բերեմ տաք-տաք,
Թավշյա շնչով անկոռուպցիա թռվռամ ես մինչև... չերթանք:

Председатель КГД Армении Давид Ананян в парламенте (29 мая 2018). Еревaн
© Sputnik / Aram Nersesyan
Դավիթ Անանյան

Ոստիկանապետ Վալերի Օսիպյանի ենթադրյալ չափածո արձագանքը հանձնարարականին

Վերջապես առանք բռնության կարոտը,
Ցույցը ցրեցինք, ջարդինք մեկի ոտը...
Էլի առաջվանն ենք, մահակով ու նույնը,
Մենք՝ իշխանության միակ հենասյունը:

Начальник полиции Армении Валерий Осипян на церемонии выдачи дипломов выпустникам военных вузов (25 июля 2018). Еревaн
© Sputnik / Asatur Yesayants
Վալերի Օսիպյան

Մշակույթի նախարարության հավաքական արձագանքը

Աջը թողած, թարսում էինք միշտ, խառնում թատրոն ու թանգարան,
Մինչև մեզ էլ կրճատումով փողոց հանեն՝ շարվեշարան:
Եվ Մակունցին մեր աննման անգամ չասած մնաս բարով
Պիտի անցնենք Կը-Գը-Նը-ի սառն ու անդուր սենյակներով…

Մեր դեմ գործեր, նախագծեր, միացումներ՝ հազա՜ր-հազա՜ր.
Զը-Լը-Մը-ներն են աղմկում, թավշյա կյանքը անհավասար.
Եվ ո՞վ կասի՝ ինչո՞ւ հենց մենք, էս ո՞ւր հասանք
Միաձուլումն անգութ այնպես՝ կարծես շինված է տապարով:

Ու էլ որո՞ւ մեղքի համար տուժենք այսպես մենք աններում,
Պիտի քայլենք, թողնենք-թռնենք, ՅՈՒՆԵՍԿՕ-ն է հեռվից գերում:
Թե Մակունցին տեսնեք մի օր ՀՀ ԱԺ միջանցքներում
Ասե՛ք նրան՝ մշնախն ասավ - մնաս բարո՜վ, մնաս բարո՜վ...

թեգերը:
Հայկ Մարության, Լիլիթ Մակունց, Վալերի Օսիպյան, Դավիթ Անանյան, Նիկոլ Փաշինյան, Հայաստան

Գլխավոր թեմաներ