20:51 26 ապրիլի 2019
Ուղիղ եթեր
  • USD481.33
  • GBP621.06
  • EUR536.06
  • RUB7.43
Իվանովի «Լենինը Կրեմլի շաբաթօրյակում» նկարը

Բոլորս դեպի կարգին շաբաթօրյակ, ընկերներ. համ էլ տնեցիների հետ կշփվեք

© Photo: Public domain
Հեղինակներ
Ստանալ կարճ հղումը
Արմեն Հակոբյան
12310

Գարունն, ինչպես ասվում է, եկավ մեր բակ: Եվ՝ բոլորս դեպի շաբաթօրյակ: Ավելի ճիշտ, բոլորս դեպի մեծ շաբաթօրյակ, ընկերներ: Կներեք, պետք է նշեի՝ համապետակա՛ն մեծ շաբաթօրյակ: Լիարժեք տպավորության համար գերանն ուսին դրած Լենինի նկարն է պակասում, բայց մարտի 23-ին նկարների ու «գերանների» պակաս դժվար թե լինի:

Այո, այսօր՝ մարտի 23-ին շաբաթօրյակ է հայտարարված: Դա նշանակում է, որ հանրային համակեցության բարձր գիտակցությամբ ու քաղաքացիական պարտքով տոգորված, զանգվածային միջոցառումների սիրահար հայրենակիցները, բահերով, փոցխերով, ավելներով ու մաքրության համար անհրաժեշտ այլ պարագաներով «զինված», կելնեն բակեր ու փողոցներ՝ մաքրելու համար… «խոզություն, խոզություն ընդմիշտ» մոտեցմամբ ապրողների կենսագոյության հետևանքները:

Ամեն դեպքում, ինչ-որ կումունիստաբոլշևիկյան մնացուկ կա այդ շաբաթօրյակ ասվածի մեջ, որոշ չափով ձևական ու ցուցադրական երանգներով: Ինչևէ:

Երևանի ավագանու նախօրեի նիստի սկզբում էլ քաղաքապետ Հայկ Մարությանը համաքաղաքացիների ու ավագանու անդամների ուշադրությունը ևս մեկ անգամ հրավիրեց մարտի 23-ի մեծ միջոցառման վրա:

«Մարտի 23-ին մեծ շաբաթօրյակ է մեզ սպասվում,-հայտարարեց քաղաքապետը, ապա քիչ անց հավելեց,- Հուսով եմ, որ բացի նրանից, որ կմասնակցենք և կմաքրենք եղած պրոբլեմները, նաև ամեն օր ուշադիր կլինենք և այդ պրոբլեմները չենք ավելացնի մեր քաղաքում»:

Այնպես որ՝ մարտի 23-ին, առավոտյան ժամը 10-ից, համախմբված:

Հա, քաղաքապետարանի ֆեյսբուքյան էջի միջոցով, ինչպես նաև՝ պաշտոնական կայքում կարելի է տեղեկանալ, թե որ վարչական շրջանում ինչ հասցեով կամ հեռախոսահամարով դիմել՝ անհրաժեշտ գործիքներ ստանալու համար:

Նշվեց նաև, որ բակային տարածքների շաբաթօրյակումը, այսինքն՝ մաքրության գործը բնակչության ուժերով կարվի, իսկ քաղաքային իշխանության համապատասխան կառույցները՝ փողոցների, հանրային ավելի ընդգրկուն տարածքների վրա կկենտրոնանան:

Ինքը՝ Հայկ Մարությանը, անձամբ ու ընտանյոք, մասնակցելու է շաբաթօրյակին՝ իրենց բակում և հարակից տարածքներում:

«Սրանք ոչ միայն մաքրության աշխատանքներ են, այլև շատ լավ առիթ՝ շփվելու ընտանիքի անդամների, ընկերների հետ»,-հայտարարեց քաղաքապետ Հայկ Մարությանը:

Դժվար է չհամաձայնել, հատկապես՝ տնեցիների և ընկերների հետ շփվելու լավ առիթի վերաբերյալ դիտարկմանը:

Իսկ առհասարակ, շաբաթօրյակից շաբաթօրյակ միջակայքում ավելի լավ է աղբահանության հիմնախնդիրը կարգավորել, ի լրումն՝ զարկ տալ դաստիարակչական աշխատանքներին, գումարած փնթիների նկատմամբ վարչատուգանային խիստ մոտեցումը:

Լավ, գնամ փոցխիս վրա կարմիր ժապավենը կապեմ: Նախապատրաստվեմ մեծ միջոցառմանը, մի խոսքով:

Ըստ թեմայի

Հեղափոխական, թե կոմունիստական շաբաթօրյակ, կամ «Մաքուր Հայաստանի» կեղտոտ երեսը
Փաշինյանը կոչ արեց մարտի 23-ին մաքրել Հայաստանը
Ինչպես կպատասխանեին պաշտոնյաները Փաշինյանին, եթե չափածո դիմեին նրան
Կարևոր տեղում մի կարևոր բան, այնուհանդերձ, սխալ է
Կառավարությունը փորձում է իշխել, բայց չի կառավարում երկիրը. Դավիթ Շահնազարյան
Ադրբեջանը պատրաստվում է նոր պատերազմի. մենք ինչո՞վ ենք զբաղված
թեգերը:
Հայաստան, Երևան, Հայկ Մարության

Գլխավոր թեմաներ