08:57 25 հունիսի 2019
Ուղիղ եթեր
  • USD477.81
  • GBP609.64
  • EUR544.32
  • RUB7.60
«Արսենալի» երկրպագուները «Չիվաս Գվադալահարայի» հետ խաղի ժամանակ

Հայկական 6000 դրոշ Բաքվում. տեսարժան կլինի, բայց ինչո՞ւ է լռում ՀՖՖ-ն

© AFP 2018 / RINGO CHIU
Հեղինակներ
Ստանալ կարճ հղումը
Ռուբեն Գյուլմիսարյան
41220

Բաքվում մայիսի 29–ին կայանալիք Եվրոպայի Լիգայի եզրափակչի մասին ով չի ալարել գրել է։ Իհարկե, եզրափակչի մասին չէ, այլ դրա հետ կապված խնդրի։ Բանն այն է, որ ծագմամբ հայերի, այդ թվում` «Արսենալի» խաղացող Հենրիխ Մխիթարյանի մուտքն Ադրբեջան արգելված է։

Լավ, երբ ՈւԵՖԱ–ն որոշում է կայացնում իր հովանու ներքո անցկացվող եզրափակիչ գավաթային խաղերի անցկացման մասին, այն իր նկատառումներով է առաջնորդվում։ Հնարավոր է` այդ նկատառումների մեջ է մտնում լրիվ հիմնավոր ենթադրություն այդ մասին, որ երբ եզրափակիչ խաղերը նշանակվում են Բաքվում կամ Կիևում (կամ օրինակ Պրիշտինայում) այնտեղ չեն կարող մեկնել համապատասխանաբար հայկական, ռուսական (կամ օրինակ սերբական) թիմերը։

Ակումբները ակումբներով, թեև քաղաքականության ու սպորտի միաձուլումն ակնհայտ է։ Բայց չէ որ նշված քաղաքներում անցկացվելիք եզրափակիչ անցած ակումբներում կարող են հայ կամ ռուս խաղացողներ լինել, կամ, օրինակ, սերբեր. ինչպե՞ս իրենք այն տեղ իրենց կզգան՝  նույնիսկ, եթե լինեն ընդունող կողմի երաշխիքները։

Դա հռետորական հարց է։ Ներկայիս իրավիճակը, երբ լոնդոնյան «Արսենալը» ստիպված է մեկնել Բաքու՝ Եվրոպայի Լիգայի եզրափակիչ, առանց Հենրիխ Մխիթարյանի, այդ հռետորական հարցի պատասխանն է։ Այդ թեմայով երևի միայն ամենաալարկոտ երկրպագուն չի խոսել։ Էլ չենք ասում շահագրգիռ կողմերի մասին։

Թեև արդեն երկար տարիներ է Յուրգեն Կլոպին չի կարելի շահագրգիռ կողմ համարել։ Նրա ու Մխիթարյանի ճանապարհները բաժանվել են դեռ Դորտմունդի «Բորուսիայի» ժանակներից։ Նա ասել է, որ Եվրոպայի Լիգայի եզրափակիչը Բաքվում անցկացնելը «զվարճալի է»։

«Չգիտեմ` ինչ են նախաճաշին մատուցել այն մարդկանց, որոնք այդպես են որոշել։ Նախորդ անգամ Լիգայի եզրափակիչը Կիևում էր։ Դա հիանալի քաղաք է, բայց հավանականությունը, որ ռուսական թիմը եզրափակիչ դուրս կգա, շատ քիչ էր։ Գաղափար չունեմ` ինչպես են Բաքու հասնում ու արդյոք դեպի այդ քաղաք կանոնավոր չվերթեր կան։ Նման որոշումները պետք է լինեն շատ ավելի կշռադատված, խելքին մոտ։ Դա որպես անպատասխանատվություն է  դիտվում», – ասել էր Կլոպը։

«Արսենալն» իր հերթին մտադիր են տանը թողնել հայ կիսապաշտպան հենրիխ Մխիթարյանին` բացառելով նրա մասնակցությունը Բաքվում կայանալիք Եվրոպայի Լիգայի եզրափակչին։ Երկրպագուները, խաղացողներն ու ակումբի պատասխանատուները դժգոհություն են հայտնում, որ առաջատար խաղացողներից մեկը ստիպված է անվտանգության ու ազգության պատճառով նման լուրջ խաղ բաց թողնել։

Ռուս մեկնաբան Վասիլի Ուտկինն իր հերթին օրերս նույնպես արտահայտվել է։

«Եթե Ադրբեջանը պայքարում է  նման մակարդակի միջոցառումների համար, ապա այնտեղ պետք է գիտակցեն, որ պարտավոր են ապահովել դրանց նորմալ անցկացումը, էլ չենք խոսում անվտանգության մասին։ Իսկ եթե, ենթադրենք, խաղի կոմիսար նշանակվի մի հա՞յ, կամ օրինակ ֆրանսահա՞յ։ Եթե նրանք պատրաստ չեն միջոցառումն անցկացնելու համար բոլոր անհրաժեշտ քայլերն ապահովել, այդ դեպքում չի կարելի հավակնել։ Դա ժամանցի ոլորտ է, չեք կարող` մի արեք», – ասել է Ուտկինը «Էխո Մոսկվի» ռադիոկայանի «Ֆուտբոլային ակումբ» ծրագրի եթերում։

Իսկ ահա Հայաստանի ֆուտբոլի ֆեդերացիան դեռ լռում է, չնայած Հենրիխ Մխիթարյանը երկրի ազգային հավաքականի ավագն է։ Հնարավոր է` հայկական ֆեդերացիան այս փուլում չի ուզում բարձրացնի այդ հարցը, հասկանալով, որ ցանկացած արձագանք միանգամից քաղաքականացվելու է, ինքներդ էլ գիտեք` որտեղ։

Մյուս կողմից էլ, կարծես ընդհանարապես լռել չի լինի, դա լուրջ չէ։ Սպասենք ՀՖՖ–ի պատասխանին, այն ժամանակ ավելի հասկանալի կլինի։ Ամենայն հավանականությամբ` նրանք հնարավորինս մարտավարական արձագանք են պատրաստում։ Այնպիսի արձագանք, որ ինքներդ գիտեք` որտեղ չկարողանան անուն կպցնել։

... Իսկ ընդհանուր առմամբ, հասկանալի է, որ «Արսենալը» դեռ եզրափակիչ խաղից առաջ «Չելսիի» հետ անհավասար պայմանների մեջ է դրվել. անկախ այն բանից` կխաղա Մխիթարյանը, թե ոչ։ Ամենայն հավանականությամբ, չի խաղա, բայց դա չի ազատի «զինագործներին» ադրբեջանական ֆուտբոլասերների՝ իրենց դեմ ուղղված վերաբերմունքից։

Ճիշտ է` «Արսենալի» անգլիացի երկրպագուները, որոնք թվով 6 հազարն են լինելու, դատելով սոցցանցերում  նրանց արձագանքից, կարող են խաղին գալ Հենրիխ Մխիթարյանի լուսանկարներով շապիկներով ու հայկական դրոշներով։

Վեց հազար հայկական դրոշը Բաքվում տեսարժան կլինի, հնարավոր է` եզրափակչից էլ ավելի հետաքրքիր։

Ըստ թեմայի

Կիքս, որի վրա ծիծաղողները Հայաստանի Հանրապետությանն են ծաղրում
Կշարունակի՞ խաղալ «Արսենալի» կազմում․Մխիթարյանի մշուշոտ ապագան
Հայտնի է Հենրիխ Մխիթարյանի հարսանիքի հստակ օրը
Մխիթարյանի տեղափոխությունը` միֆ, թե՞ իրականություն. ի՞նչ դեր ունի Բաքվի խաղն այս ամենում
թեգերը:
Հայաստան, ՀՖՖ, Ադրբեջան, ֆուտբոլ, Հենրիխ Մխիթարյան

Գլխավոր թեմաներ