03:57 14 հոկտեմբերի 2019
Ուղիղ եթեր
  • USD476.73
  • GBP596.06
  • EUR525.36
  • RUB7.42
«Արարատ-Արմենիա» ֆուտբոլային թիմ

Ֆուտբոլը որպես բիզնես. որքան է վաստակել «Արարատ–Արմենիան» և դեռ որքան կարող է վաստակել

© Sputnik / Aram Nersesyan ,
Հեղինակներ
Ստանալ կարճ հղումը
289510

«Արարատ–Արմենիա» ֆուտբոլային ակումբին Եվրոպայի լիգայի խմբային փուլից մեկ քայլ է բաժանում, և եթե Լյուքսեմբուրգում ամեն ինչ հաջող ավարտ ունենա, ապա հայկական ֆուտբոլի պատմության մեջ նոր էջ կբացվի։ Երկրպագուներին հետաքրքիր է նրանց հաղթանակն ու դրանից բխող ուրախությունը, սակայն ակումբը բիզնես է, իսկ եվրագավաթում յուրաքանչյուր նոր քայլ նոր եկամուտ է ենթադրում։ Sputnik Արմենիան փորձել է հաշվարկել այդ եկամուտները։

ՈւԵՖԱ–ն պարգևավճարներ է տալիս եվրագավաթներին մասնակցող ակումբներին` Չեմպիոնների և Եվրոպայի լիգաների մրցաշարային աղյուսակներում հետևողականորեն առաջ անցնելու համար։ Sputnik Արմենիան հաշվարկել է, թե որքա՞ն գումար է մինչ այժմ ստացել «Արարատ–Արմենիան», որին Եվրոպայի  լիգայի խմբային փուլից մեկ քայլ է բաժանում, և որքա՞ն կարող է ստանալ «եվրագոտում» իր խաղերով պայմանավորված։

ՈւԵՖԱ–ի պաշտոնական կայքում հնարավոր է  գտնել ֆինանսական ամբողջ տեղեկությունը։ Անկախ նրանից, որ եվրոպական ասոցիացիան կոնկրետ չի նշում, թե ինչպես է բաշխվում եկամուտը 2019/20 խաղաշրջանի Չեմպիոնների և Եվրոպայի լիգաների մասնակիցների միջև, որպես հիմք կարելի է ընդունել  նախորդ տարվա թվերը.  վերջին շրջանում ՈւԵՖԱ–ն վերանայում է դրույքաչափերը երեք տարին մեկ։

Դիտարկենք երեք տարբերակ. «զրոյական», որը հիմնվում է նրա վրա, ինչին ակումբն արդեն հասել է, այն է` փլեյ–օֆ փուլի խաղերը, առաջին` ենթադրում ենք, որ ակումբը կանցնի խմբային փուլ, երկրորդ` ենթադրում ենք, որ նա դուրս կգա խմբից։

Զրոյական տարբերակ

Չեմպիոնների լիգայի առաջին փուլը ակումբին 280  հազար եվրո է բերել Չեմպիոնների Լիգայի գներով։ Մերոնք զիջել են շվեդ չեմպիոնին և հետագայում արդեն հաշվարկվում են Եվրոպայի Լիգայի դրույքաչափերը։

ԵԼ երկրորդ և երրորդ նախընտրական փուլերը «Արարատ–Արմենիային» համապատասխանաբար 260 և 280 հազար եվրո են բերել (պետք է նշել, որ պարգևավճարները ՉԼ–ում զգալիորեն բարձր են)։

Եթե «Արարատ–Արմենիան» չանցնի խմբային փուլ, ակումբին փլեյ–օֆին մասնակցելու համար 300  հազար եվրո է հասնում։

Այդպիսով, ակումբը եվրոպական խաղադաշտում ելույթ ունենալու համար 1 մլն 120 հազար եվրո կստանա։

Առաջին տարբերակ

Դիցուք` «Արարատ–Արմենիան» անցնում է խմբային փուլ և դրա շրջանակում 6 հանդիպում ունենում։

Խմբային փուլին մասնակցելու համար 2 մլն 620 հազար եվրո է հասնում։ Այդպիսով, եթե մեր ակումբը նույնիսկ խմբային փուլում ոչ մի միավոր չվաստակի, ապա նրա ընդհանուր եկամուտը հավասար կլինի 3 մլն 440 հազար եվրոյի (այդ դեպքում արդեն 300 հազարը չի ստանա, որը նախատեսված է միայն փլեյ–օֆ փուլից դուրս մնացածների համար)։

Եվ այսպես, եթե «Արարատ–Արմենիան» խմբային փուլում ոչ մի միավոր չհավաքի (կպարտվի բոլոր խաղերում), ապա կունենա 3 մլն 440 հազար եվրո։

Երկրորդ տարբերակ

Ինչպես արդեն ասել էինք, խմբային փուլում յուրաքանչյուր հաղթանակ թիմին 570  հազար կբերի, ոչ–ոքին` 190 հազար։ Ենթադրենք, որ «Արարատ–Արմենիան» դուրս է գալիս խմբային փուլից` 3 հաղթանակ, 1 ոչ–ոքի և 2 պարտություն ունենալով։

Խմբային փուլում կուտակած յուրաքանչյուր միավոր 190 հազար արժե, իսկ յուրաքնաչյուր հաղթանակ` 570 հազար։ Ստացվում է` նման արդյունքի (թող որ ֆանտաստիկ) դեպքում, մերոնք լրացուցիչ 1 մլն 710 հազար կվաստակեն հաղթանակների համար և 190 հազար` ոչ–ոքիի դեպքում։

Նախնական փուլ` 820 հազար։

Խմբային փուլ դուրս գալու համար` 2 մլն 620 հազար։

3 հաղթանակ ունենալու դեպքում` 570 հազար * 3 = 1 մլն 710  հազար։

1 ոչ–ոքի` 190 հազար։

1/16 եզրափակիչ դուրս գալը` 500 հազար։

Ընդամենը` 5 մլն 840 հազար եվրո

Այդ արդյունքին պետք է ավելացնել ևս մի փոքր գումար, որը ստացվում է չօգտագործված միջոցներից (190 հազար եվրո յուրաքանչյուր ոչ–ոքիից), որոնք հաղթանակների քանակից կախված համաչափ բաշխվում են խմբային փուլին մասնակցած ակումբների միջև։

Այդպիսով,  մասնակցությունը Եվրոպայի Լիգայի  1/16 եզրափակչում «Արարատ–Արմենիա» ակումբի համար գնահատվում է մոտավորապես 6 մլն եվրո։

Իսկ հետագայում գները հետևյալն են`

մասնակցություն 1/8 եզրափակչին` 1.1–ական մլն եվրո

մասնակցություն 1/4 եզրափակչին` 1.5–ական մլն եվրո

մասնակցություն 1/2 եզրափակչին` 2.4–ական մլն եվրո

Մասնակցություն եզրափակչին` 4.5–ական մլն եվրո

Հաղթողը լրացուցիչ 4 մլն եվրո է ստանում։

ՈւԵՖԱ–ի Սուպերգավաթին մասնակցած ակումբները կստանան 3.5-ական մլն եվրո։ Հաղթողը լրացուցիչ ևս մեկ մլն կվաստակի։

Ըստ թեմայի

Ֆուտբոլ, դասեր ու սեր. 20-ամյա գյումրեցի աղջկա երազանքները
Հաղթական երեկո Հանրապետական մարզադաշտում. ֆուտբոլային հույզերի հրավառություն. լուսանկարներ
Փաշինյանին «Ռեալ Մադրիդ» ֆուտբոլային ակումբի շապիկ են նվիրել․ «Բարսելոնայի» երկրպագուները շփոթված են
Դմիտրի Սիչովը կարող է հանդես գալ «Փյունիկում»
Անվախ դարպասապահը. ինչպես Ալյոշա անունը դարձավ հայկական ֆուտբոլի խորհրդանիշը
թեգերը:
Արարատ–Արմենիա, ֆուտբոլ, հայեր, հայ, Հայաստան

Գլխավոր թեմաներ