01:01 24 սեպտեմբերի 2019
Ուղիղ եթեր
  • USD476.26
  • GBP592.56
  • EUR522.98
  • RUB7.44
Մեքենաների գերեզմանոց Երևանում

Հայաստանը վերածվում է ավտոգերեզմանոցի, կամ ինչն է նպաստել տնտեսական աճին

© Sputnik / Aram Nersesyan ,
Հեղինակներ
Ստանալ կարճ հղումը
19720

Անշուշտ, վերջին մեկ տարվա ընթացքում այն հակաստվերային և հակակոռուպցիոն ձևաչափերը, որ շրջանառության մեջ են դրվել, կարելի է ասել, իրենց արդյունքները տալիս են: Նախկինում խոսվում էր իշխանության և բիզնեսի սերտաճման մասին: Այսօր իշխանությունն ասում է, որ թույլ չի տալու այդպիսի սերտաճման հետագա շարունակություն:

Իհարկե, տեսնում ենք, որ վերջին մեկ տարվա արդյունքներով բյուջեի հարկային եկամուտները մոտ 25 տոկոսով աճել են, և դրա մեջ, այո, առյուծի բաժինը առևտրի, ծառայությունների ոլորտն է:

Լավ օրից չէ, իհարկե, որ մեր տնտեսական աճի, փաստորեն, 80 տոկոսից ավելին առևտրի և ծառայությունների ոլորտն է ձևավորում, իսկ դրա մեջ հատկապես խաղաբիզնեսն է շարունակում մնալ առաջատար: Գուցե մի քիչ ծայրահեղ հնչի գնահատականս, բայց դա խոսում է հասարակության դեգրադացիայի, բացասական իմաստով՝ արժեքային որակափոխության մասին:

Մարդիկ գերադասում են այսրոպեական «հրաշքի» միջոցով հարստանալ կամ եկամուտ ունենալ: Իրականում դա տրիվիալ իրողություն է. խաղաբիզնեսից շահում են միայն կազմակերպիչները: Իսկ հաճախորդները, ի վերջո և միշտ, կորցնում են: Լավագույն դեպքում՝ կարող է լինել զրոյական ելքով խաղ, բայց կազմակերպիչները հաստատ շահում են:

Պետությանն էլ ինչ-որ տեղ կարող ենք շահառու դիտարկել, որպես հարկեր հավաքող, բայց դա հեռանկար չունեցող զբաղմունք է պետության համար, եթե երկրի ռեսուրսները ներգրավվում են ավելացված արժեք չստեղծող ոլորտում: Այնպես որ, խաղաբիզնեսի պահը թերևս այդ տնտեսական աճի որակի մասին է խոսում:

Մյուս ոլորտը, որը նպաստում է այս աճին, իհարկե, ավտոբիզնեսն է, և այդ շուկան այժմ տենդի մեջ է, կարելի է ասել:

Մի կողմից, այո, դա ժամանակավոր բնույթ է կրում, և հաջորդ տարվա սկզբից այդ աշխուժության բուն առիթը չի լինի: Բայց մյուս կողմից, հանրապետությունը վերածվում է ավտոգերեզմանոցի: Մենք տեսնում ենք այդպիսի ավտոտենդի մեջ ներքաշված մարդկանց մի ահռելի զանգված, որ ամերիկյան ապահովագրական համակարգերով լվացված, տարերային աղետներից, վթարներից տուժած, գուցե ճառագայթահարման գոտում եղած ավտոմեքենաները որպես վթարված ներմուծում է Հայաստան: Այստեղից, իհարկե, այդ մեքենաների մի մասը վերանորոգված, «դզած-փչած» վերաարտահանվում է ԵԱՏՄ երկրներ: Բայց այնտեղ էլ հասկացել են, որ դա ապագա չէ, և սկսել են արգելել այդպիսի մեքենաների ներկրումը:

Այնպես որ, ավտոշուկայի այս տենդագին աշխուժությունը ևս նպաստել է վերջին շրջանի կամ այս տարվա առաջին կիսամյակի տնտեսական աճին:

Հայաստանի տնտեսությունը` թվերով

Մի ամբողջ համալիր սպասարկում է պայմանական ասած՝ այս ճյուղը, տարբեր տեսակի վարկային կազմակերպություններ են սնկի նման բուսնել, որոնք սպասարկում են այս ավտոբիզնեսը, բայց սա կարող տխուր վախճան ունենալ:

Շատերը բերում-կուտակում են, հույս ունենալով, մտածելով, որ կարող է գները հետո բարձրանան:

Իսկ ես ասում եմ, բա որ հանկարծ հակառա՞կը տեղի ունեցավ: Ենթադրենք, ԵԱՏՄ շրջանակներում պայմանավորվածություն ձեռք բերվեց, և 3 տարով հետաձգեցին այս ամենը, ու գները փլուզվեցին, ի՞նչ են անելու այդ մարդիկ: Էլ չեմ խոսում այն մասին, որ ավտոգերեզմանոցային շուկայում կարող է հեռանկարում լճացում տեղի ունենալ՝ գնային համապատասխան հետևանքներով:

Ի վերջո, մենք խոսում ենք նաև բնապահպանությունից: Մինչդեռ այդ մեքենաների մեծ մասի բնապահպանական ռիսկերը ոչ թե տոկոսներով այլ անգամներով են հաշվվում:

Հաշվի առնելով մեր հանրապետության բնապահպանական վիճակը, ինձ թվում է, որ դա ամենևին էլ ճիշտ և հարմար քաղաքականություն չէ՝ խթանել այս ամենը և մաքսատուրքերից բյուջե գոյացնել:

Հայաստանի տնտեսությունն աշխուժացրել են սեզոնային գործոններն ու ավտովարկավորման շուկան

Ըստ թեմայի

Հրահանգեցին դիվանագետ դառնալ. ինչպես տնտեսագետ Պողոս Հակոբովն ընկերացավ Քադաֆիի հետ
ՀՀ տնտեսության սև–սպիտակը. ինչու տնտեսագետին չի ոգևորում այն, ինչ ոգևորել է վարչապետին
Իներցիայով շարժվող տնտեսությունը. ի՞նչ է թաքնված հրապարակված ցուցանիշների հետևում
թեգերը:
տնտեսություն, ավտոմեքենա, Հայաստան

Գլխավոր թեմաներ