20:48 07 դեկտեմբերի 2019
Ուղիղ եթեր
  • USD478.03
  • GBP627.41
  • EUR530.47
  • RUB7.50
Տավրոս գյուղ, Սյունիքի մարզ

«Տաշի–տուշիին» կարոտելով. Տավրուս գյուղում մոռացել են մարդաշատ հարսանիքները

© Sputnik / Nana Martirosyan
Հեղինակներ
Ստանալ կարճ հղումը
289 0 0

Գյուղում մի քանի տասնյակ մարդ է ապրում։ Այստեղ գրեթե բոլորը պատկառելի տարիքի են։ 15 տարի է` հարսանիք չեն արել, առաջիկա 10-ում էլ հույս չկա։

ԵՐԵՎԱՆ, 3 հոկտեմբերի — Sputnik, Նանա Մարտիրոսյան. Սյունիքի լեռներում մի կորած–մոլորած գյուղ կա` Տավրոսը։

Село Таврус Сюникской области Армении
© Sputnik / Nana Martirosyan
Տավրոս գյուղ, Սյունիքի մարզ

Գյուղ մտնելիս միանգամից աչքի է ընկնում տունը` բակում կախված գույնզգույն լվացքով։

Вероника жительница села Таврус Сюникской области Армении
© Sputnik / Nana Martirosyan
Վերոնիկա, Տավրոս գյուղի բնակիչ, Սյունիքի մարզ

Տանն ապրում է Վերոնիկան` իր վեց երեխաների հետ։ Նրա դստրիկը` Սյունեն, անմիջապես գրավում է մեր ուշադրությունը։ Եթե ընկերանաք նրա հետ, աղջիկը մատների վրա ցույց կտա, թե քանի տարեկան է, միաժամանակ տարօրինակ կերպով «աչքով կանի». աչքերը շատ դանդաղ է փակում ու բացում։ Թվում է` այդ կերպ գյուղական կյանքի ռիթմն է հաղորդում։

Сона жительница села Таврус Сюникской области Армении
© Sputnik / Nana Martirosyan
Սոնա, Տավրոս գյուղի փոքրիկ բնակիչ, Սյունիքի մարզ

Տավրուսում  նեղ արահետներ են, ասֆալտ չկա, անձրևից հետո էլ գրեթե անհնար է տեղաշարժվել սայթաքող ճանապարհներով։

Գյուղում 12 ընտանիք է ապրում (40 մարդ) և ընդամենը 10 երեխա։ Գյուղացիները զբաղվում են անասնապահությամբ և այգեգործությամբ, բայց ոչինչ չեն վաճառում։ Ասում են` կյանքը դժվար է, բայց չեն պատրաստվում հեռանալ. արդեն վարժվել են այդ «դանդաղ» գոյությանը։

Село Таврус Сюникской области Армении
© Sputnik / Nana Martirosyan
Տավրոս գյուղ, Սյունիքի մարզ

Նրանք դժվարությամբ են մտաբերում գյուղում տեղի ունեցած վերջին հարսանիքը, ծեծկռտուքը կամ թաղումը։ Գյուղացիները կատակում են` նույնիսկ գերեզմանատունը մարդաշատ չէ` ընդամենը չորս շիրիմ, մնացածը հասցրել  են ժամանակին արտագաղթել։

Село Таврус Сюникской области Армении
© Sputnik / Nana Martirosyan
Տավրոս գյուղ, Սյունիքի մարզ

«Երբ նոր էինք եկել Սամարղանդից, մարդիկ երջանիկ էին։ Բոլորն ուրախ էին, աշխուժություն էր տիրում։ Հաճախ էինք մասնակցում հարսանիքների և այլ տոների, բայց տարիների ընթացքում վիճակը վատացավ, մարդիկ հեռացան, նույնիսկ հարսանիք չեն անում», – պատմում է Լարիսան։

Село Таврус Сюникской области Армении
© Sputnik / Nana Martirosyan
Տավրոս գյուղ, Սյունիքի մարզ

Ի դեպ, հարսանիքները գյուղի բնակիչների թույլ տեղն են։ Գյուղացիները նախանձով են լցվում, երբ իմանում են, որ հարևան Անտառաշատում շուտով հարսանիք է լինելու։ Ասում են` կարոտել են, վաղուց «տաշի–տուշի» չեն լսել։

Գյուղում վերջին հարսանիքը 15 տարի առաջ է եղել։ Դրանից հետո բոլորը «սուսուփուս» են ամուսնանում, հարսնացուին տուն են բերում առանց արարողությունների։

«Աստիճանաբար կորցրել ենք կյանքի համն ու հոտը, դրա հետ մեկտեղ հեռացել է ամենագեղեցիկ ավանդույթը` «տմբլատաշին»։ Այս ամենը տխուր է։ Անտառաշատցիների բախտը բերել է, նրանք թեկուզ մի օրով տեղափոխվում են «լուսավոր ժամանակներ», երբ ամեն ինչ շատ ուրախ էր», – ասում է Յուրա պապը, որը 90–ականներին կնոջ հետ է տեղափոխվել գյուղ։

Юрий житель села Таврус Сюникской области Армении
© Sputnik / Nana Martirosyan
Յուրա, Տավրոս գյուղի բնակիչ, Սյունիքի մարզ

Գյուղի մեկ այլ բնակիչ Գոհարը արագ թվարկում է նրանց, ովքեր ապրում են գյուղում, և երկու հարսանիք է հիշում։ Բայց արի ու տես, որ հարսնացուներին տարել են գյուղից, հետևաբար արարողությունը երկար չի տևել, իսկ գյուղացիներան այդքան ճոխ խնջույք չեն արել։

Гоар и девочка Мари
© Sputnik / Nana Martirosyan
Գոհար, Տավրոս գյուղի բնակիչ, Սյունիքի մարզ

Հիմա գյուղում գրեթե չկան չամուսնացած երիտասարդներ, իսկ դա նշանակում է, որ ևս 10-15 տարի հարսանիք չի լինի։ Ամբողջ հույսը աճող սերունդն է։ Եթե, իհարկե, չհեռանան գյուղից, որտեղ չկա գազ, ջրամատակարարումը խափանումներով է, իսկ մարդիկ հանգիստ սպասում են ծերությանը։

Ըստ թեմայի

Տուն-տուկ. ինչպես հնձած խոտից ու չորացած եղեգներից Մարտունու 1-ին էկոհյուրատունը կառուցվեց
Հազվագյուտ ձեռագրեր, բացառիկ նկարներ. 10 տարի հիմնանորոգված Վեհարանը շատերին կզարմացնի
Վանքի անվտանգությունը հսկող քահանան. տեր Հովհաննեսը փորձում է փրկել Դադիվանքը փլուզումից
Երբ թամադայի ձայնն աղոթքից բարձր է լսվում... հոգևորի և աշխարհիկի անհամատեղելի «միությունը»
թեգերը:
ընտանիք, Երիտասարդ, հարսանիք, Տավրոս, Սյունիքի մարզ, Հայաստան

Գլխավոր թեմաներ