18:04 16 հուլիսի 2020
Ուղիղ եթեր
  • USD483.64
  • GBP605.66
  • EUR550.33
  • RUB6.79
Հեղինակներ
Ստանալ կարճ հղումը
5 րոպե Դուլյանի հետ (185)
79060

Եկեք անկեղծ լինենք։ Քչերը գիտեն, որ «Strangers in the Night» հանրահայտ երգը, որը կատարում է Ֆրենկ Սինատրան, գրել է հայազգի Ավո Ուվեզյանը, որը կյանքից հեռացել է ուղիղ երեք տարի առաջ՝ 2017 թվականի մարտի 24-ին՝ 94 տարեկան հասակում։

 

«Ոչ, պարոն նախագահ, այդ Դուք եք իմ սիգարներից ծխում։ Ես Ավո Ուվեզյանն եմ»

Ուվեզյանը մի առիթով պատմել է. «Գրեցի այդ երգի երաժշտությունը: Նյու Յորքում մի ծանոթ ունեի, որը Ֆրենք Սինաթրայի ընկերն էր։ Տարավ, երգը ցույց տվեց հայտնի երգչին, նա էլ մի երեք հոգու հրավիրեց, որ բառերը գրեն, և այդպես մի գիշերում ծնվեց «Strangers in the Night» երգը… Ես հո միայն այդ երգը չեմ գրել, այնքան մեղեդիներ եմ հորինել, տանգոյի երաժշտություն եմ գրել, և, ի դեպ, արգենտինացիներն ինձ ասում են.

«Ափսոս` 100 տարեկան չեմ, թե չէ 100 շիշ հայկական կոնյակ կստանայի». Չերչիլ

«Ավո՛, դու միակ ոչ արգենտինացին ես, որն այդքան խորն է զգում տանգոյի ոգին»։ 

Ավոյի հայրը՝ երաժիշտ և կոմպոզիտոր Հակոբ Կույումջյանը, հասցրեց տեղափոխվել Թուրքիայից մինչև ցեղասպանությունը։ Ավոն ծնվեց Բեյրութում 1926 թվականին։ Երբ 16 տարեկան էր, հայրը մահացավ, բայց այդ ժամանակ Ավոն ընկերների հետ արդեն ստեղծել էր մի երաժշտական խումբ, որը կոչվում էր «Lebanon boys», այսինքն՝ «Լիբանանցի տղաներ», և կարողանում էր փող վաստակել մորն ու երկու քույրերին ապահովելու համար։ Նրանք նաևայլ երկրներում էին հանդես գալիս, նախ գնացին Բաղդադ, բայց ի վերջո պայմանագիր կնքեցին Թեհրանում գտնվող մի հյուրանոցի հետ, որտեղ էլ սկսեցին երգել։ 

Եվ բոյկոտը կոչվեց կապիտանի անունով

Այդ հյուրանոցը պատկանում էր Իրանի շահ Ռեզա Փեհլեվիին։ Մի անգամ հյուրանոցի կառավարիչը առաջարկեց տղաներին ելույթ ունենալ հենց շահի պալատում՝ օտարերկրյա հյուրերի համար կազմակերպված ընդունելության ժամանակ։ Երբ Ավոն դաշնամուրի մոտ նստած նվագում էր Գլեն Միլլերի երգերից մեկը, շահն ու հյուրերը սկսեցին պարել։ Հանկարծ Ավոն ընդհատեց երաժշտությունը, վեր կացավ ու ասաց.

«Ախր դուք սխալ եք պարում, այս երգի տակ այսպես չեն պարում, եկեք ձեզ ցույց տամ»։

Ներկաները կարկամեցին, ակնկալելով, որ շահը չի ների տղայի հանդգնությունը, բայց Ռեզա Փեհլեվին շատ սիրալիր վարվեց Ավոյի հետ և դրանից հետո անընդհատ հրավիրում էր նրան պալատ՝ նվագելու։ 

Շահին դուր էր գալիս նաև, որ տղան կարողանում էր բոլոր հյուրերի հետ իրենց լեզվով խոսել, որովհետև գիտեր հայերեն, անգլերեն, ֆրանսերեն, թուրքերեն, արաբերեն և պարսկերեն։ Երբ հյուրանոցի հետ կնքված պայմանագրի ժամկետն ավարտվեց, շահը Ավոյին հարցրեց.

«Բա հիմա ի՞նչ ես անելու»։

Ավոն էլ պատասխանեց, թե երազում է գնալ Ամերիկա երաժշտական գիտելիքները կատարելագործելու համար, բայց վիզա չունի։ Այդ խնդիրը շահը շատ արագ լուծեց և երկու շաբաթից Ավոն արդեն Նյու Յորքում էր։

Ի վերջո նա հիմնավորվեց Պուերտո Ռիկոյում, սկսեց նվագել տեղի ռեստորաններից մեկում։ Մի անգամ որոշեց սիգար վաճառել, տուփը դրեց հենց դաշնամուրի վրա, հաճախորդները մոտենում էին, սիգարի համար վճարում էին, հետո նորից էին գալիս, նորը վերցնում, որովհետև սիգարներն ընտիր էին։ Ու Ավոն հանկարծ հասկացավ, որ սիգարի բիզնեսը շատ ավելի եկամտաբեր է, քան դաշնամուր նվագելը։ Ահա նրա խոսքերը.

«Սիգարը օգնում է իմ գրպանին, երաժշտությունը՝ հոգուս»։ 

Ինչու է կնոջ միտքն ավելի մաքուր, քան տղամարդունը

Մի անգամ Պուերտո Ռիկոյում Ավո Ուվեզյանը հանդիպել է Միացյալ Նահանգների այն ժամանակվա նախագահ Ջորջ Բուշ ավագին։ Ինքն այդ հանդիպումն այսպես է նկարագրել. «Կանգնած էի մեր հյուրանոցի մուտքի մոտ, սիգար էի ծխում, մեկ էլ մի շքեղ ավտոմեքենա մոտեցավ, դոււռը բացվեց, դուրս եկավ նախագահը, կողքովս անցնելով, զգաց սիգարի բույրը, կանգ առավ ու ասաց.

«Տեսնում եմ՝ դուք իմ սիգարներից եք ծխում»։

Ես էլ պատասխանեցի.

«Ո՛չ, պարոն նախագահ, այդ Դո՛ւք եք իմ սիգարներից ծխում։ Ես Ավո Ուվեզյանն եմ»… 

թեմա:
5 րոպե Դուլյանի հետ (185)

Ըստ թեմայի

Պատմության դասերը. ինչու էին չեխերը ձու նետում նախագահի վրա
Բրիտանացիները հայերից պակաս դժգոհ չեն կյանքից
Ֆրանցիսկոս առաջինը 83 տարեկան է. նրան Հռոմի պապ է դարձրել անպատասխան սերը
թեգերը:
Եկեք անկեղծ լինենք, երաժշտություն, Արմեն Դուլյան, հայ

Գլխավոր թեմաներ