04:40 22 ապրիլի 2021
Ուղիղ եթեր
  • USD522.23
  • GBP727.62
  • EUR626.94
  • RUB6.79
Հեղինակներ
Ստանալ կարճ հղումը
5 րոպե Դուլյանի հետ (356)
20740

Եկեք անկեղծ լինենք։ Եթե մենք ասում ենք, որ վրա-վրա արտահերթ ընտրություններ ենք անցկացնում, ապա ի՞նչ ասեն Իսրայելի ընտրողները, որոնք այսօր քվեարկելու են գնալու վերջին երկու տարիների ընթացքում չորրորդ անգամ։

Նոր ընտրություններ՝ անվերջ ընտրող Իսրայելում

Ու վերլուծաբանների կանխատեսումը նույնն է՝ էլի Բենիամին Նեթանյահուի «Լիքուդ» կուսակցությունն ամենից շատ ձայն կհավաքի, էլի դա չի բավականացնի կառավարություն կազմելու համար, բայց էլի Նեթանյահուն կպահպանի վարչապետի աթոռը, մինչև հաջորդ ընտրություններ, որոնք հայտնի չէ, թե երբ են կայանալու։ Բայց հաստատ կայանալու են մոտ ժամանակներս, եթե Իսրայելը շարունակի զրկված մնալ կառավարությունից, ինչը նշանակում է, որ կաթվածահար վիճակում է մնալու նաև խորհրդարանը՝ Քնեսեթը։

Բայց ասեք խնդրեմ, արդյոք ձեզ համար նշանակություն կունենա՞ր ընտրությունների հաճախականությունը, եթե դուք բոլոր դեպքերում վարչապետ եք մնում, թեկուզ ձեր կառավարությունն էլ անընդհատ, տարիներ շարունակ կոչվում է ժամանակավոր կառավարություն։ Իսկ փաստն այն է, որ այժմ արդեն Բենյամին Նեթանյահուն Իսրայելի պատմության ընթացքում ամենաերկարակյաց վարչապետն է և այդ ցուցանիշով առաջ է անցել նույնիսկ Իսրայելի հիմնադիր Դավիդ Բեն Գուրիոնին։ Նեթանյահուն վարչապետի պաշտոնը զբաղեցնում է 2009 թվականից մինչև հիմա, բայց դրանից առաջ վարչապետ է եղել նաեւ 1996 թվականից մինչև 1999 թվականը։ Ինչպե՞ս առաջին անգամ հաղթեց ընտրություններում։ Ստի շնորհիվ։ Սա հետաքրքիր պատմություն է, որը մի երկու տարի առաջ հրապարակել է բրիտանական ԲիԲիՍի հեռուստառադիոընկերությունը։

1996 թվականի ընտրարշավը նոր էր սկսվել, բայց Բենիամին Նեթանյահուն արդեն խիստ ընկճված էր։ Ըստ բոլոր սոցիոլոգիական հարցումների` նա հետ էր մնում իր հիմնական մրցակցից՝ Շիմոն Պերեսից։ Այն էլ ինչպես էր հետ մնում՝ մոտ 20 տոկոսով։ Համաձայնե՛ք, նման տարբերությունը մի քանի շաբաթում հաղթահարելը գործնականում անհնար է։ Եվ Բիբին՝ այդպես են շատերը դեռ մանկուց անվանում Նեթանյահուին, որոշեց դիմել Ամերիկայում ապրող իսրայելցի քաղտեխնոլոգ Արթուր Ֆինկելշտեյնին։ Էստեղ մի փոքր շեղվեմ ու փաստեմ, որ եթե մեզ մոտ՝ Հայաստանում, մարդիկ լսելով «քաղտեխնոլոգ» բառը հիացմունքի նման մի բան են ապրում. «Օ՜, քաղտեխնոլոգ», ապա Արևմուտքում մի քիչ այդպես չէ։ Բոլորը գիտեն, որ առնվազն որոշ քաղտեխնոլոգներ, այո, կարող են ձեզ օգնել հաղթել ընտրություններում, բայց, ինչպես ասում են՝ ամեն գնով` չխորշելով որևէ միջոցից։

«Ընտրությունների թեման հասարակության ուշադրությունը շեղող կեղծ խայծ է». Արթուր Խաչատրյան 

Չգիտեմ, միգուցե մեզ մոտ էլ հայաստանցիներից շատերը հավանություն են տալիս նման վարքագծին, բայց երբ Նեթանյահուն զանգահարեց Ֆինկելշտեյնին, այդ քաղտեխնոլոգը խորհուրդ տվեց վարչապետության թեկնածուին ոչ թե ցույց տալ ընտրողներին սեփական դրական կողմերը, այլ պարզապես վարկաբեկել մրցակցին` ասելով. «Շիմոն Պերեսը երկու մասի կբաժանի Երուսաղեմը և մի կեսը կտա պաղեստինցիներին»։

ԲիԲիՍի-ի հեղինակը փաստում է, որ սա բացարձակ սուտ էր, Պերեսը երբեք նման բան չէր ասել։ Բայց  ընտրողներից շատերը հավատացին։ Համաձայնե՛ք, ուսանելի պատմություն է՝ վարչապետություն, որի հիմքում ընկած էր սուտը։

Անցած տարիներին վարչապետի հեղինակության վրա շատ քիչ ազդեց նաև այն հանգամանքը, որ նրան մոտ տասն անգամ կոռուպցիայի մեղադրանքներ ներկայացվեցին։ Նեթանյահուն անընդհատ հակադարձում էր՝ ախր ոչ մի անգամ չեք կարողացել ոչինչ ապացուցել։ Եվ գոնե այս դեպքում նա միանգամայն իրավացի է։ Նրա հակառակորդները չկարողացան օգտագործել նույնիսկ կորոնավիրուսի գործոնը։ Փաստն այն է, որ Իսրայելի իշխանությունները բավական  արդյունավետ են պայքարում հիվանդության դեմ, աշխարհի շատ-շատ զարգացած պետություններից ավելի արդյունավետ։ Եվ մինչ, օրինակ, Եվրոպայում չեն դադարում թեժ վիճաբանությունները, այսպես կոչված, պատվաստման անձնագրերի շուրջ, Իսրայելում արդեն շրջանառվում են կանաչ քարտերը, որոնցով կարելի է հանգիստ մտնել սրճարան կամ ռեստորան, վարսավիրանոց կամ ֆիթնես ակումբ։

Իհարկե, շատերը դժգոհ են Նեթանյահուի քաղաքականությունից։ Նույն ԲիԲիՍի-ն վկայակոչում է կին ակտիվիստ Յաել Կովշիլովսկուն, որն ասում է. «Ցույցերին մասնակցում եմ արդեն մեկ տարի, բողոքողներին միացա այն բանից հետո, երբ գիտակցեցի՝ տարիներով մենք տանջվում ենք, ստիպված ենք գոյատեւել խղճուկ աշխատավարձով, բնակարանների գները աճում են ու աճում… Բայց չեմ կարծում, թե այս ամենը կարելի է փոխել՝պաշտոնազրկելով մեկ մարդու, ողջ խորհրդարանական մեծամասնությանը պետք է քշել Քնեսեթից», - ասում է ակտիվիստը։

ԱՄՆ–ում էլ են Սահմանադրություն խախտում, կամ հայը կարո՞ղ է այնտեղ նախագահ ընտրվել

Բայց վերլուծաբանները կանխատեսում են՝ այսօրվա ընտրություններից հետո էլ Նեթանյահուն կպահպանի մեծամասնությունը, ուղղակի կրկին չի կարողանա լիարժեք կառավարություն ձևավորել։ Բայց համաձայնե՛ք` եթե շարունակի կատարել վարչապետի պարտականությունները, մնացածը նրա համար մեծ հոգ չէ։

թեմա:
5 րոպե Դուլյանի հետ (356)

Ըստ թեմայի

Ընդամենը երկու տառ, և կստանաք աշխարհի ամենատարածված բառը
«Գրին» քարտ չունեցանք, գոնե դեղին ստանանք
Որն է հոգեպես ավելի ազնիվ. թույլ տալ` մարդը տանջվի՞, թե՞ վերջին ներարկումն անել նրան
թեգերը:
Բինյամին Նեթանյահու, Վարչապետ, Ընտրություններ, Իսրայել

Գլխավոր թեմաներ