20:55 13 օգոստոսի 2020
Ուղիղ եթեր
  • USD485.17
  • GBP634.70
  • EUR574.15
  • RUB6.60
Մշակույթ
Ստանալ կարճ հղումը
Սպիտակի երկրաշարժ. 1988թ. (46)
48 0 0

1988 թվականին Հայաստանում տեղի ունեցած ողբերգական իրադարձությունների մասին պատմող «Երկրաշարժ» ֆիլմի պրեմիերաների օրերն արդեն հայտնի են

ԵՐԵՎԱՆ, 20 հունիսի — Sputnik. Հայաստանում 1988 թվականի դեկտեմբերի 7-ին տեղի ունեցած երկրաշարժի մասին պատմող և իրական իրադարձությունների հիման վրա նկարահանված «Երկրաշարժ» ֆիլմը, նախնական տվյալների համաձայն, Հայաստանում էկրան կբարձրանա նոյեմբերի 17-ին։

Մոսկովյան պրեմիերան նախատեսված է ավելի ուշ` դեկտեմբերի 1-ին։ Facebook սոցիալական ցանցի իր էջում այս մասին գրառում է արել ֆիլմի ռեժիսոր Սարիկ Անդրեասյանը։

Ինչպես ավելի վաղ Sputnik Արմենիայի թղթակցի հետ զրույցում պատմել էր ֆիլմի ռեժիսորը, նկարահանումների հիմնական մասն անցկացվել է Մոսկվայում, «քանի որ բարոյական տեսանկյունից այդպես ավելի ճիշտ էր», և միայն մի փոքր հատված է նկարահանվել Գյումրիում։

«Ամենածանր պահերը մենք ցանկանում էինք Մոսկվայում նկարահանել, որպեսզի դա չանեինք Հայաստանում և բնակչությանը ցավ չպատճառեինք, չէ՞ որ այդ իրադարձությունները դեռ թարմ են մարդկանց հիշողության մեջ, և շատերն են անցել դրա միջով։ Ֆիլմի հիմնական նկարահանումներն անցկացվել են լքված գործարանի տարածքում, որտեղ 50 հազար քմ տարածքի վրա կառուցվել էին ավերված Լենինականի դեկորացիաները։ Դերասանների մեծ մասը հայեր են։ Ընդ որում, գրեթե բոլորն այս կամ այն կերպ առնչվել են 1988 թվականի ողբերգությանը», — նշել էր Անդրեասյանը։

Սյուժեի կենտրոնում պատանի Ռոբերտն է, որի ծնողները զոհվել են սեփական տան փլատակների տակ. շենքը փլուզվել է շինարարների անփութության պատճառով։ Ողբերգության մեղավորը ռուս աշխղեկն է, որին դատարանը մեղավոր չի ճանաչում։ Իսկ Ռոբերտին սպասվում է անօթևանի համար սովորական ճակատագիրը` մանկատուն և բանտ։ Ռոբերտը երդվում է վրեժխնդիր լինել։ Հետագայում երկրաշարժի պատճառով երիտասարդը հայտնվում է ազատության մեջ և հանդիպում աշխղեկին։ Աղետի ֆոնին երիտասարդը ստիպված է լինում բարդ բարոյական ընտրություն կատարել։

1988 թվականի դեկտեմբերի 7-ին Հայաստանը ցնցած երկրաշարժի հետևանքով ավերվեցին Սպիտակը, Լենինականը, Կիրովականը, Ստեփանավանն ու ավելի քան 300 բնակավայր։ Երկրաշարժի զոհ դարձավ 25 հազար մարդ, 19 հազարը հաշմանդամ դարձավ, ավելի քան կես միլիոն մարդ զրկվեց տանիքից։

 

թեմա:
Սպիտակի երկրաշարժ. 1988թ. (46)

Գլխավոր թեմաներ