00:02 19 օգոստոսի 2017
Ուղիղ եթեր
Արամ Խաչատրյան. «Կանտատ` պատերազմի հերոսներին»  (1975 թ.), գրվել է Հունգարիայի նվագախմբի պատվերով։

Խաչատրյանի ստեղծած եզակի նմուշը վերադարձավ հայրենիք

© Sputnik/ Aram Nersesyan
Մշակույթ
Ստանալ կարճ հղումը
6010

Աշխարհահռչակ կոմպոզիտոր Արամ Խաչատրյանի կանտատը, որը եզակի ստեղծագործություն է՝ գրված Հունգարիայի նվագախմբի խնդրանքով, պատերազմում զոհված զինվորների հիշատակին, նվիրաբերվել է նրա անվան տուն-թանգարանին։

ԵՐԵՎԱՆ, 30 սեպտեմբերի — Sputnik. Արամ Խաչատրյանի տուն-թանգարանի և Տորոնտոյում «L'Atelie Grigorian» խանութ-սրահի համագործակցության շնորհիվ Հայաստանին նվիրաբերվեց մեծ կոմպոզիտորի՝ մինչ այժմ մեզ անհայտ մոնումենտալ ստեղծագործությունը։

Այդ մասին Sputnik Արմենիա մամուլի կենտրոնում հայտնեցին Արամ Խաչատրյանի տուն-թանգարանի տնօրեն Արմինե Գրիգորյանը և Տորոնտոյում «L'Atelie Grigorian» խանութ-սրահի հիմնադիր-տնօրեն Հարմիկ Գրիգորյանը (Կանադա)։

Հարմիկ Գրիգորյանն ասաց, որ իր ձեռք բերած եզակի նմուշը հետաքրքիր պատմություն ունի։ Կոմպոզիտորն այն ստեղծել է կյանքի վերջին տարիներին (1975 թ.) Հունգարիայի նվագախմբի պատվերով, կոչվում է «Կանտատ պատերազմի հերոսներին»։

Пресс-конференция, посвященная неизвестной кантате Хачатуряна. Армик Григорян
© Sputnik/ Aram Nersesyan
Տորոնտոյում «L"Atelie Grigorian» խանութ-սրահի հիմնադիր-տնօրեն Հարմիկ Գրիգորյանը (Կանադա)

 

 

Գրված է սիմֆոնիկ նվագախմբի՝ արական երգչախմբի, սոպրանոյի և ասմունքողի համար, հունգարացի Գաբոր անունով պոետի բառերի հիման վրա։ Կանտատը նվիրվել է երկրորդ համաշխարհային պատերազմի ավարտի 30-ամյակին։

Ինքը՝ Արամ Խաչատրյանը, սեփական ստեղծագործության մասին գրել է.

«Իմ կանտատը ես նվիրում եմ բոլոր նրանց, ովքեր ապրել են պատերազմի սարսափը։ Թեև արդեն 30 տարի է անցել այն օրվանից, այդուամենայնիվ մենք հիշում ենք այդ ողբերգությունը, որն ապրել են աշխարհի ժողովուրդները մեծ համաշխարհային հրդեհում։ Ես ցանկանում եմ, որ այդ սարսափը չկրկնվի»։

1978 թվականին ւանտատը ձայնագրել է HUNGAROTON ընկերությունը։

Արմինե Գրիգորյանը նշեց, որ Հարմիկ Գրիգորյանի շնորհիվ Արամ Խաչատրյանի տուն-թանգարանը ձեռք բերեց կոմպոզիտորի հրաշալի ստեղծագործություններից մեկը, որը մեզ անհայտ էր, իսկ Հունգարիայում՝ շատ հայտնի ու սիրված։

Հարմիկի ջանքերով Խաչատրյանի անվան եռյակն առաջիկայում ելույթ կունենա Տորոնտոյի ամենաշքեղ սրահներից մեկում։

Пресс-конференция, посвященная неизвестной кантате Хачатуряна. Армине Григорян
© Sputnik/ Aram Nersesyan
Արամ Խաչատրյանի տուն-թանգարանի տնօրեն Արմինե Գրիգորյանը

Դասական երաժշտության իր կենտրոնը Հարմիկ Գրիգորյանը հիմնադրել է 1980 թվականին, այն զբաղվում է CD-ների և DVD-ների վաճառքով, ինչպես նաև դասական երաժշտության տարածմամբ։

Կանադայի լավագույն գրադարաններն ու աշխարհի շատ երկրների հանրահայտ կազմակերպություններ գործակցում են հենց մեր հայրենակցի խանութ-սրահի հետ, քանի որ նրան հաջողվել է ստեղծել յուրահատուկ կենտրոն ու հավաքել լավագույնը համաշխարհային մեծության մարդկանց ստեղծագործություններից։

 

Արամ Խաչատրյանի անվան տուն-թանգարանի հետ համատեղ ծրագրերը շարունակելի բնույթ են կրում։

Գլխավոր թեմաներ