ԵՐԵՎԱՆ, 3 հոկտեմբերի — Sputnik, Մարիա Ավագյան. Ա. Սպենդիարյանի անվան օպերայի և բալետի ազգային ակադեմիական թատրոնում անցկացվեց Հայաստանի վաստակավոր արտիստ, պարուհի Ժակլին Սարխոշյանի հրաժեշտի երեկոն։
Հայաստանի մշակույթի նախարար Արմեն Ամիրյանը գերատեսչության կողմից «Ոսկե մեդալ» շնորհեց նրան` ասելով, որ «սա միայն 2016 թվականի խաղաշրջանի հրաժեշտի երեկոն է»։
Ցանկացած բաժանման մեջ կորստի ցավ կա, հատկապես նման անզուգական մենակատարի հետ, ինչպիսին Ժակլինն է։
Հանդիսատեսին ներկայացրած հայտնի պարտիաների հատվածները ցուցադրեցին հույզերի և զգացմունքների ողջ գամման, ծանր ու հուզիչ ուղին` համեստ «պա-դե-դե»-ներից մինչև մենակատարային պարտիաներ։ Ժակլինի բեմադրած «Երազ» բալետը (որին մասնակցում են Արմեն Մուրադյանը, Անդրանիկ Աբովյանը) մի նկարչուհու պատմություն է, որն իր իդեալի որոնումների ճանապարհին չի գնահատում այն, ինչ ունի։
Ժակլին Սարխոշյանը ծնվել է Երևանում։ Ավարտել է Երևանի պետական պարարվեստի քոլեջը։ Ա. Սպենդիարյանի անվան օպերայի և բալետի ազգային ակադեմիական թատրոնում է 1990 թվականից, 1997 թվականից դարձել է թատրոնի մենապարուհին։ Նրա խաղացանկը բազմազան է` Ժիզել («Ժիզել»), Կարմեն («Կարմեն»), Դեզդեմոնա («Օթելլո»), Նունե և Գայանե («Գայանե»), Փողոցային պարուհի, Ամուր («Դոն Կիխոտ»), Մաշա («Շելկունչիկ»), Ջուլիետա («Ռոմեո և Ջուլիետ»), Յոթերորդ վալսն ու Տասնմեկերորդ վալսը («Շոպենիանա»), Ֆրիգիա («Սպարտակ»)։
Հյուրախաղերով եղել է ԱՄՆ-ում, ԱՄԷ-ում, Իսպանիայում, Եգիպտոսում, Թուրքիայում, Սիրիայում, Բահրեյնում, Մոնակոյում և ԱՊՀ երկրներում։ 2010 թվականին արժանացել է «Մեսրոպ Մաշտոց» շքանշանի։
«Երազանք» ներկայացման պրեմիերան կայացել է 2012 թվականի նոյեմբերի 9-ին։ Ներկայացման բեմադրող ռեժիսորը Ժակլին Սարխոշյանն է։
