19:05 25 հուլիսի 2021
Ուղիղ եթեր
  • USD483.42
  • GBP664.12
  • EUR568.89
  • RUB6.57
Մշակույթ
Ստանալ կարճ հղումը
24920

Հոկտեբերի 18-ին տեղի կունենա Նաիրի Հոխիկյանի «Արևը ցեխով չես ծածկի» ֆիլմի շնորհանդեսը։ Այն պատմություն է Արևմտյան Հայաստանի, որն այժմ Թուրքիայի տարածքում է, մասին։ Հայոց ցեղասպանության ու հայերի մասին խոսում են թուրք գործիչները։

ԵՐԵՎԱՆ, 13 հոկտեմբերի — Sputnik. Լրագրող, ռեժիսոր Նաիրի Հոխիկյանն իր «Վերադարձի ժամանակը» փաստավավերագրական ֆիլմաշարի 6-րդ մասում ներկայացնում է «Արևը ցեխով չես ծածկի» ֆիլմը։

Sputnik Արմենիա մամուլի կենտրոնում Նաիրի Հոխիկյանը հայտնեց, որ ֆիլմը յուրօրինակ է նրանով, որ Հայոց ցեղասպանության ու հայերի մասին խոսում են ոչ թե հայերը կամ երրորդ կողմը, այլ հենց թուրքերն ու քրդերը, որոնք անմիջական հետնորդներն են ցեղասպանություն իրականացնողների։

«Արևը ցեխով չես ծածկի» արտահայտությունը թուրքական ասույթի թարգմանությունն է, նկատի ունի՝ ճշմարտությունը կոծկել չես կարող։

Թուրքիայում հեղինակություն ու հարգանք վայելող երկու տասնյակից ավելի թուրք և քուրդ, որոնց մեջ քաղաքական ու հասարակական գործիչներ կան, մտավորականներ, բժիշկներ, խոստովանում են Հայոց ցեղասպանության մեջ թուրքական պետության մեղքը, խոսում հատուցման իրենց տարբերակների մասին։

Նկարահանումները կատարվել են Հայաստանում, Թուրքիայի տարբեր շրջաններում, առանձնապես՝ Արևմտյան Հայաստանում։

Տարածաշրջանային հարցերի փորձագետ Սարգիս Հացպանյանը շատ բարձր գնահատեց Նաիրի Հոխիկյանի գործունեությունը՝ Թուրքիայի տարածքում ապրող ծպտյալ հայերին արմատներին վերադարձնելու առումով։

Որպես Արևմտյան Հայաստանում ծնված և մեծացած մարդ, ունենալով լայն կապեր, Սարգիս Հացպանյանը նպաստել է ֆիլմում թուրք և քուրդ գործիչների ներգրավմանը։

Ոչ միայն «Արևը ցեխով չես ծածկի» ֆիլմի, այլև «Վերադարձի ժամանակը» ֆիլմաշարի մյուս նկարահանումների ժամանակ Նաիրի Հոխիկյանին աջակցում է նաև կանադահայ հասարակական գործիչ Վազգեն Գալջեանը։

Նա հուզմունքով արտահայտվեց ծպտյալ հայերի մասին, նշելով, որ անհրաժեշտ է նրանց հայերեն սովորեցնել, աջակցել, որպեսզի ամուր կառչեն արմատներից։

Նաիրի Հոխիկյանը շեշտեց, որ ֆիլմն ատելություն չի սերմանում թուրքերի և քրդերի նկատմամբ, հակառակը, երկխոսության է մղում ժողովուրդներին, կոչ անում ընդունել պատմական ճշմարտությունը, սիրով ու հարգանքով վերաբերվել միմյանց։

Հայերի թիվը Թուրքիայում ոչ պաշտոնական տվյալներով մոտ ութ միլիոնի է հասնում, նրանցից 4,5 միլիոնը պահպանել են ազգային ինքնությունը։ Նրանց հայ մնալուն նպաստելու նպատակով ՆաիրիՀոխիկյանի և նրա գործընկերների նկարահանած «Վերադարձի ժամանակը» փաստավավերագրական ֆիլմաշարը հայրենանվեր ու շատ արժեքավոր աշխշատանք է։

Ստորև ներկայացնում ենք «Արևը ցեխով չես ծածկի» ֆիլմի թրեյլերը։

Գլխավոր թեմաներ