11:22 19 օգոստոսի 2017
Ուղիղ եթեր
Юбилей оперы Аида на армянской сцене

Վերդիի գլուխգործոց «Աիդան». 75 տարի հայկական բեմում

© Sputnik/ Мария Авакян
Մշակույթ
Ստանալ կարճ հղումը
14 0 0

Վերդիի լավագույն և սիրված ստեղծագործություններից մեկը համարվող «Աիդա» օպերան առաջին անգամ Հայաստանում բեմադրվել է 1941 թվականին:

Մարիա Ավագյան, Sputnik.

Այս տարի լրանում է հայկական բեմում «Աիդայի» բեմադրման 75-ամյակը: Աշխարհի խոշորագույն օպերային թատրոնների խաղացանկում ընդգրկված օպերայի առաջնախաղը կայացել է 1871 թ. դեկտեմբերի 24-ին Կահիրեում: Երևանի ազգային ակադեմիական օպերային թատրոնում բեմադրվել է 1941 թ.-ին:

Օպերան հատուկ գրվել է Սուեզի ջրանցքի բացման առթիվ՝ Եգիպտոսի կառավարության պատվերով։ Իտալերեն լիբրետտոն Անտոնիո Գիսլանցոնիի ըստ Օգյուստ Մարիետի սցենարի։ Օպերայի գործողությունները տեղի են ունենում Հին Եգիպտոսում փարավոնների տիրապետության ժամանակ։ Օպերայում պատմվում է եգիպտական զորավար Ռադամեսի և եթովպացի ստրկուհի Աիդայի դժբախտ սիրո մասին։

Երևանի ազգային ակադեմիական օպերային թատրոնում երկարատև բացակայությունից հետո «Աիդան» ներկայացվեց 2010 թվականի դեկտեմբերին: Ներկայացմանն ավելի քան 300 կատարող է ներգրավված:

Այս տարի օպերայի հոբելյանի կապակցությամբ ներկայացումից առաջ թատրոնն անակնկալ էր պատրաստել հանդիսատեսի համար և այն կոչել էր ««Աիդա» օպերայի հետքերով»:

  • Կոնստանտին Սիմոնյան
    Կոնստանտին Սիմոնյան
    © Sputnik/ Мария Авакян
  • «Աիդան» 75 տարի է՝ հայկական բեմում է
    «Աիդան» 75 տարի է՝ հայկական բեմում է
    Мария Авакян
  • Օպերային հայտնի երգիչ Կոնստանտին Սիմոնյանը
    Օպերային հայտնի երգիչ Կոնստանտին Սիմոնյանը
    © Sputnik/ Мария Авакян
1 / 3
© Sputnik/ Мария Авакян
Կոնստանտին Սիմոնյան

Բոլոր նրանք, ովքեր ներկայացման տոմս էին գնել կամ գրանցվել էին նախապես, կարող էին Հայաստանի վաստակավոր արտիստ, օպերային հայտնի երգիչ Կոնստանտին Սիմոնյանի հետ ճանապարհորդել օպերայի պատմության հետքերով:

Էքսկուրսիայի ընթացքում հանդիսատեսը հնարավորություն ուներ ծանոթանալու օպերայի ստեղծման պատմությանը, տեսնելու տարբեր ներկայացումների բեմական զգեստները, լուսանկարվելու և ներկա լինելու հետնաբեմի աշխատանքներին:

Գլխավոր թեմաներ