13:40 20 օգոստոսի 2017
Ուղիղ եթեր
Սանկտ Պետերբուրգի №10 Գրադարան-մասնաճյուղ

Յոթ օր, յոթ գիշեր. Սանկտ Պետերբուրգում «հայկական հարսանիք» կանցկացնեն

Архив Ксеньи Бродацкой
Մշակույթ
Ստանալ կարճ հղումը
18 0 0

Նոյեմբերի 14-ից 19-ը Սանկտ Պետերբուրգում հայկական մշակույթի շաբաթ է անցկացվում։ Ռուսաստանի հյուսիսային մայրաքաղաքի բնակիչները կկարողանան ծանոթանալ Հայաստանի մշակույթին, պատմությանն ու արվեստին։

ԵՐԵՎԱՆ, 14 նոյեմբերի — Sputnik. Նոյեմբերի 14-ից 19-ը Սանկտ Պետերբուրգի №10 Գրադարան-մասնաճյուղում հայկական մշակույթի շաբաթ է անցկացվում։ Գրադարանի վարիչ Քսենիա Բրոդացկայան Sputnik Արմենիային է ներկայացրել միջոցառման մանրամասները։

«Մեր գրադարանում կրկին մեկնարկում է հայկական մշակույթի շաբաթը։ Հրավիրում ենք բոլորին միանալ մեր ընդհանուր տոնին, մասնակցել միջոցառումներին, որոնց ընթացքում մենք կխոսենք Հայաստանի ազգային առանձնահատկությունների, պատմության և մշակութային հարստության մասին», — ասաց Բրոդացկայան։

Նրա խոսքով` գրադարանում կանցկացվեն թեմատիկ ցուցահանդեսներ, ցուցանմուշներն այցելուներին կներկայացնեն հնագույն երկրի պատմությունը, ինքնատիպ մշակույթը, արվեստը, գիտությունը, բազմադարյա ավանդույթներն ու հայ ժողովրդի հայտնի զավակներին։

  • Քսենիա Բրոդացկայան Մատենադարանի մոտ
    Քսենիա Բրոդացկայան Մատենադարանի մոտ
    Архив Ксеньи Бродацкой
  • Օլգա Վիկտորովնան, Առաքելյան Դանիելը, Ալենն ու մյուսները
    Օլգա Վիկտորովնան, Առաքելյան Դանիելը, Ալենն ու մյուսները
    Архив Ксеньи Бродацкой
  • Քսենիա Բրոդացկայան Երևանում
    Քսենիա Բրոդացկայան Երևանում
    © Sputnik/ Архив Ксеньи Бродацкой
1 / 3
Архив Ксеньи Бродацкой
Քսենիա Բրոդացկայան Մատենադարանի մոտ

«Հայաստանը սիրելու, հասկանալու և զգալու համար հասունանալ է պետք։ Նռան հատիկների պես։ Ես Ռուսաստանի նվիրյալ եմ, և ինձ նման մեկի համար ժամանակ էր պետք, որպեսզի կարողանայի իմ միջով անցկացնել մեկ այլ երկրի պատմությունն ու մշակույթը, սիրեի այն ամբողջ սրտով, այնպես, որ նրա հանդեպ ունեցած սերը կրկնապատկվեր Հայրենիքի նկատմամբ ունեցած սիրով։ Ես հասունացա, և հիմա ես սիրում եմ… երկու երկիր…», — նշեց Բրոդացկայան։

Գրադարանի աշխատակիցները սպասում են այցելուների արձագանքին և առաջարկներին։ Սանկտ Պետերբուրգում անցկացվող հայկական մշակույթի շաբաթվա շրջանակում կկայանան «Հայաստանի խոսող տառերը» ազգային մշակույթների փառատոնը, «Հայաստանի նվիրյալները», «Հայկական հոգու մեղեդին» համերգը, «Հայաստանի հնագույն հանելուկներն ու հոգևոր արժեքները» շնորհանդեսը։

Այցելուները կկարողանան Հայաստանի ժողովրդական ավանդույթներին նվիրված էլեկտրոնային ցուցադրություններ դիտել, դրանցից մեկն էլ կվերաբերի հայկական հարսանիքի ավանդույթին։

Նոյեմբերի 14-19-ն այցելուները հնարավորություն կունենան ծանոթանալու «Հայաստան` իմ հոգի» էլեկտրոնային ցուցադրությանը, որը նվիրված է Հայաստանի մշակույթին և պատմությանը։ Ցուցադրության շնորհիվ այցելուները կկարողանան վիրտուալ ճանապարհորդություն կատարել մեր զարմանահրաշ երկրով։

Գլխավոր թեմաներ