06:42 21 օգոստոսի 2017
Ուղիղ եթեր
Խաչքարեր

Հայկական խաչքարերը Վանի թանգարանում անհասցե կմնան

Milliyet
Մշակույթ
Ստանալ կարճ հղումը
17 0 0

Վանա լճի խորքում հայկական պատմական արժեքներ դեռ էլի կան: Այս մասին Sputnik Արմենիային հայտնել է Հայկական ճարտարապետությունն ուսումնասիրող հիմնադրամի նախագահ Սամվել Կարապետյանը՝ նշելով, որ ջուրն առայժմ դրանց համար լավագույն պահապանն է:

ԵՐԵՎԱՆ, 23 նոյեմբերի — Sputnik. Հայկական պատմական ու մշակութային արժեքների համար ջուրը, թերևս, լավագույն պահապանն է: Sputnik Արմենիայի հետ զրույցում նման կարծիք հայտնեց Հայկական ճարտարապետությունն ուսումնասիրող հիմնադրամի նախագահ Սամվել Կարապետյանը:

«Գանձախույզները, որոնք ցամաքում գտնվող բոլոր հուշարձանները տակնուվրա են անում, ջրի տակ չեն կարողանում նույնն անել: Ջրի մակարդակի բարձրացումը պարզապես փրկություն է բազմաթիվ հնավայրերի համար»,- ասաց նա:

Ինչ վերաբերում է Վանա լճում օրերս հայտնաբերված ու ջրից դուրս բերված հայկական խաչքարերին, որոնք պետք է հանձնվեն Վանի թանգարան, Սամվել Կարապետյանը ցավով նշեց, որ այստեղ պահվող նմուշները հստակ հասցե չունեն:

«Թանգարանի աշխատակիցներից որևէ մեկը չկարողացավ մեզ որևէ քարի ճիշտ հասցեն ասել, թե որտեղից է բերվել: Ամեն քար իր ծննդավայրն ունի, այդ վայրի պատմության մասն է կազմում և կարևոր է հենց այն վայրի համար, որտեղ ստեղծվել է»,- ասաց Սամվել Կարապետյանը՝ ցավով նշելով, որ նոր հայտնաբերված նմուշներն այստեղ ևս հավուր պատշաճի չեն գրանցվի:

Սամվել Կարապետյանը նշեց, որ ներկայում Վանա լճի ջրերը թաքցնում են Արճեշ և Խլաթ քաղաքների ու ջրածածկ եղած հայկական մի քանի գյուղերի հնագույն գերեզմանոցները:

Գլխավոր թեմաներ