00:23 23 հունիսի 2017
Ուղիղ եթեր
Տիգրան Օհանյան

Հեղինակավոր մրցույթից Տիգրան Օհանյանը վերադարձել է «Գրան պրի» մրցանակով

© mincult
Մշակույթ
Ստանալ կարճ հղումը
8 0 0

Սպենդիարյանի անվան օպերայի և բալետի ազգային ակադեմիական թատրոնի` երիտասարդական օպերային ծրագրի մասնակից Տիգրան Օհանյանը Մինսկում կայացած միջազգային մրցույթից վերադարձել է գլխավոր մրցանակով:

ԵՐԵՎԱՆ, 22 եկտեմբերի — Sputnik. Դեկտեմբերի 7-13-ը Բելառուսի մայրաքաղաք Մինսկում կայացել է Մեներգիչների միջազգային Սուրբծննդյան 3-րդ մրցույթը: Այս մասին հայտնում է ՀՀ մշակույթի նախարարության մամուլի ծառայությունը:

ՀՀ մշակույթի նախարարության և «Երիտասարդ տաղանդների աջակցության» հիմնադրամի աջակցությամբ այս հեղինակավոր ստուգատեսին Հայաստանը ներկայացրել են Ալեքսանդր Սպենդիարյանի անվան օպերայի և բալետի ազգային ակադեմիական թատրոնի` երիտասարդական օպերային ծրագրի մասնակիցներ Լուսինե Մակարյանը և Տիգրան Օհանյանը:

16 երկրի 120 վոկալիստների մասնակցությամբ հեղինակավոր մրցույթում հաղթող է ճանաչվել և «Գրան պրի» մրցանակի արժանացել Տիգրան Օհանյանը (տենոր):

Լուսինե Մակարյանն արժանացել է Պատվո դիպլոմի, իսկ նվագակցող, Ա. Սպենդիարյանի անվան օպերայի և բալետի ազգային ակադեմիական թատրոնի` երիտասարդական օպերային ծրագրի ղեկավար Լևոն Ջավադյանը` «Լավագույն կոնցերտմայստեր» մրցանակի:

 

Գլխավոր թեմաներ