ԵՐԵՎԱՆ, 4 հունվարի — Sputnik. «Դրեզդեն» պատկերասրահում բացված ցուցահանդեսում ներկայացված են հայ և վրացի վարպետների աշխատանքները: Sputnik Գրուզիայի թղթակիցը շփվել է պատկերասրահի կազմակերպիչների ու այցելուների հետ:
«Ցուցադրության անվանման մեջ մենք օգտագործել ենք Թբիլիսիի և Երևանի հին անունները (մինչև 1936թ.), քանի որ ներկայացված վարպետների մեծամասնությունն ապրել է այդ ժամանակ: Ինչու՞ հենց Հայաստանը և Վրաստանը: Բանն այն է, որ Թիֆլիսը եղել է Անդրկովկասի մշակութային մայրաքաղաքը, ուր ժամանել են շատ տաղանդավոր նկարիչներ և պոետներ, և նրանց շարքում նաև հայեր են եղել: Բացի այդ, որոշ նկարիչների դեպքում դժվար է միայն մեկ երկրի մասին խոսել, քանի որ նրանցից շատերը ծնվել և մեծացել են Վրաստանում, մյուսները տեղափոխվել են Թիֆլիս, որպեսզի անմիջականորեն զբաղվեն արվեստով», — ասել է ցուցահանդեսի համադրող, SarGallery-ի ղեկավար Տիգրան Մարգարյանը:
Իսկապես բարդ է տարբերել հայ և վրացի նկարիչների արվեստը: Երկու երկրների ներկայացուցիչներին էլ բնորոշ են վառ և հագեցած գույները, լեռնային և ծովային տեսարանները, ծաղիկների և հին քաղաքի հարմարավետ բակերի պատկերները: Տիգրան Մեհրաբյանի խոսքով՝ մռայլ և հոռետեսական աշխատանքներ գրեթե չկան:
Ցուցահանդեսում ներկայացված առանցքային նկարիչներից մեկը Մարտիրոս Սարյանն է, որին հայ գեղարվեստի վարպետ են անվանում, ինչպես նաև՝ Վարդգես Սուրենյանցը, որի նկարները ցուցադրված են աշխարհի բոլոր թանգարաններում: Ցուցահանդեսում մի մի արտասովոր աշխատանք կա, որը պատրաստվել է ներկապնակի վրա: Պատկերված է Սուրենյանցի աշակերտուհին՝ ամուսնացած մի կին, որին սիրահարված է եղել նկարիչը: Ցուցահանդեսում ներկայացված է նաև Սերգեյ Փարաջանովն իր ճեպանկարներով, որոնք նկարել է 70-ականներին բանտում: Թեև էսքիզները ռեալիստական ոճով չեն արվել, բայց եթե այդ կերպարներին փողոցում հանդիպես, անպայման կճանաչես:
Ռուսաստանի նկարիչների միության անդամ Տատյանա Գոդովալնիկովան չի թաքցրել, որ իրեն անչափ տպավորել են Մարտիրոս Սարյանի գործերը, քանի որ նրա կտավները հազվադեպ են ներկայացվում ցուցահանդեսներում:Կազմակերպիչները չեն սահմանափակվել են երկու քաղաքով և հանրությանն են ներկայացրել նաև ֆրանսիացի նկարիչներ Ժան Ժանսեմի (Հովհաննես Սեմերջյան) և Ժան Գառուի (Գառնիկ Զուլումյան) նկարները: Այդ վարպետները մեծացել են Ֆրանսիայում և այնտեղ կայացել որպես նկարիչներ, սակայն ոմանք գիտեն, որ նրանք ազգությամբ հայ են: Նրանց կտավները տարբերվում են թբիլիսյան նկարիչների աշխատանքներից: Նրանք հիմնականում նկարել են խառը տեխնիկայով՝ ջրաներկ և տուշ օգտագործելով: Ժան Գառզուի մոտ գերիշխում են փարիզյան բնապատկերները, իսկ Ժանսեմի մոտ՝ կանանց սիլուետները:
«Դրեզդեն» պատկերասրահում «Թիֆլիս-Էրիվան» ցուցահանդեսը կտևի մինչև հունվարի 15-ը:
Նյութի ռուսերեն տարբերակը
