ԵՐԵՎԱՆ, 11 հունվարի — Sputnik. «Հայ և հրեա աշխարհների ձայները» մշակութային երեկոն կկայանա հունվարի 22-ին Վենետիկի Բենեդետո Մարչելայի անվան կոնսերվատորիայում, միջոցառմանը կմասնակցեն հայկական և հրեական ծագում ունեցող մշակութային գործիչները։ Այս մասին գրված է Discover Armenia կայքում։
Հրեական կողմից ելույթ կունենա լրագրող ու պատմաբան, «Նամակ Հիտլերին» էսսեի հեղինակ Գաբրիել Նիսիմը, հայկական կողմից ՝ «Արտույտը» ստեղծագործության հեղինակ Անտոնիա Արսլանը։
«Նախագիծը ծնվել է հայկական ու հրեական մշակութային աշխարհների ձայների երկխոսություն ստեղծելու մտահղացումից», — գրված է միջոցառման ծանուցման մեջ։
Կլինեն քննարկումներ, կներկայացվեն երաժշտական համարներ, որոնք միջոցով կազմակերպիչները կփորձեն փոխանցել երկու աշխարհների մթնոլորտը։ Ռուբեն Վիտալին հրեական կլեզմեր կնվագի կլարնետով, իսկ երաժիշտ Կլաուդիո Ֆանտոն հայկական կոմպոզիցիա կկատարի դուդուկով` «նոտաներից և զգացմունքներից հիշողություն» վերստեղծելով։
Նյութի ռուսերեն տարբերակը
