ԵՐԵՎԱՆ, 29 հունվարի — Sputnik. Կարեն Հովհաննիսյանը, «Ոսկե արծիվը» ստանալիս, խոսել է իր մրցանակի մասին:
«Երբ հայրս իմացավ, որ առաջադրվել եմ մրցանակի, հարցրեց, թե ինչ անուն ունի մրցանակը: Երբ պատասխանեցի՝ «Ոսկե արծիվ», ասաց՝ դե, յուրաքանչյուր հայ պետք է իր սեփական արծիվն ունենա»,- մրցանակը ստանալիս ասաց ռեժիսորը:
«Հեռուստատեսությունում տղամարդու լավագույն դեր» անվանակարգում լավագույնը ճանաչված Կոնստանտին Լավրովենկոն («Կլիմ») էլ մրցանակը ստանալիս հայտնեց, որ անչափ հաճելի է «Ոսկե արծիվ» ստանալը:
«Կարեն, հայրիկիդ փոխանցիր, որ դու հիմա, ինչպես իսկական հայ, երկու «Արծիվ» ունես, հաստատ եմ ասում: Շնորհակալություն բոլորին: Սեր ու խաղաղություն եմ մաղթում»,- ասաց դերասանը:
Հեռուստանովելների աշխարհի գլխավոր իրադարձություն ճանաչվեց Սերգեյ Ուրսուլյակի «Խաղաղ Դոնը»: Ոչ խաղարակային ժանրում լավագույնը համարեցին «Արյունոտ ժանիքներ» ֆիլմը, որի հեղինակները ցույց են տվել, թե Հնդկաստանում ինչ գազանությամբ են վարվում փղերի հետ՝ գեղեցիկ, բայց անպիտան զարդեր ստանալու համար:
