15:46 24 մայիսի 2017
Ուղիղ եթեր
Երևանի պատմության թանգարան

Երևանի համայնքային թանգարանները izi.TRAVEL հարթակում

© Sputnik/ Karen Yepremyan
Մշակույթ
Ստանալ կարճ հղումը
1510

Եռալեզու աուդիոգիդ ծրագիրը հասանելի է ինչպես համաքաղաքացիների, այնպես էլ զբոսաշրջիկների համար։

ԵՐԵՎԱՆ, 18 մայիսի — Sputnik. Երևանի քաղաքապետարանի տուրիզմի բաժնի նախաձեռնությամբ Երևանի քաղաքապետարանի ենթակայությամբ գործող թանգարանները, ինչպես նաև Երևանի կենդանաբանական այգին այսուհետև izi.TRAVEL հարթակում կունենան եռալեզու աուդիոգիդ ծրագիրը:

Յուրօրինակ հավելվածում ներկայացված են աշխարհի տարբեր երկրների 4000-ից ավելի թանգարանային և քաղաքային աուդիոտուրեր:

Հավելվածը գործում է անվճար և հնարավորություն է տալիս նաև ներբեռնել աուդիոտուրը բջջային հեռախոսների և այլ սարքավորումների մեջ: Հավելվածի օգտագործումը կարևոր և գրավիչ է հատկապես անհատ զբոսաշրջիկների համար:

Այս ծրագրի ներմուծումը Թանգարանների միջազգային օրվան և «Թանգարանների գիշեր» միջոցառմանն ընդառաջ հրաշալի առիթ է ինչպես զբոսաշրջիկների, այնպես էլ մեր համաքաղաքացիների համար ծանոթանալու թանգարանների պատմությանը, ցուցադրվող նմուշներին և ինքնուրույն կազմակերպելու աուդիոտուր քաղաքի մի շարք տեսարժան վայրերում:

«Թանգարանները կարևոր, նույնիսկ առանցքային դեր են կատարում քաղաքային տուրիզմի զարգացման գործում: Յուրաքանչյուր զբոսաշրջիկ ծանոթանում է քաղաքի պատմությանը և մշակույթին նախևառաջ թանգարանների միջոցով: Ներկայում զբոսաշրջիկների համար մշակված բազմաթիվ հավելվածների օգտագործումը լայն տարածում է ստացել աշխարհի շատ երկրներում: Հաշվի առնելով այդ փաստը՝ Թանգարանների միջազգային օրվա առթիվ նախաձեռնեցինք համայնքային թանգարանների մասին եռալեզու տեղեկատվությամբ աուդիոգիդ ծրագրի մշակում և ներդրում iziTRAVEL հարթակում»,- նշել է Երևանի քաղաքապետարանի տուրիզմի բաժնի պետ Գևորգ Օրբելյանը:

Այսօրվանից արդեն այս ծառայությունը հասանելի է ինչպես համաքաղաքացիների, այնպես էլ զբոսաշրջիկների համար:

Գլխավոր թեմաներ