04:02 20 օգոստոսի 2017
Ուղիղ եթեր
«Անուշ» օպերա

Խաչատրյանի 13 թիվը. Երևանում վոկալիստների միջազգային մրցույթ կանցկացվի

© Sputnik/ Asatur Yesayants
Մշակույթ
Ստանալ կարճ հղումը
3110

Արամ Խաչատրյանի 13-րդ միջազգային մրցույթն այս տարի կանցկացվի մեծ թափով։ Միջոցառումը Երևանում կհամախմբի երիտասարդ օպերային երգիչների աշխարհի տարբեր ծայրերից։

ԵՐԵՎԱՆ, 19 մայիսի — Sputnik, Լաուրա Սարգսյան. Խաչատրյանական մրցույթն առաջին անգամ կանցկացվի վոկալ մասնագիտությամբ։ Միջոցառման կազմակերպիչներին բոլորովին չի մտահոգում 13 թիվը. նրանց համար բոլորովին էլ դժբախտ թիվ չէ։

«Մենք սնահավատ չենք և կարծում ենք, որ պետք է շատ աշխատել, և որևէ թիվ չի կարող խանգարել»,- Sputnik Արմենիայի թղթակցի հետ զրույցում ասաց «Արամ Խաչատրյան-մրցույթ» մշակութային հիմնադրամի տնօրեն Աննա Տեր-Հովակիմյանը։

Տարեցտարի մեծ թափ հավաքող մրցույթն այս տարի կունենա 43 մասնակից` 13 երկրից։

Ժյուրիի կազմում հայտնի երաժիշտներ են ընդգրկվել, որոնց թվում են նաև օպերային երգիչներ Գևորգ Հակոբյանն ու Իզաբել Բայրաքդարյանը։ Ժյուրին կղեկավարի Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար Կոնստանտին Օրբելյանը։

Մասնակիցների համար նույն չափորոշիչն է գործելու` արհեստավարժությունը։ Մրցույթի առաջին փուլում նրանք կկատարեն Կոմիտասի ստեղծագործությունները, երկրորդում` հայ կոմպոզիտորների ռոմանսները, երրորդում` Չուխաջյանի «Արշակ 2-րդ» օպերայի արիաները (իտալերեն)։

«Շատերը զարմանում են` ինչու է նման մրցույթ անցկացվում։ Հարցն այն է, որ Խաչատրյանի անվան մրցույթն օգտագործելով որպես ապրանքանիշ` մենք կարող ենք աշխարհին ներկայացնել հայկական կոմպոզիտորական արվեստը»,- ասաց Տեր-Հովակիմյանը։

Директор Государственного молодежного оркестра Армении Анна Тер-Овакимян
© Sputnik/ Asatur Yesayants
Աննա Տեր Հովակիմյան

Նրա խոսքով` երաժշտությունն ազգություն չունի, և հետաքրքիր է հետևել, թե ինչպես են նույն ստեղծագործությունը կատարում հայը, իտալացին և մյուսները։

Հիմնադրամի տնօրենը մեծ պատիվ է համարում, երբ Խաչատրյանի անվան մրցույթի հաղթողները հետագայում ելույթ են ունենում հայտնի մարդկանց հետ (օրինակ` Վալերի Գերգիևի) կամ էլ հաղթում են Չայկովսկու անվան մրցույթում։

Այս տարի միջոցառման հյուրերի թվում կլինեն նաև Մետոպոլիտեն-օպերայի, Հյուսթոնի օպերայի ներկայացուցիչները, ինչը Հայաստանի ներուժը ևս մեկ անգամ աշխարհին ցուցադրելու հնարավորություն կտա։

Մրցույթն ամեն տարի անցկացվում է հունիսի 6-ին` մեծագույն կոմպոզիտորի ծննդյան օրը։

Խաչատրյանի միջազգային մրցույթն անցկացվում է ՀՀ նախագահի տիկին Ռիտա Սարգսյանի բարձր հովանու ներքո։ Մրցույթը կյանքի է կոչվում ՀՀ մշակույթի նախարարության, «Արամ Խաչատրյան մրցույթ» մշակութային հիմնադրամի և Երևանի Կոմիտասի անվան պետական կոնսերվատորիայի համատեղ ջանքերի արդյունքում։ Մրցույթի պաշտոնական նվագախումբն է Հայաստանի պետական երիտասարդական նվագախումբը։

Русская версия

Գլխավոր թեմաներ

  • Անտոն Մելնիկով

    Եկատերինբուրգի բնակիչ Անտոն Մելնիկովը Հայաստանի ու հայկական մշակույթի մեծագույն երկրպագուներից է։ Այս տարի նա առաջին անգամ է եկել մեր երկիր և եղել այն վայրերում, որոնց մասին միայն գրքերում էր կարդացել։ Անտոնը հայերեն է սովորում ու ծրագրում է տեղափոխվել Երևան։

    16
  • ԵՐԵՎԱՆՈՒՄ ԿԱՅԱՑԱՎ ԳԱՐԵՋՐԻ ՉՈՐՐՈՐԴ ՓԱՌԱՏՈՆԸ

    Երևանի կենտրոնում այսօր մարդիկ շրջում են ալկոհոլային խմիչքով լցված բաժակներով։ Հայաստանի մայրաքաղաքում գարեջրի տոն է։

    32
  • Սոնա Շահգելդյանի շունը

    Կենդանիների իրավունքների պաշտպանների և կենդանասերների նախաձեռնությամբ 15 տարի առաջ օրացույցի վրա օգոստոսի 19-ն ամրագրվեց որպես «Անօթևան կենդանիների միջազգային օր»: Երգչուհի Սոնա Շահգելդյանը և դերասանուհի Տաթև Հովակիմյանը պատմում են իրենց չորքոտանի ընկերների, ինչպես նաև անօթևան կենդանիների հանդեպ հասարակական վերաբերմունքի մասին:

    25