10:15 24 հոկտեմբերի 2018
Ուղիղ եթեր
  • USD484.35
  • GBP629.32
  • EUR556.13
  • RUB7.42
«Ոսկե ծիրան»

«Ոսկե ծիրան». օր 3-րդ

© Sputnik / Asatur Yesayants
Մշակույթ
Ստանալ կարճ հղումը
80 0 0

Երևանում անցկացվող «Ոսկե ծիրան» միջազգային կիոփառատոնի երրորդ օրը նշանավորվեց փառատոնային ֆիլմերի ցուցադրությամբ և կինոռեժիսորների վարպետության դասերով:

ԵՐԵՎԱՆ, 11 հուլիսի — Sputnik. «Ոսկե ծիրանի» փառատոնային երրորդ օրը մեկնարկեց հայ-թուրքական կինոպլատֆորմի նախագծերի ներկայացմամբ: Պետր Լոմը և Կորինե վան Էգեռաթը («Բիրմայական պատմությունների ժողովածու», վավերագրական մրցույթ), Բեգո Մ. Սանտյագոն («Ժամանակի միջով», վավերագրական մրցույթ), Գիորգի Օվաշվիլին և Հուսեյն Մահջուբը («Խիբուլա», խաղարկային մրցույթ), Զեքի Դեմիրքուբուզը («Անթեղ», խաղարկային մրցույթ) լրատվամիջոցների ներկայացուցիչներին ներկայացրին իրենց ֆիլմերը: Այնուհետև Հայկական բարեգործական ընդհանուր միության (ՀԲԸՄ) դահլիճում վարպետության դաս անցկացրեց հունգարացի հայտնի կինոռեժիսոր Իլդիկո Էնյեդին, որն այս տարի «Հոգու և մարմնի մասին» ֆիլմի համար արժանացել է Բեռլինի միջազգային կինոփառատոնի «Ոսկե արջ» մրցանակի: Էնյենդին նաև այս տարվա խաղարկային ժյուրիի անդամ է:

Հայ կինոօպերատորները, ուսանողներն ու պարզապես կինոսերները «Թումո» ստեղծարար տեխնոլոգիաների կենտրոնում մասնակցեցին կինոռեժիսոր, օպերատոր Ֆրեդ Քելեմենի վարպետության դասին:

«Ոսկե ծիրանի» «Երևանյան պրեմիերա» ծրագրի շրջանակում «Մոսկվա» կինոթատրոնում ներկայացվեց Իլդիկո Էնյեդիի «Մարմնի և հոգու մասին» ֆիլմը:

Երևանյան կինոսեր հասարակությունը դիտեց նաև Կիմ Կի-դուկի «Ուռկանը» ֆիլմը, սակայն գլխավոր փորձությունը դեռ առջևում էր. ֆիլմ, որի տևողությունը 226 րոպե է: Ֆիլմերի երկար խրոնոմետրաժով հայտնի ֆիլիպինցի ռեժիսոր Լավ Դիասի «Հեռացած կինը» հենց այն ֆիլմն էր, որը Վենետիկի միջազգային կինոփառատոնում արժանացել էր «Ոսկե առյուծ» մրցանակի:

Փառատոնային երրորդ օրը նշանավորվեց նաև Ռոտերդամի միջազգային կինոփառատոնի ծրագրի բացմամբ. ցուցադրվեց Սանալ Կումար Սասիդհարանի «Ցանկալի Դուրգան» ֆիլմը: Ստացվեց այնպես, որ մեկ փառատոնային օրվա ընթացքում ցուցադրվեցին առաջատար փառատոների՝ Բեռլինի, Վենետիկի և Ռոտերդամի հաղթող ֆիլմերը:

«Ոսկե ծիրանի» շրջանակում հարգանքի տուրք մատուցվեց հայ կինոռեժիսոր, ՀՀ արվեստի վաստակավոր գործիչ, ՀՀ ժողովրդական արտիստ Ռուբեն Գևորգյանցի հիշատակին: Ցուցադրվեց կինոփռեժիսորի վաղ շրջանի «Բարի հետք» ֆիլմը, որի համար երջանկահիշատակ վարպետը մրցանակ էր ստացել Օբերհաուզենի կինոփառոտոնում:

Ըստ թեմայի

Ոսկե Ծիրան, օր 2-րդ
Երևանցիներն ու Երևանի հյուրերը ծիրանաշատ օրեր կվայելեն. «Ոսկե ծիրանը» մեկնարկեց
«Ոսկե ծիրան» ու ծիրանօրհնեք. Երևանում մեկնարկեց «ծիրանային» շաբաթը
«Ոսկե ծիրան 2017». փառատոնի մեկնարկից մինչև ԼԳԲՏ սկանդալ
Երազ իմ երկիր Ծիրանի

Գլխավոր թեմաներ