12:57 18 նոյեմբերի 2018
Ուղիղ եթեր
  • USD485.72
  • GBP621.53
  • EUR550.71
  • RUB7.35
Արմեն Ամիրյան, Վարդան Մկրտչյան և Արմեն Էլբակյան

Նոր տնօրենով Սունդուկյանի անվան թատրոնը բանակին աջակցություն կտրամադրի

© Sputnik / Asatur Yesayants
Մշակույթ
Ստանալ կարճ հղումը
31310

Մշակույթի նախարար Արմեն Ամիրյանը Սունդուկյանի անվան թատրոնի աշխատակիցներին ներկայացրեց նորանշանակ տնօրեն Վարդան Մկրտչյանին։ Վերջինը ներկայացրեց իր անելիքները ոչ միայն գեղարվեստական, այլև պաշտպանական ոլորտում։

ԵՐԵՎԱՆ, 30 օգոստոսի–Sputnik. Սունդուկյանի անվան թատրոնի 95–րդ թատերաշրջանի յուրաքանչյուր վաճառված տոմսի 10 տոկոսը կուղղվի հայոց բանակին։ Թատրոնի նորանշանակ ղեկավար Վարդան Մկրտչյանի առաջին ծրագրերից մեկը սա կլինի։

«Մենք արդեն իսկ պաշտպանության նախարարի հետ հանդիպում ենք ունեցել ու քննարկել այս հարցը։ Բոլորս զինվորներ ենք, պետք է գործառույթներ իրականացնենք բանակի հետ միասին»,–ասաց Վարդան Մկրտչյանը։

Սունդուկյանի անվան թատրոնի գեղարվեստական ղեկավարը հայտնեց, որ կայծակնային հաջողություններ չի խոստանում, այդքան միամիտ չէ։ Բայց այն, որ տարեցտարի հասարակությունը կտեսնի դրական փոփոխություններ, խոստացավ։

«Եթե չիրականացնեմ նախանշված ծրագրերը, սիրահոժար կհեռանամ»,–ասաց Մկրտչյանը։

Հիշեցնենք, որ մինչ Սունդուկյանի անվան ազգային ակադեմիական թատրոն տեղափոխվելը Վարդան Մկրտչյանը ղեկավարում էր Համազգային թատրոնը։ Ասում է` կապերը չի խզել իր սիրելի մշակութային օջախի հետ։

«Ես Համազգային թատրոնում եմ ծնվել իբրև արվեստագետ, 1999 թվականին առաջին կուրսում էի, Սոս Արտաշեսովիչն ինձ հրավիրեց թատրոն` այնտեղ աշխատելու։ 18 տարի ծառայել եմ այդ թատրոնին, վերջին 7–8 տարիներին աշխատել եմ որպես թատրոնի ղեկավար, ես պատրաստ եմ այդ թատրոնի հետ համագործակցել իբրև արվեստագետ»,–ասաց նա։

  • Վարդան Մկրտչյան
    Վարդան Մկրտչյան
    © Sputnik / Asatur Yesayants
  • Արմեն Ամիրյանը ներկայացրել է Սունդուկյանի անվան թատրոնի նոր տնօրենին
    Արմեն Ամիրյանը ներկայացրել է Սունդուկյանի անվան թատրոնի նոր տնօրենին
    © Sputnik / Asatur Yesayants
  • Արմեն Էլբակյան և Վարդան Մկրտչյան
    Արմեն Էլբակյան և Վարդան Մկրտչյան
    © Sputnik / Asatur Yesayants
1 / 3
© Sputnik / Asatur Yesayants
Վարդան Մկրտչյան

Լրագրողները հարց ուղղեցին նաև Սունդուկյանի անվան թատրոնի գեղարվեստական տնօրեն Արմեն Էլբակյանին` ինչպե՞ս է պատկերացնում մեկ թատրոնում գեղարվեստական ղեկավարի ու տնօրենի համագործակցությունը, հատկապես, երբ երկուսն էլ ակտիվ արվեստագետ են։

«Գեղարվեստական ղեկավար–տնօրեն հարաբերությունները ժամանակին ամրագրված էին թատրոնի մասին կանոնադրության մեջ, հիմա այդ բանը չկա, բայց կա այն բարոյականը, որ մշակել է նախարարությունը։ Այդ հարաբերությունները ճշտված են. գեղարվեստական մասը պիտի փորձի տնօրենի հետ գտնել այն հնարավորը, որն օգուտ կբերի թատրոնին  և մի կողմ կդնի ամբիցիաները»,–ասաց Էլբակյանը։

Ավելի պատկերավոր արտահայտվելու համար Էլբակյանը հումորով ասաց` եթե իրենց երկուսի տարիքը գումարեն ու բաժանեն հավասար երկու կեսի, կստացվի երկու առողջ ու առույգ տղամարդ, որոնք կպայքարեն հանուն թատրոնի զարգացման։

Գլխավոր թեմաներ