ԵՐԵՎԱՆ, 16 սեպտեմբերի — Sputnik, Լիլիթ Հարությունյան․ Դիզայներ Լիանա Սարգսյանը արժանացել է Միլանի նորաձևության շաբաթի նախագահ Մարիո Բոզելիի հատուկ ուշադրությանը Վենետիկի 74-րդ կինոփառատոնի շրջանակում կայացած Palazzo Contarini Polignac փակ ցուցադրության ժամանակ։ Sputnik Արմենիայի հետ զրույցում Լիանա Սարգսյանը պատմեց, թե ինչպես է հայտնվել լավագույն յոթնյակում ու արժանացել վարպետի գովեստին։
«Կազմակերպիչները, ինչպես նրանք ասացին, ցուցադրությանը մասնակցելու համար ընտրել էին յոթ լավագույն դիզայներների ամբողջ աշխարհից։ Մեզ նկատել էին Մոսկվայում Follow The Fabrika-յի ժամանակ։ Նորաձևության ցուցադրության ժամանակ ԱՊՀ ֆեշն-հյուպատոսի ներկայացուցիչը վերցրեց մեր տվյալները, հետո մենք առաջակ ստացանք, որի համաձայն պետք է մեր աշխատանքներն ուղարկեինք, որպեսզի դրանք տեսներ հենց ինքը՝ հյուպատոս Մարիո Բոզելին»,-պատմում է Լիանան:
eLSi ապրանքանիշի ներկայացրած 21 զգեստից երեքն աստղերն ընտրել են Վենետիկի կինոփառատոնի կարմիր գորգի համար։ Հատկանաշական է, որ միայն Լիանայի աշխատանքներն են ընտրվել կարմիր գորգի համար։
Դրանցով շրջում էին հայտնի դերասանուհի Թիֆնի Բրոուվերը, հաղորդավարուհի, նորաձևության ոլորտի փորձագետ, արքայադուստր Ելնա Մարգրետ Բենթհայմը ու միջոցառման բրենդ-մենեջեր Անգելա Սայմոնը։
Դիզայների խոսքով՝ ավելի շատ մարդ էր ցանկանում հագնել իր աշխատանքները, սակայն անհրաժեշտ էր նաև արժանապատվորեն հանդես գալ ցուցադրության ժամանակ։
«Շատ հետաքրքիր արձագանքներ եղան։ Մեծ իրարանցում սկսվեց։ Մարիո Բոզելիի կարծիքը շատ կարևոր է, սակայն նա, որպես կանոն, հազվադեպ է արտահայտվում։ Այդպիսի մարդուն բավականին դժվար է զարմացնել։ Բայց գալա-ընթրիքի ժամանակ նա մոտեցավ ինձ ու ասաց․ «Պրեմիում դաս է։ Գերազանց է»։ Նա նկատել էր բոլոր մանրուքները, ասաց, որ հետաքրքիր որոշումներ կային, որոնք նոր են նորաձևության աշխարհում։ Այդ պահից դահլիճն ասես քարացավ․․․», — պատմում է Լիանան։
Նրա խոսքով՝ ցուցադրության անցկացման գաղափարը հենց ֆեշն — հյուպատոս ՄարիոԲոզելիինն է ու չի բացառվում, որ նորաձևության ցուցադրությունն ավատնդական դառնա։
