ԵՐԵՎԱՆ, 16 սեպտեմբերի — Sputnik, Լաուրա Սարգսյան․ Ռեժիսոր, «ԿԻՆ» միջազգային կինոփառատոնի տնօրեն Մարիամ Օհանյանի «Pro Շամիրամ» վավերագրական ֆիլմը ներկայացված է «Եվրասիական կամուրջ» միջազգային կինոփառատոնին Յալթայում։ Ֆիլմը պատմում է ռեժիսոր, բալետմեյստեր Աիդա Սիմոնի (Սիմոնյանի) կյանքի մասին։
Աղջիկը կարծում է, որ խառնվածքով նման է ասորի թագուհի Շամիրամին։ Այդտեղից էլ գալիս է ֆիլմի անվանումը։
Ավելի վաղ Աիդան Խաղացել է «Pro Շամիրամ» ներկայացման մեջ, որը պատմում է ասորի թագուհի Շամիրամի՝ Արա արքայի հանդեպ սիրո մասին։ Այն ժամանակ նա հասկացավ, որ Շամիրամի կերպարը հոգեհարազատ է նրան։
Ֆիլմում ռեժիսոր Մարիամ Օհանյանին հաջողվել է համադրել այդ երկու կերպարները։
«Մարիամն ինձ մի քանի ամիս նկարահանում էր. ինչպես եմ փորձ անում, պարապմունքի գնում, նա, կարելի է ասել, իմ կյանքով էր ապրում։ Հստակ սցենար չկար։ Արդյունքում իմ կյանքի մասին ֆիլմ ստացվեց»,- ասաց Աիդան։
«Pro Շամիրամը» նոր էքսպերեմենտալ ուղղություն է հայկական կինոարվեստում։
«Եվրասիական կամուրջ» միջազգային կինոփառատոնն անցում է Յալթայում սեպտեմբերի 15-19-ը։ Փառատոնի ծրագիրը երկու մասից է կազմված․ հիմնական մրցույթ (խաղարկային ու վավերագրական ֆիլմեր) ու մրցույթից դուրս ցուցադրություններ։ Վավերագրական մրցույթում կան նաև ութ ֆիլմեր Ռուսաստանից, Հայաստանից, Լեհաստանից ու այլ երկրներից։
Կինոփառատոնի ստեղծման գաղափարը ՌԽՖՍՀ ժողովրդական արտիստ, Ռուսաստանի կինեմատոգրաֆիստների միության նախագահ, ռեժիսոր, դերասան, սցենարիստ ու պրոդյուսեր Նիկիտա Միխալկովինն է։
