11:58 25 սեպտեմբերի 2017
Ուղիղ եթեր
Լու Բեգա

Լու Բեգա. «Հայերն աշխարհի ամենահետաքրքիր ազգերից են»

© Sputnik/ Aram Nersesyan
Մշակույթ
Ստանալ կարճ հղումը
190 0 0

Հայաստանը դեռ չի հասցրել տեսնել, բայց գիտի, որ հայերն աշխարհի ամենահետաքրքիր ազգերից են, երևանյան համերգից հետո լրագրողներին այս մասին ասաց գերմանաբնակ հանրաճանաչ երգիչ Լու Բեգան։

ԵՐԵՎԱՆ, 17 սեպտեմբերի — Sputnik. Հայաստանը տեսնել ու մոտիկից ծանոթանալ չի հասցրել, սեպտեմբերի 16-ին Երևանում կայացած համերգից հետո լրագրողների հետ զրույցում ասաց հանրաճանաչ երգիչ Լու Բեգան։

«Ես սիրում եմ պատմությունը, գիտեմ, որ հայերը աշխարհի հնագույն ու հետաքրքիր ազգերից են»,- ասաց նա՝ հավելելով, որ Հայաստանը տեսել է միայն օդանավակայանից հյուրանոց ճանապարհին։

Գերմանաբնակ, ծագումով ուգանդացի և իտալացի երգիչը դժվարացավ հայկական որևէ երգ կատարել, հրաժարվեց խոսել նաև քաղաքական խնդիրներից, բայց ասաց, որ տեղյակ է պատերազմներից, երկրաշարժերից, Սիրիայից՝ կոչ անելով լուծումը փնտրել Հիսուս Քրիստոսի մեջ։ Հայ երգիչներից որևէ մեկին Լու Բեգան ևս չցանկացավ առանձնացնել։

Հարցին, թե նրանցից ում հետ կցանկանար երգել, հումորով պատասխանեց. «Կցանկանայի կնոջս հետ երգել»։

  • «Երևանի երաժշտական երեկո» խորագրով համերգ. Լու Բեգա
    «Երևանի երաժշտական երեկո» խորագրով համերգ. Լու Բեգա
    © Sputnik/ Aram Nersesyan
  • «Երևանի երաժշտական երեկո» խորագրով համերգ. Լու Բեգա
    «Երևանի երաժշտական երեկո» խորագրով համերգ. Լու Բեգա
    © Sputnik/ Aram Nersesyan
  • «Երևանի երաժշտական երեկո» խորագրով համերգի ժամանակ
    «Երևանի երաժշտական երեկո» խորագրով համերգի ժամանակ
    © Sputnik/ Aram Nersesyan
  • «Երևանի երաժշտական երեկո» խորագրով համերգ, Արամ MP3
    «Երևանի երաժշտական երեկո» խորագրով համերգ, Արամ MP3
    © Sputnik/ Aram Nersesyan
1 / 4
© Sputnik/ Aram Nersesyan
«Երևանի երաժշտական երեկո» խորագրով համերգ. Լու Բեգա

Երգիչը Հայաստանում է Yerevan Music Night նախագծի շրջանակում։ Սեպտեմբերի 16-ին Երևանի Շառլ Ազնավուրի անվան հրապարակում տեղի ունեցավ «Երևանի երաժշտական երեկո» խորագրով համերգը, որտեղ հայաստանյան լավագույն ջազ, բլյուզ կատարողների՝ Լևոն Մալխասյանի, Գոռ Սուջյանի, Արամ MP3-ի հետ համերգային ուրախ ծրագրով հանդես եկավ նաև Լու Բեգան, որի մասնակցությունը համերգին մինչ ելույթի պահը կազմակերպիչները չէին բացահայտել։ Լա Բեգային համաշխարհային ճանաչում պարգևած առաջին երգը Mambo No. 5 երգն էր, որը տևական ժամանակ մնում էր համաշխարհային հիթ-շքերթների առաջին հորիզոնականներում։ Ավելի ուշ այն ներառվեց A Little Bit of Mambo ալբոմում։ Հետագայում երգիչը մի շարք այլ հավաքածուներ ևս թողարկեց, բայց առաջին երգն ու առաջին ալբոմը մնացին չգերազանցված։

© Sputnik. Aram Nersesyan
Երևանի Շառլ Ազնավուրի անվան հրապարակում տեղի ունեցավ «Երևանի երաժշտական երեկո» խորագրով համերգը

Գլխավոր թեմաներ