21:28 21 նոյեմբերի 2017
Ուղիղ եթեր
«Էմերսոն» լարային քառյակ

«Էմերսոն» լարային քառյակի անդամներին հիացրել է հայկական ջերմությունը

© Sputnik/ Karen Yepremyan
Մշակույթ
Ստանալ կարճ հղումը
17 0 0

Հայ հանդիսատեսը հիացել է 9 «Գրեմմի» մրցանակակիր «Էմերսոն» լարային քառյակը ելույթից։

ԵՐԵՎԱՆ, 13 նոյեմբերի — Sputnik. 9 անգամ «Գրեմմի» արժանացած «Էմերսոն» լարային քառյակը «Երևանյան հեռանկարներ» միջազգային փառատոնի շրջանակում համերգով հանդես եկավ հայաստանյան հանդիսատեսի համար:

Լրագրողների հետ հանդիպման ժամանակ «Երևանյան հեռանկարներ» միջազգային փառատոնի գեղարվեստական ղեկավար, կոմպոզիտոր Ստեփան Ռոստոմյանը նշեց, որ նրանք իսկապես գագաթնակետն են: «Ուրախ ենք, որ «Էմերսոն» քառյակին հյուրընկալել ենք Հայաստանում:

Հայաստանը մշակութային երկիր է, իսկ սա այն խմբերից է, որը մշակույթի ջատագով է»:Ֆիլիպ Սեթզերը փաստեց`Հայաստան գալը երկար տևեց, սակայն հիմա իրենք այստեղ են, ինչն անխոս ուրախալի է:«Հայաստանն այն երկիրն է, որի նկարներով և այստեղից բերված ջերմությամբ ես հիացել եմ, երբ ծնողներս 1965 թվականին Հայաստան էին եկել: Մենք երկար ժամանակ չէինք դադարում Հայաստանի մասին խոսելուց»,- հիշողությունները պատմեց արտիստը:

Յուզին Դրուքերը խոստովանեց, որ գալուց առաջ նախապես քարտեզի վրա փնտրել է Հայաստանը, բացի դրանից՝ պատկերացում է կազմել, թե ինչ երկիր է այցելելու. «Հայաստանն այն երկիրն է, որն առաջինն է ընդունել Քրիստոնեությունը, որն իր ներկայացուցիչներն ու պատրիարքարանն ունի Երուսաղեմում և վերջապես ունի գիր, որն առանձնանում է աշխարհի մյուս գրերից»:Խմբի անդամները մեծ ոգեւորությամբ են պատրաստվել հայաստանյան համերգին և հույս ունեին, որ հայ հանդիսատեսը գոհ կմնա համերգից:

Նյու Յորքում 1976 թվականին հիմնադրված խումբը շուրջ հինգ տասնամյակ համարվում է կատարելության խորհրդանիշ եւ կամերային երաժշտության լավագույն մեկնաբանող: «Էմերսոն» լարային քառյակը տարբերվում է մյուս լարային քառյակներից: 1987 թվականից այն առավել քան 30 հաջողված ձայնագրություն է կատարել «Deutsche Grammophon» ստուդիայում, 9 անգամ ստացել հեղինակավոր «Գրեմմի», 3 անգամ՝ «Gramophone» և այլ մրցանակներ: Հանդես է եկել երաժշտական մայրաքաղաքների հեղինակավոր բեմերում:

Գլխավոր թեմաներ