ԵՐԵՎԱՆ, 21 նոյեմբերի – Sputnik. Հայաստանի հանդիսատեսը պետք է օպերա գա ոչ թե կիսամերկ դերասանների մասնակցությամբ բեմադրություններ դիտելու, այլ դերասանների որակյալ խաղն ու ձայնը վայելելու։ Այս մասին Sputnik Արմենիա մամուլի կենտրոնում մամուլի ասաց Փարիզի Իրինա Բրուքի թատերական ընկերության (CIB) հիմնադիր անդամ և Տիգրան Չուխաջյանի անվան Միջազգային Ինստիտուտի (IIDT)հիմնադիր տնօրեն, ռեժիսոր, դերասան Ժիրայր Փափազյանը։
Փափազյանը Երևան է եկել Ալեքսանդր Սպենդիարյանի անվան օպերայի և բալետի ազգային ակադեմիական թատրոնի տնօրեն Կոնստանդին Օրբելյանի հրավերով։ Նա Երևանում վարպետության դասեր կանցկացնի։
«Նրանք հանդիսատեսին կգրավեն ոչ թե մերկ մարմիններով,այլ պլաստիկայով ու բեմական խաղով», – ասաց Փափազյանը։
Փափազյանը Հայաստան է ժամանել, որպեսզի օգնի զարգացնել այդ ուղղությունը։ Օպերային թատրոնի ամենակարևոր խնդիրը մնում է ֆինանսավորման բացակայությունը։ Բնակչության համար տոմսերը թանկ են, իսկ օպերայի համար` էժան, կարծում է Փափազյանը։
Սակայն հանդիսատեսին կարելի է գրավել` օպերային ստեղծագործությունների ստատիկ կատարումները համեմելով դերասանների խաղով։ Տեղի օպերային երգիչները պատրաստ են այդպիսի փոփոխություններին ու ցանկանում են համապատասխանել ժամանակակից հանդիսատեսի պահանջներին։
«Հայկական օպերայի ու բալետի թատրոնն ունի ամեն ինչ արվեստի այդ ձևը տարածելու համար։ Դերասանները տաղանդավոր են ու համապատասխանում են միջազգային մակարդակի չափանիշներին։ Մնում է այդ ամենն իրար գլխի հավաքել», – ասաց Փափազյանը։
Նա նաև ընդգծեց, որ հաջորդ տարի օպերային շրջանը Հայաստանում լի կլինի պրեմիերաներով։ Տեղի կունենա Տիգրան Չուխաջյանի «Արշակ II» օպերայի համաշխարհային պրեմիերան, որը նվիրված կլինի դրա ստեղծման 150–ամյակին։ Օրերային թատերախումբը նաև համերգ է պատրաստում Մոցարտի օպերաների հատվածների հիման վրա։
