06:09 26 մայիսի 2018
Ուղիղ եթեր
  • USD482.76
  • GBP644.63
  • EUR565.36
  • RUB7.81
Լեհ երգահան Քշիշտոֆ Պենդերեցկին Հայաստանում է

Պենդերեցկին նույնպես. մեծանուն երգահանը հայուհու թոռ է

© Sputnik / Asatur Yesayants
Մշակույթ
Ստանալ կարճ հղումը
51 0 0

Համաշխարհային հայտնի երգահանը Երևանում է, որտեղ կմեկնարկի նրա հոբելյանին նվիրված միջոցառումների միջազգային շարքը։

ԵՐԵՎԱՆ, 15 փետրվարի — Sputnik. Ինչպես տեղեկացնում է նախագահի մամուլի ծառայությունը` Լեհ հանրահայտ երգահան Քշիշտոֆ Պենդերեցկին այսօր` փետրվարի 15-ին, ՀՀ նախագահ Սերժ Սարգսյանի հետ հանդիպման ժամանակ տեղեկացրել է, որ հայկական արմատներ ունի։

Պենդերեցկին ասել է, որ իրեն մեկ քառորդով հայ է համարում, քանի որ տատը հայ է եղել։

«Ինձ, տիկնոջս և ընտանիքիս համար մեծ բավականություն է Հայաստանում գտնվել։ Նշեմ, որ ես ինձ մեկ քառորդով հայ եմ համարում, քանի որ տատս հայ է եղել»,- ասել է մաեստրոն։

Պենդերեցկին Երևան է ժամանել իր 85-ամյա հոբելյանին նվիրված միջոցառումների շրջանակում։ Նախատեսվում է, որ միջոցառումները տեղի կունենան նաև այլ երկրներում, իսկ կմեկնարկեն Երևանում։

Քշիշտոֆ Պենդերեցկին ժամանակակից երաժշտական արվեստի ամենավառ ներկայացուցիչներից է, որի մեջ համատեղվում են երգահանը, խմբավարը, հասարակական գործիչը, մանկավարժը։

Նա գործունեություն է ծավալում աշխարհի տարբեր երկրներում։ Լեհ երգահանի երաժշտությունը ոգեշնչել է և շարունակում է ոգեշնչել մի քանի սերունդների։ Նա օպերաների, գործիքային համերգների հեղինակ է։ Գործունեության ընթացքում երգահանը երեք անգամ արժանացել է «Գրեմմի» մրցանակի և երկու անգամ դարձել «Էմմիի» մրցանակակիր, պետական մի շարք մրցանակների դափնեկիր է։

Գլխավոր թեմաներ