15:25 16 հոկտեմբերի 2019
Ուղիղ եթեր
  • USD476.57
  • GBP602.53
  • EUR524.89
  • RUB7.40
Սաթենիկ Գևորգյան

Հիասքանչ Սաթենիկ Գևորգյանը կպայքարի «Ты супер!» մրցույթի գլխավոր մրցանակի համար

© Sputnik / Arpi Beglaryan
Մշակույթ
Ստանալ կարճ հղումը
192 0 0

«Ты супер!» երգի մրցույթում Հայաստանի ներկայացուցիչ Սաթենիկ Գևորգյանը հասել է եզրափակիչ փուլ։

ԵՐԵՎԱՆ, 26 մայիսի — Sputnik. «Ты супер!» երաժշտական մրցույթի եզրափակիչ փուլը կկայանա այսօր` մայիսի 26-ին։ ՆՏՎ հեռուստաընկերության եթերով հեռարձակվող մրցույթին մասնակցում են ծնողական խնամքից զրկված երեխաները։

Եզրափակիչ փուլում հանդես կգան մրցույթի մասնակիցներից 11-ը, որոնց թվում է նաև Հայաստանը ներկայացնող Սաթենիկ Գևորգյանը։ Նա հրաշալի ելույթ ունեցավ մրցույթի կիսաեզրափակիչ փուլում` երգելով «Տիտանիկ» ֆիլմից հայտնի My heart will go on ստեղծագործությունը։ Ժյուրիի բոլոր անդամները սեղմեցին բաղձալի կանաչ կոճակը, ինչը նշանակում էր, որ բոլորին դուր եկավ հայուհու կատարումը։

Եզրափակիչ փուլ հասած մասնակիցներից յուրաքանչյուրի ելույթն անակնկալ է լինելու. բոլորը ելույթ են ունենալու շոու բիզնեսի աստղերի հետ, որոնց թվում են նաև Գարիկ Մարտիրոսյանն ու Վալերիան։

Բոլորն անհամբեր սպասում են, թե ով է հաղթելու մրցույթում։ Նշենք, որ մասնակիցներից մեկը կարժանանա «հանդիսատեսի համակրանք» մրցանակին, իսկ նախագծի գործընկերները հատուկ մրցանակներ են պատրաստել երեխաների համար։

Նախագծին մասնակցել են 82 երեխաներ Ռուսաստանից, Աբխազիայից, Հայաստանից, Բելառուսից, Վրաստանից, Ղազախստանից, Ղրղըզստանից, Մոլդովայից, Ուկրաինայից, Էստոնիայից ու Հարավային Օսեթիայից։

«Դիմեք տիկին Ալսուին». երգչուհին երգել ու զրուցել է «Ты супер!»–ի Սաթենիկ Գևորգյանի հետ

Լավագույն մասնագետները 5 ամիս անընդմեջ պարապել են երեխաների հետ, իսկ էստրադայի աստղերը նրանց են փոխանցել իրենց գիտելիքներն ու փորձը։

«Իմ քաղաքի համար ես արդեն հաղթել եմ». Սաթենիկ Գևորգյանը` «Ты супер!»-ում

Սերգեյ Լազարևը «Ты супер!» նախագծի մասնակիցներին հրավիրել է իր համերգին, Եվգենի Մարգուլիսը երեխաների համար փակ համերգ է կազմակերպել։

Մասնակիցներից շատերն այս ընթացքում հանդիպել են իրենց հարազատներին, օրինակ` Վլադիմիր Սկրիպալը տեսել է հորը, Ռոմա Դրուժինինը գտել է բարեկամներին։

«Ты супер!»-ը ՆՏՎ-ի և Sputnik-ի համատեղ նախագիծն է, որն ինքնադրսևորվելու հնարավորություն է ընձեռում տաղանդավոր երեխաներին։

Գլխավոր թեմաներ