20:29 23 սեպտեմբերի 2019
Ուղիղ եթեր
  • USD476.26
  • GBP592.56
  • EUR522.98
  • RUB7.44
Նախագահ Արմեն Սարգսյանն այցելել է Մինաս Ավետիսյանի արվեստանոց

Մինասի ծննդյան օրվա առթիվ նախագահը շնորհավորել է նրա այրուն և հարազատներին

© Photo: official site of the President of RA
Մշակույթ
Ստանալ կարճ հղումը
8210

Նախագահ Սարգսյանն այցելել է մեծանուն նկարիչ Մինաս Ավետիսյանի արվեստանոց

ԵՐԵՎԱՆ, 20 հուլիսի — Sputnik. Հանրապետության նախագահ Արմեն Սարգսյանն այսօր այցելել է մեծանուն նկարիչ Մինաս Ավետիսյանի տուն՝ շնորհավորել նրա այրուն, զավակներին ու թոռներին՝ մեծ նկարչի ծննդյան 90-ամյակի առթիվ:

Նախագահը դիտել է Մինասի վաղ շրջանի մի քանի գործեր, զրուցել ընտանիքի անդամների հետ, լսել նրանց պատմությունները Մինասի մասին:

Այնուհետեւ նախագահ Սարգսյանն այցելել է նկարչի արվեստանոց, որտեղ այսօր ստեղծագործում է նրա որդին՝ նկարիչ Նարեկ Ավետիսյանը:

Արմեն Սարգսյանը դիտել է նրա կտավները, զրուցել հայ ժամանակակից արվեստի զարգացման միտումների մասին:

Армен Саркисян посетил мастерскую Минаса Аветисяна
Նախագահ Արմեն Սարգսյանն այցելել է Մինաս Ավետիսյանի արվեստանոց

Մինաս Ավետիսյան 20-րդ դարի երկրորդ կեսի հայ կերպարվեստի ամենակարկառուն ներկայացուցիչներից մեկն է: Ծնվել էը 1928 թ.-ի հուլիսի 20-ին Ջաջուռում (Շիրակի մարզ)։ Համեմատաբար ուշ է սկսել զբաղվել գեղանկարչությամբ։ Պատանի հասակում տարված է եղել Մարտիրոս Սարյանի արվեստով։ Մինասի գեղարվեստական և էսթետական զարգացման գործում մեծ ազդեցություն են ունեցել Հայկական մանրանկարչությունը և իտալական վերածննդի նկարչությունը։

Армен Саркисян посетил мастерскую Минаса Аветисяна
Նախագահ Արմեն Սարգսյանն այցելել է Մինաս Ավետիսյանի արվեստանոց

Նա ստեղծել է հայկական գյուղաշխարհն արտացոլող կոմպոզիցիաներ, բնանկարներ, ինչպես նաև դիմանկարներ, նատյուրմորտներ, որմնանկարներ։

Մինասի հասուն ստեղծագործական կյանքը տևել է 15 տարի՝ 1960–1975 թթ, որի ընթացքում նկարիչը ստեղծել է մոտ հինգ հարյուր մեծ ու փոքր կտավ, մոտավորապես նույնքան գծանկար, քսան մեծածավալ որմնանկար, մեկ տասնյակից ավելի բալետային ու թատերական ձևավորումներ։

1975 փետրվարի 16-ին Մինասը Երևանում ենթարկվում է ավտովթարի։ Վախճանվում է մեկ շաբաթ անց՝ փետրվարի 24-ին։

թեգերը:
Արմեն Սարգսյան, Հայաստան

Գլխավոր թեմաներ