15:18 17 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Այվազովսկու 200 ամյակին նվիրված ցուցահանդեսի բացումը

Այվազովսկու կտավի անփառունակ «նավարկությունը». ինչպե՞ս է հայտնվել այն Հայաստանում

© Sputnik / Алексей Даничев
Մշակույթ
Ստանալ կարճ հղումը
23310

Քննչական կոմիտեում փորձում են պարզել հանրահայտ ծովանկարչի «Նավը ծովում» կտավի ձեռք բերման աղբյուրը:

ԵՐԵՎԱՆ, 10 օգոստոսի — Sputnik.  Քննչական կոմիտեի հատուկ կարևորագույն գործերի քննության գլխավոր վարչության կոռուպցիոն, սեփականության դեմ ուղղված հանցագործությունների և կիբեռհանցագործությունների քննության վարչությունում միջոցներ են ձեռնարկվում՝ պարզելու Հովհաննես Այվազովսկու՝ «Նավը ծովում» կտավի ձեռք բերման հանգամանքները:

Քննչական կոմիտեի տարածած հաղորդագրության համաձայն՝ նախնական տվյալներով 2017 թվականին «Փյունիկ» բարեգործական հիմնադրամի պաշտոնական կայք-էջում հրապարակվել է տեղեկատվություն առ այն, որ հիմնադրամը ՀՀ երրորդ նախագահին է նվիրել ծովանկարիչ Հովհաննես Այվազովսկու «Նավը ծովում» կտավը:

«Դրանից հետո մամուլում հրապարակումներ են եղել այն մասին, որ կտավը հափշտակված է:

Նյութերի նախապատրաստման ընթացքում տվյալներ են ձեռք բերվել առ այն, որ 2011 թվականի հունվարի 13-ին «Ռուսական ոսկի» կորպորացիայի տնօրենի՝ ՌԴ-ում գտնվող բնակարանից ավազակային հարձակմամբ հափշտակվել են բազմաթիվ կտավներ, այդ թվում՝ Հովհաննես Այվազովսկու՝ առանձնապես խոշոր չափի արժողության «Նավը ծովում» կտավը:

Նկատի ունենալով, որ նախապատրաստված նյութերում առկա է ՀՀ քրեական օրենսգրքի 216-րդ հոդվածի 3-րդ մասի 1-ին կետով նախատեսված առերևույթ հանցագործության հատկանիշներ՝ ՀՀ ՔԿ ՀԿԳ քննության գլխավոր վարչության կոռուպցիոն, սեփականության դեմ ուղղված հանցագործությունների և կիբեռհանցագործությունների քննության վարչությունում հարուցվել է քրեական գործ՝ ակնհայտ հանցավոր ճանապարհով ձեռք բերված առանձնապես խոշոր չափի գույք ձեռք բերելու կամ իրացնելու դեպքի առթիվ»,-ասված է հաղորդագրության մեջ:

Կատարվում է նախաքննություն, իրավապահները ձեռնարկում են անհրաժեշտ քննչական և դատավարական այլ գործողություններ՝ կտավի ձեռք բերման աղբյուրը և մյուս հանգամանքները պարզելու ուղղությամբ:

թեգերը:
Սերժ Սարգսյան, Ռուսաստան, Հայաստան

Գլխավոր թեմաներ